دردشة بنات المدينه المنوره - تجمع حوامل بنات المدينه

[أسوووم]

كيفكم يابنات ..

ايش اخباركم واخبار النونوات ..

ان شاءالله تكونو بخير وربي يقومني ويقومككم بالسلامه ..

بس حبيت تساعدوووني ..

ابغى رقم شغاللات بالشهر لانو من دحين بعطي لامي الرقم عشان الولاده وساعتها تعرفو ضيوف وحووووووسه فـ قلت لامي وقالتلي غالييييين .. انا قلتلها بس شهر واحد يعني رخيصه

فـ الله يسعدكم اعطوووني ..

وقولولي يعني ازا وحده جربت تقليكيف تعملهم .. ونظيفيين ولا اي كلام ..

وكمان ابغى رخيييصه ماتجيني وحده تطلب 1500 ع الفاااضي ابغى ارخص من كدا

استناكم

[sooma1]

اللهم امين اسوم

اسوم ان شاء الله البنات يفيدونك انا ماعمري جربتهم

[دلوعه زوجي حبيبي]

بنات بليز قولولي وين الاقي لبس اطفال للاستقبال بالبيت لاني اخدت كل شي بس باقي لبس البيبي
تكفووووووووووووووووووووووووووووووووووووووووووووووو ووووووووووون
وزينت المستشفى وين القيها

[أسوووم]

ها يابنات مارديتو عليا ..

؟؟

بخصوووووص الشغالــــــــــــــــه

[احلى ليان]

سلام عليكم..
كيفكم يا بنااااااااااااااااات اخباركم؟؟ واخبار النونو؟؟
تانيا.. الله يسلمك ويحفظلك بنوتتك ياااارب.
سوما.. اخبارك ؟؟ واخبار البيبي ؟؟ ايش باقيلك ما خلصتي ؟؟ فين حتولدي ان شاء الله؟؟
اسوم.. والله ماعندي فكرة يا قمر ان شاء الله اللي جربت تفيدك.. هيه ازمة شغالات امي قربت تكمل سنة وماعندها شغالة شكلهم ما حيفتحوا الاندونسيات وحنغير عنهم..
بوح.. الله يسهلك ويقومك بالسلامة يارب انتي والبيبي
دلوعة.. ربي يعوضك في بنوتتك ويقومك انتي وهيه بالسلااااااااامة يارب في محل في عالية المدينة فيه فساتين بيبي الفستان اي موديل بــــ 150 ريال من البوابة رقم 1 المحل على اليسار اسمو" اونستي" وقمصان النوم حقت الام في بـــــ 450 وفي بـــ600
وممكن في اماكن تانية بس لسه ما نزلت..
ام اجوان .. اخبارك واخبار النونو؟؟ الله يسهلك..
توته.. عقبالك لمن تيجي المدينة ,,يارب تكون رحلتكم حلووووة
يابنات حمرة الورد ولدت ولا لأ؟؟ وفين غنج غاطسة؟؟ وضاع الامل .. اتعودنا عليهم كلهم..
راما .. اخبارك ؟؟ لا تغطسي علينا يا قمر خلينا نسمع اخبارك دايمن..
وحشتوني يا بنات..

[ام اجـــوان]

هلا كروشاااات كيفكم ،،،؟؟
اسوووم حبيبتي انا مثلك ادور على شغالات لماما لان هي موظفه وماعندها شغاله
عاد تخيلي وضعي اولد وانا عند اهلي مافي احد عندي في الصباح اللكل في المدارس
واللحين جالسه ادور لها وياحبيبتي تبغي 1500 فين بتلاقيها
الشغالات مايتكلموا الا 1800 وفوق ،،، الله يوفقك ويسر لك
دلوعه زوجك ،، حبيبتي باسلامه اطقم استقبا مررره حلوووه
انا اشتريت منه لبنتي ،،، وبالنسبه لزينة الباب والله ماعندي علم فيه
سوووما ،، كيفك وشو اخبارك ،،،
احاى ليان ،،، انا تمام الحمد لله انتي شو اخبااااااارك




تنبيه ::: للي يفكروا يولدوا بالاحمدي
ترى ماعندهم استقبال ولاده لان يعملو صيااانه وتنظيف
*

[توتة 14]

السلام عليكم .. كيفكم كروشات ...
اسوم .. والله ماعندي فكرة حتى احنا حايسين في موضوع الشغالات الله يعيننا بس
احلى ليان .. آمين يارب .. وانت كيفك وحمد الله ع السلامة ..
ام اجوان .. كيفك وكيف النونو ..

يابنات دحين ان شاء الله الغرفة اللي حااستقبل فيها الضيوف ان شاء الله بعد الولادة لون الكنب زيتي بسكري بذهبي وكمان حتى السجادة نفس الالوان دحين انا حايسة في لون المفرش ماني عارفة ايش اجيب لون .. انتو ايش تنصحوني .. وكمان التحف ابغى اغيرها وماني عارفة ايش اجيب .. وكمان فين الاقي تحف فخمة وحلوة .. الله يسعدكم لاتطنشوني ...

[sooma1]

احلى ليان انا نحمدو والولاده ربي عالم فين سبحان الله تخططي وكل تخطيطك بح هههه مثل خاله ام اجوان بس انا بستخير بين الالمانني واحد
ووام ائاجوان انا نحمدو كيفك انتي
اللي سئلوا عن حمره انا دخلت تجمع السابع والتاسع لقيتها تبشرهم بولادتها بث


انتم كلكم اخباركم

[تانيا]

أهلين بنات كيفكم انشاءالله بخير حبيت أسئل إلي ساكنين في المدينة من عمرها راحت عند مشغل مركز الأصفر في سلطانةمن سوت عنده خلطات تنظيف كيف مكياجهم خبروني عنه وبكون شاكر لكم

[تانيا]

وهو مستحضر .. مافالا .. لتكثيف وتطويل الرموش ..
من تعرفه وجربته أنا سمعة عنه في منتدى ويقولي إلي جربوه انو استفادو طول رموشهم وكثفها اشترو ه من قزاز