ديوانية حوامل البحرين

[حنين للماضي]

هلا هلا ام حماني احنه معاش على الخط
انتي نفس اختي اقول لها شنو تتوقعين تقول لو بنت لو صبي
قلت لها تصدقين عاد ولا واحد
يلا قولي ام حماني
بنت الاياويد قالت رايها انتي شنو تقولين؟؟؟
وعلى طاري ليلة عيد اني بعد ماجفتها
يعيدونها باجر في ام بي سي ساعة 3 الظهر

[أم حماني]

انا بقول عكسها ... اقووول ولد

[حنين للماضي]

والجائزة للحبيبة ....














أم حماني

[أم حماني]

هههههههههههههههههه الف مبروك ... الله يتمم لج على خير ... شنو بتسمونه؟

[حنين للماضي]

بخبركم شنو صادنه في العيادة
بصراحة موقف مستحيل انسى طول عمري
زوجي يازعم كان يبي بنت وكله كان يقول هو خاطرة في بنت صغنونه مكشكشة على قولته
واني احساسي كان يقول ان فيني ولد
واول ما قالت الدكتورة ان ولد وراوتنه العضو الذكري بصراحة حسيت الارض مو شايلتني لأن كنت اتمنى البجر يكون ولد عشان افرح زوجي
كنت متأكدة كل رجال العالم يتمون ولد واحد على الاقل بس يقولون يبون بنت عشان اذا طلعت صدق بنت ماينكسر خاطر المرأة
هو كان معاي عند الدكتورة وجاف كل شيء وعقب ماقمت من السرير جفته شاق البوز وفرحان حده
اول ماطلعنا من عند الدكتورة وكنه في الممر ماجفته اله يصرخ من قلبه
قمت اضحك لأن بصراحة ماتوقعته يفرح هالكثر وهو كان يصارخ اله جو بنتين ورانه اهني حسيت بفشيلة من قلب

يلا مواقف جميلة تمر علينا وتنطبع في ذاكرتنا وهذه وحده منهم
لك الحمد ولك الشكر يااااااااااارب

وعلى طاري الاسم زوجي في اليوم خمسين اسم يقترح علي
وكل يوم يقول شيء
بس الاغلب علي بإذن الله

[أم حماني]

ذكرتيني ,,, انا كان زوجي يقول اي شي من الله حلوو بنت ولا ولد وانا احسه يبي ولد ... وفعل شق الحلج والدنيا مب سايعته من الوناسه

[حنين للماضي]

ايييي شكلهم كلهم جذي
حتى اختي تقول رجلها كان يقول يبي بنت بس عقب يوم جابت ولد قال لها اشوه جبتي ولد

الله يقومنا بالسلامة ان شاءالله
عاد ام حماني مو تقطعينا عقب ماتولدين بالسلامة ان شاءالله
بصراحة كل عضوة في هالدردشة تعودنا عليها وبالأخص انتي

يلا ام حماني وباقي الحبايب اذا موجودين اني بقوم اصلي لي ركعتين وابرز السحور

نراكم غداً بإذن الله

[أم حماني]

اذا حماني خلاني ادخل بتشوفوني ... يالله حبيبتي نجوفج على خير يا ام علاوي

[أم حماني]

بنت الاياويد .. كبرتي الوساااد شكلج

[بنت الأياويد]

ظهر الخير ، كبرت الوساد وياريتني ماكبرته ماقحصت الا الساعه اربع لاتعشيت ولا تسحرت عاد اليوم ماقدرت اصوم لاني بدون سحور ماسوى ولا بيزه وقمت الصبح عافيتي تتنافض وريولي ماتشيلني ففطرت اليوم مايسوى علي كلش تعبانه