تجمع الجزائريات الغاليات المتأخرات في الحمل ‏

ام عمر و هبة · 03-28-2014, 02:35 PM

اقتباس:

المشاركة الأصلية كتبت بواسطة احلى شيء الاموموة

السلام عليكم بنااات ....ربي يحفظكم ويفرحكم وكل واحدة دعاتلي وسقسات عليا ...ان شااء الله عندكم الجديد ...والله ما قدرت نقرا الارشيف كاامل قريت غير شوية برك....واش بسومة ان شااء الله حاامل....وبسومة ربي يثبت حملك وان شااء الله ما عليك باس ....صبورة ربي يفرحك حنونتي يسقسي عليك الخير ....
لبنات حبيت نقولكم راني رحت للطبيبة الاثنين لي فات وقاتلي راكي في بداية الاسبوع السادس تصدمت وقلت الحمد لله ربي يكتب لي فيها الخير .. قلتلها كيفاش الحساب غالط والمشكل ما عنديش ايكو من قبل حتى تقارن كان كبر والا لا...وزيد الوحام مازال نورمال وصدري ثقيل ويوجع وراسي وتعب....قاتلي مالا كلش نورمال حمل متاخر ان شااء الله خاطر الكيس عادي الشكل نتاعو والجنين يبان عادي قلتلها عندي 15 يوم من رحت للطبيبةوقاتلي راه صغير وخاطي ماشي مع وقت الدورة.. وقاتلي كون جا متوقف راه تحلل وما بقاش الشكل مدور ونورمال ....والله ما عرفت واش نقول قاتلي زيدي 15 يوم وروحي للطبيبة وشوفي ....قاتلي ما عندكش لا نزيف لا الام ان شااء الله خير تفاءلي وربي يكتب الخير ....وزيد صدرك مازال منفخ وثقيل ويوجع ...ادعيوا لي ربي يثبت حملي ....ربي يفرحكم ويرزقكم اخواتي...

اهلا بيك و جمعة مباركة يا اخت امومة ربي يثبت حملك ويقرعينك بشوفته في حضنك يا كريم شفتي ربي ما فيه غير الخير انت ما تقلقي روحك ما ولو مادام البيبي راه بكبر خلاص ما تخافيش و ديما اقراي على بطنك سورة الفاتحة سبعة مرات و توكلي على ربي ان شاء الله فيها خير

أم نهى الجزائرية · 03-28-2014, 02:36 PM

ام عمر و هبة · 03-28-2014, 02:40 PM

اقتباس:

المشاركة الأصلية كتبت بواسطة أم نهى الجزائرية

ام نهى راه باين موجب توكلي على ربي و عاوديه بعد يومين و الله غير فرحتلك ربي يفرحك اليوم الجمعة و الدعاء مستجاب

أم نهى الجزائرية · 03-28-2014, 02:57 PM

امييييييييييييييين يا رب ربي يسمع منكم

لالا هدى ماشي تاعي مي يشبهلو بزاف راني نشوف فيه الخط لكنه باهت عليها دخت

ام عمر و هبة · 03-28-2014, 03:02 PM

اخت ام نهى شحال ركي في الروطار و اذا تعاودي التست يكون افضل وخاصة اذا بدلتي نوع الماركة التست لان تذكرت مرة شريت تست كاتبين فيه بلي القراءة تكون صحيحة في ال20 دقيقة من بداية الاختبار بعد 20 دقيقة القراة لا تاخذ بعين الاعتبار و فعلا درت خرجلي سالب و بعد 20 دقيقة ظهر خط خفيف و الله يا حبيبتي غير حبيت برك نولهك لهذا الامر ممكن يكون نوع الماركة تع التست اقراه جيدا و اذا مافيهش هذا التنبيه فالله يفرحك و فرج عليك

أم نهى الجزائرية · 03-28-2014, 03:03 PM

تعيشي اختي ام عمر ربي يسمع منك ادعيولي اخواتي ربي يفرحنا كامل

أم نهى الجزائرية · 03-28-2014, 03:14 PM

اهه اختي ام عمر التاست الي درتو فيه هاد الملاحظة

انا اليوم عندي 11 يوم روطار و الدورة تاعي ماشي ديما منظمة كل خطرة و كيفاش

ام عمر و هبة · 03-28-2014, 03:15 PM

ام نهى انا ندعيلك ربي يرزقك بنهى و انت ادعيلي ربي يرزقني بعمر و هبة ان شاء الله شفتي راني طامعا في زوج ماشي مامبا في واحد ههههههههههههههههههه بص الصح تع ربي كي يرزقني ربي غير بواحد برك نشكر ربي و نحمده

أم نهى الجزائرية · 03-28-2014, 03:18 PM

يا رب في هاد الجمعة المباركة ربي يرزقنا جميعا الذرية الطيبة انه سميع الدعاء اجمعين يا رب فرحنا كلنا بشوفت وولادنا يا رب

bassouma · 03-28-2014, 03:28 PM

لبنات جمعة مباركة
أمومة ربي يثبت حملك و يرزقك الطفل السليم المعافا
أم نهى حنونة إن شاء الله يكون حمل و تفرحي و تفحينا
أم عمر ربي يرزقك توأم كي ما راكي حابا و يعوض صبرك خير

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع الغاليات بنات العراااااقالتجمع الجديد	عطر الربيع	ملتقى عضوات حوامل	764	07-06-2014 12:30 PM
الغاليات بنات فلسطين @هنا التجمع الجديد@	عطر الربيع	ملتقى عضوات حوامل	1033	01-21-2014 09:00 PM
التجمع المغربي الجديد لتجديد الامل و مرحبا بكم من كل بلد	chamcham	منتدى علاج العقم و تأخر الحمل	141	12-12-2013 08:26 PM
تجمع الجزائريات المتأخرات في الحمل و أهلين بالتونسيات الغاليات	اميرة الحنان	منتدى علاج العقم و تأخر الحمل	8220	12-11-2013 11:57 PM
هل الحديد والكالسيوم مهمين للبيبي	احلى شعور	إستفسارات حوامل من الشهر السابع إلى الشهر التاسع	4	05-18-2011 02:57 PM