تجمع حوامل ليبيا

يقين · 10-12-2011, 09:44 PM

حبيباتي سلامي ليكم كلكم اني بنطلع توا ليلتكم سعيده وربي يجبر بخاطر ام اجنادين وام وسونه وتمر حنه وريم البراري يااااااااااااارب ربي يجبر بخاطركم وهالشهر تفرحوا بالحمل السليم التابث الصالح ياااااااااارب اللهم امين

يقين · 10-12-2011, 09:46 PM

اهلين ام ردينه كيف حالك

أم ردينة · 10-12-2011, 09:49 PM

الله يسلمك يا يقين ..

يقين · 10-12-2011, 09:51 PM

ام قصي وينك ان شالله المانع خير
كبريائي وينك ان شالله مش زعلانه بس عرفيني اكثر حتي اني في مصر بالك نتلاقوا

يقين · 10-12-2011, 09:56 PM

قوليلي ام ردينه قداش عندك صغار

ام وسونة · 10-13-2011, 12:09 AM

السلام عليكم كيفكم ياحلوات

شكرا وخيتي يقين علي الدعوة ااحلوة وربي يتقبل منك

وخيتي تمر حنة ربي يسخرلك وتفرحينا في هالشهر

ويفرح وخيتنا ام اجنادين

وبالنسبة لاسمك حلو السيدة ملعقة خلي روحك رياضية

اني توا في موبايل راجلي الغوالي رغم انه ينادي فيا بفلونة

ههههههههههههههه

وخيتي ميراس ربي يسلمه وليدك ويحفضه

وخيه ليبيا ماشاء الله عليها بنيتك ويارب تخاويها

حلو اسمك وخيه ام عويضة لكن النغمة احلي هههههههه

ادعولييييي ربي يسهلي الاسبوع الجاي

واللي عندها فكرة علي الصورة الملونة ياريت تفيدني

ام وسونة · 10-13-2011, 12:12 AM

وخيتي تمر حنة احكيلي علي تجربتك لان احتمال حتي اني نديره

واحكيلي السبب منك ولا من زوجك

ام وسونة · 10-13-2011, 12:18 AM

الحمدلله شدووووووووووه ولد الطاغية

شكلي نخرف بروحييييييي

احلي حاجة في المنتدي خشي هدرزي بروحك*

hatoo · 10-13-2011, 01:17 AM

اهلين بنااااااااااااااات كيف حالكم كلكم اليوم عديت للدكتوره وطمنتني الحمدلله علي البيبي وقالتلي احتمال كبير وليد الحمدلله قالتلي الاسبوع الجاي نأكدلك اكثر وان شاء الله خير زوجي فرحااااااااااااااااااان بكل ان شاء الله ربي يكمل علينا فرحتنا بشوفته

أم ردينة · 10-13-2011, 02:15 AM

يقين عندي بنيه اسمها ردينه عمرها 3سنوات ونص ووليد عمره 10شهور والحمد لله واسمه عبادة .. سألتك علي ولدك المره اللي فاتت مردتيش عليا