دردشة بنات العراق, دردشة حوامل العراق , تجمع بنات العراق

[""ام حمودي""]

هلو بنااااات شلونكم
مروة ماعندج الا العافية شو انت يوميه انفلونزا ديربالج ع نفسح وع نوره
رقيه شلونج الله يسهل عليج بالدورة كلش حلو تتعلمين لغه وتستفادين
ميوش والله قهرتيني ع عمتج لو مهما يكون هي تبقه امج الثانيه وع كولتج ام حبيبج ولوما هي ماكان تشوفين زوجج ههه
ملوكه شخبارج مشتاقين شو ما اجيتي عالواتس اب كنا هناك اني ورند وشهد وسارة
تارة شلونك شخبارك ويه الحمل شوكت تشوفين جنس الببو
سمر شخبارج معرفتي الجنس لسه!!!!
زنوبه عيوني ما عدها الا العافيه كوكي والله معندي خبره بهالامور بس اللي اعرفه انه الطب بالسويد زفت فلتخافين من كلام هالغبي انشالله ماكو شي بس اخاف عدها لين عظام لان متشوف شمس ومحتاجه فيتامينd
فروحه شو ماكو مشتاقتلج مشفتي جنس الببو بشرينا
ليلي روز شلونج انشالله بخير دير بالج من البرد
بقيه البنات عذروني اذا نسيت وحده انشالله الجميع بخير

[""ام حمودي""]

طبعا اني هم مريضه شحالني عندي استبراد والبارحه الليل كله منمته للفجر وماما وبابا ويايه مكابليني وكاعدين يسوولي كمادات دافيه لمعدتي وورد وابنبات لان عندي استبراد شديد وتكرمون اسهال وتقئ فضيع ومغص معوي يا ويلي الله ليراوي لاحد هالمغصات كل لويه تجيني تشيلني وتركعني وكامت تجي كل خمس دقايق عبالك طلق ههههه واني اصرخ وابجي وبابا عباله ولادة مبكرة لا سمح الله ههههههه
طبعا اني كنت اكول ان شالله من تصير عندي ولاده ويجيني الطلق احاول اضبط نفسي وما اصرخ واهرج واطبق كل التعليمات بشكل صحيح بس البارحه عرفت انه اني وحده عايقه وانشالله راح اسبي الدنيا بالصراخ والصياح خخخخخخخخ

[مروة87]

هلو بنات
الحمدلله على السلامة شهودة وعالخير البنوتة يارب تتربى بعزكم وتشوفين اولادها
يوم الالج سراوي وتكومين بالسلامة وتفرحين بعبوسي
ميوش حبي ربي يريح بالكم ويفك ازمة عمتج وينطيج على طيبة قلبج ويرد الحق لاصحابة
زنوبة حياتي كوكي يعني ابد متشيل راسهة ولا تحيبن من تتحرك مثلا تدفع ايدها او رجلها بقوة
متحاول ترفع راسها ؟ هو طبيعي بههالعمر الاطفال ميسيطر على راسة يثبته عمودي على جسمة تشوفين يحاول يرفعة ويميل للجانب انتي شنو بالضبط حالة كوكي ؟

[White angel]

مراوي هي تدير رأسها من اخليها على بطنها تلفه يمنه يسره بس مو دائماً لان صوجي معودتها انيمها على بطنها
بس الي مجننتني جسمها رخي متنشال مايعه عبالك


حياتي ام حمودي والله اختج توسوس ومااسكت منا حتى ارتاح
لا هي عندها قطرات فيتامين دي هنا ينطوها لكل الأطفال بس ماادري هي هسه عمرها شهر و 24 يوم

[White angel]

مراوي كلشي طبيعي
أيدها تحركها ورجلها هماتين بس مشكلتي بموعانها عبالك مايعه

[الكاردينيا]

هلوااات بناات اكو احد لو نااايمات سلااامتكم من الافلاونزة المل والله على هذا البرد مندري شنسوي اني لبست الكنتور كلة وماكو فايدة ههههه ام حمودي حبي بعدني مشفت شنو والله قابلة بكلشي بس اشوفها لو اشوفة بحضني ويكبر كدامي ويااارب يستجاب وانتي ديري بالج على نفسج خلي يخلص هذا الشهر على خير ويااارب يسهلها عليج وعلى سوسو ويجيها عبوسي وتفرح اللهم امييين وسلامي للكل

[""ام حمودي""]

صباااااح الخير بنااات شلونكم

[الكاردينيا]

صباااح العسل ياعسولة شلونج حبي اخبارج

[ام فطومتي]

شونكم يا بنات العراق الحبوبات
حبيت انظم وياكم بهذا التجمع واتمنى اكون عضوة دائمة وياكم وتقبلوني اخت وصديقة الكم
حبيباتي اني عندي بنات 2 واريد حاليا اسوي طفل واتمنى من الله عز وجل انو يرزقني بولد
ارجوكم الي عدها او تعرف طبيبة زينة ببغداد وتفهم بهذا المجال ارجوكم لا تبخلون علي بأسمها
واني جدا شاكرة وممنونة منكم ..... وشنو رأيكم بالدكتورة منتهى الجنابي بالحارثية ؟؟؟؟ والدكتورة راجحة الشمري هم بالحارثية ؟؟؟
انتظر اجابتكم وبارك الله بيكم

[الكاردينيا]

اهلا وسهلا بيج اختي ام فطومة ويارب يخليلج بناتج ويرزقج بالولد الصالح ونورتي الدردشة اني اراجع. يم دكتورة رغداء ضياء بشارع فلسطين كلش زينة واداوم بمستشفى الجراح وبالنسبة للدكتورات اللي ذكرتيهم مااعرفهم يمكن البنات يعرفوهم ويفيدوج ونورررتي مرة ثانية