دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[أميرة الوجود]

ياجماعة اللي بتسألوا عن المستشفيات. استخيروا الله وتوجهوا لحراء لا جرول ولا النور.
حراء ممتازين جدا خدمتهم زي الخاص بس انا جا حظي وقت زحمة .والدكتورة اللي بتخيطني قعدت انتظرها لانها مسكت وحدة بكرية تعسرت مرة ودخلوها في الأخير قيصري وسوت لها العملية وبعدين جاتني .يعني لو ماصار الموقف ماكان أحد تأخر عليا. مرة ممتازين وأخلاقهم روعة ورغم الزحمة يبتسموا ويتكلموا بذوق الكل سعوديات وأجنبيات وحريصين على اي وحدة



المهم بنات انا مرة تعبانة صدري اليسار متورم ويوجعني وجهة منه لونه أحمر وحار وفيه قساوة ومرة يألمني لما أرضع ولدي. اش اسوي. ساعدوني والله لي يومين على ذا الحال مع إني ارضع ولدي عادي يعني ما أقول تجمع حليب .وسويت كمادات موية دافية مع ملح ولا فاد


ساعدوني اش اسوي

[فليك]

أميره يا قلبي انا رضعت قبل و كان يصير معي زي ما تقولي ، بس كنت ادخل الحمام ( أكرمكم الله ) و اتروش بمويه حااارّه و افرك صدري بشويش والله على طول يروح الوجع ، انتي سوي دي ألطريقه و رح ترتااااحي ....
ما على قلبك شر يا غاليه .

[4يو]

البات ما قصرو كفو وفو حراء ماتدفعي كشفيه ولا حاجه جاتك الولاده لى الطوارى وبس الف سلامه اميره ممكن ولدك ما يرضع كويس او انك تعتمدي على صدرواحد عشان كذا يتمع ولدكي ما يقدر يفرغه سوي زي ما قالت فلك الله يعطيها العافيه

[أريج العطر]

أميرة الوجود ... مشكوووورة على الرد ... طيب الدكاترة فيهم رجال ؟؟ وإلا بس دكتورات ؟

بالنسبة لسؤال ماعندي خلفية ... أعملي الللي قالوا لك عليه البنات وماتشوفي شر ..

4يو ... مشكوووورة على الرد هل جربتي حراء ؟؟

[أميرة الوجود]

فليك الله يسلم قلبك ياعمري طيب انا حأسوي زي ماقلتي. انا اتحمم بموية دافية بس دقيقة وحدة وما أطول الكل يخوفوني لا تتحممي لا تتحممي. والله وحشني الاستحمام ما ألحق اتهنا بالموية الدافية الا شردت وخرجت .ربي يسعد قلبك عزيزتي

فور يو والله اني ارضعه من كل جهة نفس الكمية بس احيان الصراحة ما انتبه. ربي يسعد قلبك


أريج العطر
انا اللي ولدتني قابلتين ودكتورة بس الصراحة القسم مليان شباب دكاترة يمكن حقين الامتياز لانهم صغار في السن وفي دكتور استشاري مصري جابوه لوحدة تعسرت يوم كامل طلق وموقادرة تولد سلامت الجميع من كل شر. يعني الاستشاري بس للحالات الصعبة والقيصريات
اما الدكاترة الطلبة لأ عادي يدخلوا لأي وحدة. انا الحمد لله ما جاني أحد فيهم.

[أميرة الوجود]

بنات أبغى مشورتكم بكل صراحة
انا طبعا زي ما اتنم عارفين اني عندي ثلاثة الله يحفظهم .والثلاث ولادات كلها في حكومي وانتم عارفين خياطة الحكومي ماهي تجميلية خياطة عادية للمكان اللي فتحوه .وآخر ولادة سووا لي غرز صغيرة يمكن ثلاث أو أربع لانهم ما وسعوا هم لأ خلوا البيبي يخرج وخيطوا اللي انشق طبعا اللي انشق شئ قليل
سؤالي هل أحتاج أسوي خياطة تجميلية ? خصوصا إننا مقررين اني أأجل الحمل أربع أو خمس سنوات بإذن الله.
انا حجزت موعد مع الدكتورة يوم السبت على أساس أسوي العملية عندها .بس أبغى رأيكم بصراحة .وحدة من صحباتي سوتها وعندها زيي ثلاث ونصحتني بقوة فيها .لكن خالتي وبنتها قالوا بدري عليها خليها بعد الطفل الخامس ما أظن إنك تحتاجيها .وأنا ودي المكان يرجع زي ماكان شكلا ومضمونا .ها شو رأيكم
أنا استخرت بس بالدعاء لأني ما أقدر أصلي .وقلت أستشيركم كمان

[4يو]

والله ياميره انا زيك مفكره بهذا الموضوع لاني الولاده الرابعه بس سمعت يقولون الي تسوي عمليه تجميليه بعد كذا كل ولادتها تكون قيصري انا قريت موضوع مشروح فيه الكلام والى تسوي خياط تجميلي وهذا لازم وقت الولاده لازم تتاخري 4او5 سنوات وراح تتعبي وقت الولاده عشان كذا انا مره خفت لاقدر الله وحصل حمل زي عيالي الاخيرين وش اسوي خليها على الله ولا تفتحون عيون الرجال على مواضيع زيك كذا ما يصدقون يلقون على الحرمه طريق انتي يعد ما تمارس الى بالي بالك وشوفي فيه تغير ولا لا وبرضو الاسثخاره طيبه شوي وش يطلع معاكي وربك يخلينا احلى زوجات في الدنيا في عيون ابو الشباب قولو اميييييييين بنات الى عندها معلومات لاتتاخر علينا فديت مكه وحريمها الله يعز الاسلام بينا وبشبابنا مسويه محاظرة ههههه

[4يو]

ابي اعرف وش قصه اسم عبدالله كل الحريم مسمين عبدالله انا زوجي كان يبغى يسمى عبدالله رفضة وركبه راسي عشان اسم اخوه الله يرحمه توفي وهو في عز شبابه 25 سنه خفت على ولدي لانوه يقول المثل الاسم قسم وانا يجيه زي اخوه الحمد لله بعد عذاب قبل بسم نايف الملك عندك اميره ولي عهده عندي

[بلسم الجنان]

السلام عليكم
كيفكم كروشات كيف بيابيكم

[بلسم الجنان]

انا جديده في المنتدى
ماصدقت شفت تجمع اهل مكه المكرمه
طرت من الفرح