تجمع حوامل ليبيا

عيون زوجي · 10-14-2011, 02:05 AM

نسيت بنسئل اوخياتي من الشرق
مطار ابنينه بدي يخدم رسمي ورحلاته لكل العالم والا رحلات معينه لاهداف محددة سياسيه زي امعيتيقة
نبي نسافر لالمانيا الشهر الجاي شهر 11 لمدة اسبوعين او 3 فقط
ومانبيش نمشي عن طريق تونس
شنو الحل ومن وين بنطير ؟؟؟؟؟

hatoo · 10-14-2011, 02:10 AM

اهلين عيون وينك لك وحشه

تمر حنة · 10-14-2011, 07:14 AM

السلام عليكم ورحمة الله وبركاته

تمر حنة · 10-14-2011, 07:16 AM

اول حاجة نرحب بصديقتنا الجديدة هناء وانقوللها نورتينا وربي يسهل حملك وولادتك وتنوضي بالسلامة ان شاء الله

تمر حنة · 10-14-2011, 07:35 AM

وبخصوص الضيوف انقوللكم اللي صار
انا ما درت شي طبعا راجلي جاب من المطعم بيتزا وهمبورجة ودجاج محمر وسلاطة
المهم مديت عصير وشكلاطة وبعدين نسكافي وكيكة وبعدين الحاجات الحارة وبعدين فواكه وآخر حاجة شاهي ولوز ومشت الامور الحمد لله لكن حسيت روحي تعبت ويستر الله
ام ردينة انا درت الحار لان المرة الماضية لما جونا مادرتش حار على اساس زيارة خفيفة مشي قعدوا للساعة واحد في الليل وقعدت حايسة في حالة مشي المرة هذي خذيت احتياطي وفعلا قعدوا للساعة عشرة يعني بالهم واسع

تمر حنة · 10-14-2011, 07:39 AM

عيون زوجي مرحبتين بيك وربي يشفي عزوزتك وشيبانيك ياناري مرضوا مع بعض يوجعوا
وربي يعطيك صحيحتك ويقدرك على خدمتهم وكله بأجره

تمر حنة · 10-14-2011, 08:06 AM

ام وسونة تعالي ياحنة نحكيلك اللي صار معايا من طقطق للسلام عليكم
اولا انا متزوجة من سنة وشهرين وحملت في بداية زواجي لكن ماكانش من نصيبي ونزل في الشهر الثالث والحمد لله على كل حال وبعدها وراجيت الحمل بعدها لكن ماصارش بعدها ومن حوالي شهرين مشيت لدكتورة دارتلي كشف وسونار مهبلي وقالت الامور تمام وطلبت مني تحاليل الهرمونات وصورة اشعة للتأكد من سلامة الانابيب درت التحاليل والحمد لله سليمة وبعدين طلبت تحاليل السائل من زوجي وعاوده مرتين للتاكيد والشكر لله طلع كمان سليم (قولوا ماشاء الله) ههههه مشي الشهر الماضي سمعنا بدكتور ممتاز جدا مشيناله ورفعنا تحاليلنا مشي قال كل شي تمام لذلك نقترح عليكم تجربوا التلقيح الصناعي وهو كالاتي
اعطاني حبوب منشطة (كلوميد) حبتين في اليوم من ثاني يوم الى سادس يوم في الدورة وسابع يوم طلبوا مني سونار مهبلي وقالولي ارجعي عاشر يوم وايضا درت سونار لمتابعة التبويض طبعا وقالولي تعالي اليوم 12 مشيت وبعد دارولي سونار لقوا الاوضاع تمام وكل شي جاهز وكان المقرر انه يعطوني ابرة تفجيرية لكن الدكتور لما شاف الوضع قال مش محتاجة والحمد لله ربي فكني منها وفي نفس اليوم اللي هو الاربعاء الماضي خذوا عينة السائل من زوجي طبعا يغسلاها ويضيفولها مواد منشطة تزيد من جودتها وبعدها دخلوني الحجرة المهم دخل الدكتور قسطرة رقيقة لن توصل داخل الرحم طبعا مش مؤلم ابدا والحمد لله وبعدين حقن السايل وقاللي ارقدي على جنبك اليمين لان التبويض افضل في المبيض اليمين وقعدت راقدة حوالي ساعة ونص وبعدين طلعت عطوني دواء مثبت وتحاميل مهبلية هاني حاصلة فيهم ومش عارفة حتى كيف ناخذهم
وهذا هو وادعولي سألتكم بالله بالحمل السليم
اه حسني دهشت

تمر حنة · 10-14-2011, 08:17 AM

يقين وام عويضة وليبيا قلبي وينكم

تمر حنة · 10-14-2011, 08:25 AM

توا بنمشي نجهز السيد شوكة بيمشي للجمعة
ربي يخليهولي وينجحه ويكتب له التوفيق في كل خطوة

عيون زوجي · 10-14-2011, 12:08 PM

صبااااااااااااااااحكم عسل
شنو اخباركم اليوووم
هاتو احبيبه سامحيني طلعت قبل لنشوف ردك ويارب ما يوحشك على غالي
تمر حنه( سيده ملعقة) ........ماشاءالله اعليك دمك اخف من راجلك
ويارب ايصير من الحمل السليم ويفرح قلبك ويهنيك
نستأدن بنفطر السنافر وبوهم
على فكرة اسمي في نقال راجلي ( ام محمد) شفتوا الرزن والعقل هههههههههههه
سلام مؤقت