@@ أهلا" بكم في دردشة الأعضاااااء 2 @@

[حنين الجنة]

ملكة الف سلامة على يوسف حبيبتى مايشوف شر
اللهم اذهب الباس رب الناس اشف وانت الشافي
سلامتك ان شاء الله الصداع راح ؟







بنات من شوية شفت مقطع خلاانى ابكى
خدامة اخذت بنت الست اللى تشتغل عندها وحبستها بالحمام وتركتها فى ماء مغلى حرارته 100 والبنت ياعمري جلدها تقطع وبترولها اصابع رجلها
والحكم على الخدامه بقطع اصابعها العين بالعين والسن بالسن


والله يابنات انا لو امووووووووت ما اجيب خدامه بيتى مع بنتى ابد

ديروا بالكم الله يخليكم بنات والله مامنهم خير ابد

[اقصوصه]

اوف هاي شو من. قلب عليها

هاي يبيلها اعدام مش بس قطع اصابع

حسبي الله عليها اللي ما تخاف الله

إحنا المشكله بيوتنا كبيره وشغلنا وايد

ما نقدر نستغني عنهم وجودهم ضروري

بس بنفس الوقت انا عن نفسي ما اخليها تتعامل مع العيال الا تحت عيني

وطول الوقت قاعده ع قلبها ما اترك عيالي معاها

ولو طلعت ما اطلع الا وعيالي معاي او أنيمهم من وقت عشان مدارسهم

واطلع بعد ما ينامون

[حنين الجنة]

حسبي الله عليها مجرمه
طيب ليش يا اقصوصه ماتخلى الخدامه تجيك مرة كل اسبوع تنظف وتروح

[اقصوصه]

صعب جدا يا مصريه

انا اثنين من إخوان زوجي ساكنين عندي لان بيوتهم بمدينه ووظائفهم بمدينه ثانيه
فطول الاسبوع هم عندي وفالويكند يردون بيوتهم
هذا غير ان انا عندي بيبي صغير يعني مستحيل اقعد كل يوم اسوي غدا وعشى لهم كلهم لان لا عندي طاقه ولا عندي وقت
وبيني فيلا كبيره سيراميك طابقين يبيله يوميا كنس ومسح هذا غير ان في ست غرف نوميوميا لازم تتنظف غير الصاله والمطبخ والحمامات يعني الوضع مأساوي مجرد أني أتخيل الفكره يصيبني اكتئاب*

[حنين الجنة]

حطى كل دا فى كفه وعيالك وسلامتهم فى كفه ؟ من بتختارى ؟

[حنين الجنة]

ادري مافي فايدة راسكم ياااااااااااابس
اللى تقول شغلى ودوامى واللى مثلك والعيال .......!

عشان كده انا اكره البيوت الكبيرة مرض وعله ام زوجى ينهد حيلها 3 طوابق

[اقصوصه]

مصريه سبب وجود الخدامه فبيتنا عشان تخلص شغل البيت يعني ما لها خص في العيال

عيالي طول الوقت معانا فوق والخدامه في المطبخ تحت يعني ما تتعامل مارتن خير شر

انا ما يبتها عشان تربي عيالي او تهتم فيهم انا يبتها لغرض مختلف تماما

فما اشوف ان وجود الخدامه يتعارض مع مصلحة العيال وسلامتهم

هذا غير ان الحرمه يوم تكون موجوده في البيت 24 ساعه وكل شي يصير تحتها عينها وضعها يختلف تماماعن اللي تشتغل وتكون بره البيت يوميا 8 ساعات!

[حنين الجنة]

مهما كان مو معقوله انك تحبسين عيالك فى بيتهم عشان خايفه عليهم
يعنى الواحدة ماتحس بالامان فى بيتها
وانتى خاصه توك والدة وتعبانه وعيالك صبيان الله يحفظهم ماتقدري تحبسينهم


لكن عادى اللى تسيب عيالها وتروح الدوام هادى ماعتبرها ام اصلا
والله انا اللى مامعى احد اخاف على بنتى تروح المطبخ ولا تروح الحمام لانها بدت تحبي اخاف عليها ومااقدر عليها عيل شلون الخدامه تطبخ وتنظف وتحرس العيال

[اقصوصه]

أنا من ولدت أمي معاي والعيال ينزلون المطبخ يوم يبون شي بس لو سوت لهم اي شي او طلبوا منها شي مثلا وما سوت لهم فورا يتكلمون وكل واحد فيهم ما شا الله صوته جنه ميكروفون هههههه بنفس الوقت هم مش صغار وايد يعني لو اي حد سؤالهم اي شي يتكلمون فورا لهالسبب ما ينخاف عليهم
كل واحد ظروفه مختلفه عن الثاني أنا معنى ان ما يكون عندي خدامه في البيت يعني أنا اللي بشتغل خدامه وبقعد طول الوقت في المطبخ وصينية غدا طالعه وصينية غدا داخله ترى اللي عندي ما يأكلون مع بعض بوقت واحد لان كل واحد فيهم وقته مختلف عن وقت الثاني
إحنا خلاص تعودنا عليهم وصاروا شي ضروري ما نقر نستغني عنه بس أنا المهم عندي ان هذ تكون وظيفتها شغل البيت وبس
انني جنا بنتج وائل صغيره طبيعي تخافين عليها تغيي عن عينج لانها ما تعرف شي وممكن تأذي نفسها بدون ما تحس
بس أنا عيالي كبار ومدارس اثنينهم والرضيعه طبعا طول الوقت معاي او مع أني مستحيل الخدامه تروح صوبها

[حنين الجنة]

الله يحفظهم لك ويبعد عنهم شر الخدامات
بس شلون تاخدى راحتك وبيتك فيه خوات زوجك صعبه