دردشة بنات فلسطين, دردشة حوامل فلسطين, تجمع بنات فلسطين

[عيـ‘ـون المهـ‘ـا]

صحيح سهــى بدت عندكم امتحانات نهاية العام final لولادك ,, بناتي ان شاء الله بكره بيكون عندهم اول امتحان فيـOAA بس العطله الرسميه بتكون فيــ4\6\12 ,,و انا على اعصابي كأني انا بدي اقدم الامتحانات كتير بكون قلقانه,,و على فكره عندهم بس امتحانين math &reading و باقي المواد ما بمتحنو فيهم هيك النظام عندنا و حسب كل صف بزيدوا الهم ماده او اكتر ,,و عندنا المعلمين بدربوا الطلاب قبل الامتحانات على نوعية الاسئله و رغم هيك بضل على اعصابي و بناتي بيحكولي ماما سهل كتير و عارفين شو ندرس ..انتي كيف نظام التدريس و الي خلاني اسألك ذكرتي مره انو بنتك ربي يخليها 11 سنه متل بنتي اسيل يعني نفس الصف’’ ربي ينجحهم يا رب و يفرحنا فيهم انا و انتي ان شاء الله

[بينك روز]

هلا عزيزتي عيون المها
انا بخير الحمد لله انتي شو اخبارك وكيف الاولاد الله يوفقهم بدراستهم يارب
بس كنت بدي اسئل
انا هلا بالشهر السادس
بس من اول ما فوتت فيه وانا رجليه بتنفخوااا
شو الحل، ومين حصل معها هيك

[عيـ‘ـون المهـ‘ـا]

المشاركة الأصلية كتبت بواسطة بينك روز

هلا عزيزتي عيون المها
انا بخير الحمد لله انتي شو اخبارك وكيف الاولاد الله يوفقهم بدراستهم يارب
بس كنت بدي اسئل
انا هلا بالشهر السادس
بس من اول ما فوتت فيه وانا رجليه بتنفخوااا
شو الحل، ومين حصل معها هيك

هلا حبيبتي الف سلامه الك حبيبتي ..مع اني ما حصل لي بس انا بسمع انو طبيعي تورم الرجلين لانه زيادة وزنك مع وزن البيبي و طبعا المي حول البيبي و حجم الرحم بسير ضغط على اوردة الرجلين فالدم ما برجع بسرعه الى القلب و ببتتجمع او بتحتبس سوائل في القدمين ,, و انتي بتشتغلي و اذا في مكتب , و معظم وقتك جالسه معناتو طول وقتك بيكون رجليكي وضعهم لتحت بس انصحك اول ما ترجعي على البيت حاولي انك ترفعي رجولك لفوق يعني خليهم على مستوى سطحي لحتى تخففي ضغط عليهم و الدوره الدمويه تمشي احسن و ما توقفي كتير اعتقد هاد اللي بيسير معاكي, و بالليل نامي على جنب و حطي مخده تحت رجولك ,,و خففي ملح قد ما تقدري ,,بس لا سمح الله اذا بتشعري في صداع او وجع في المعده و زلال في البول او ضغطك عالي لازم تستشيري دكتورتك لتعملي فحوصات ,,,لتتجنبي تسمم الحمل لانومن اعراضه تورم الرجلين و اليدين ,,,و طمنينا عنك معلش كتيت كتير بس حبيت افيدك قد ما اقدر ,,ان شاء الله ما تشوفي شر

[سهى2012]

المشاركة الأصلية كتبت بواسطة عيـ‘ـون المهـ‘ـا

صحيح سهــى بدت عندكم امتحانات نهاية العام final لولادك ,, بناتي ان شاء الله بكره بيكون عندهم اول امتحان فيـoaa بس العطله الرسميه بتكون فيــ4\6\12 ,,و انا على اعصابي كأني انا بدي اقدم الامتحانات كتير بكون قلقانه,,و على فكره عندهم بس امتحانين math &reading و باقي المواد ما بمتحنو فيهم هيك النظام عندنا و حسب كل صف بزيدوا الهم ماده او اكتر ,,و عندنا المعلمين بدربوا الطلاب قبل الامتحانات على نوعية الاسئله و رغم هيك بضل على اعصابي و بناتي بيحكولي ماما سهل كتير و عارفين شو ندرس ..انتي كيف نظام التدريس و الي خلاني اسألك ذكرتي مره انو بنتك ربي يخليها 11 سنه متل بنتي اسيل يعني نفس الصف’’ ربي ينجحهم يا رب و يفرحنا فيهم انا و انتي ان شاء الله

صباح الورد يا أحلى من ورد ذاتها

حياتي عيون المها باول ربنا يوفقك بناتك وتشوفيهم متخرجات من الجامعة وتفرحي فيهم يارب

احنا حبيبتي بلشت امتحانات شهرية قبل نهاية سنة باسبوعين يعني نهاية سنة عنا بتبلش يوم 15/5/2012 وعطله بتبدا 25/5/12 امتحانات عنا صعبة رغم زيك بنتي بتحكي كتير سهله وماتخافي ياماما بس بضل على اعصابي لانهم بيقدموا امتحانات بكل المواد فترة اسبوع ومافي يوم بعد يوم للمواد يعني خدي عندك ( عربي* حساب* انجليزي*علوم*جغرافيا+تاريخ+وطنية + مدنية في يوم واحد * حتى مادة رسم مش زي اول بس يرسم طالب وخلص لاء صار لها كاتب وتقديم الاسئلة كتابية غير رسم ومادة اسمها فنون وحرف * تربية الاسلامية* تلاوة قرأن ) ف شوفي كل هالمواد بيقدموها في اسبوع ومافي وقت يرتاحوا يعني بكون انا مش على اعصابي لاء بيكون لي خاطر انا اطلع اقدم مكانهم بس اطمن عليهم عنا نظام صعب وصغارنا مابيلحقوا من المواد وكله بسبب تعليم سيئ كله بعبي براس ونظام حشي حشي باخير بيجي طلاب مافهمين شي يعني لو رجعتي معه مواد سنة قبلها ما بتذكر شي وسبب نظام تدريس شي المهم وسامحيني طوالت عليك بالدردشة ونسيت اسئلك عن صحتك وصحة توأم يارب تكوني بخير وبصحة جيده انا دخلت شهر سابع قبل يومين ودكتورة حكتلي راح تولدني قبل ماينتهي شهر السابع عشان ضغطي عالي وبخافوا على جنين بهيك وضع وراح تكون ولادتي قيصرية مش خايفة بقدر انتظاري لهيك يوم اشوف ((جنى)) وضمها لحضني والله كريم ويساعدني

وهلاء ياروحي انتي انتبهي لنفسك منيح وماتتوتري بخصوص بنات وامتحانات عشان صحتك وصحة توأم وان شاء الله تفرحي فيهم قولي امين يارب عالمين

[بينك روز]

صباح الخير صبايا شلونكم
صباح الخير عيون المها
يسلمو حبيبتي على النصيحة
ان شاء الله راح اعمل تحليل زلال مشان اشوف
بس انا كل مرة بعمله مابكون معي والاملاح مخففه منها كتير
ان شاء الله بروح وبطمن

[جارة القمر]

صباح الخير

كيفكم

يلا شو ناوين تطبخو اليوم؟

[حواء مثالية]

نهاركم فل

شو الاخبار

جارة تسلمي يا قلبي بالنسبة لحماتي مو متدخلة بالاسم والها فترة صايرة غير شكل اهون بكثير من اول شكلها ملت وعرفت انها مزوديتها كانت الله يهديها وانتي بتعرفي انا مو مقصرة معها

والاسماء كمان انا حابة اسم غريب عشان هيك وان شاء الله ربنا يقر عيني بشوفتها سالمة معافية

انا اليوم راح اعمل ورق عنب

[عيـ‘ـون المهـ‘ـا]

سهـى مبروك حبيبتي دخولك السابع ربي يجعله من خيرة الشهور الك و لجنى.صحيح الضغط اله مضاعفات على الجنين بس هيك جنى لسى وزنها صغير و يا ريت لو تولدي اخر السابع على الاقل بتكون نمو الرئه اكتملت عند الجنى و ما تحتاج حضانه.او تعطيكي الدكتوره ابرة الرئه لحتى تساعد في نمو الرئه بسرعه عند جنى ربي يفرحك فيهاو بضمتها.عاادي حبيبتي لا تخافي من القيصري اقل من 20 يوم بإذن الله بتكون امورك تمام بعد العمليه,, راح ادعيلك من كل قلبي يا اغلى دره ربي جمعني فيهافي هاد المكان,,ربي يديم عليكي الصحه و العافيه و العيش الرغيد ,,و بالنجاح للحلوين ربي يفرح قلوبنا فيهم و يسهل عليهم كل صعب ,,دمتي في حفظ الرحمـ!ـــــن

[عيـ‘ـون المهـ‘ـا]

بينك روز ~~ كيفــك اليوم؟ اها الافضل من باب الاطمئنان انك تعملي فحص للبول(تكرمي) لحتى تتأكدي ما فيه زلال او بروتين..وموعدك الجاي اشرحي وضعك للدكتوره و شوفي شو ردها !!! و طمنينــ ا ا عنــ ك سلامي و ودي الك و للبنوته

[سهى2012]

المشاركة الأصلية كتبت بواسطة عيـ‘ـون المهـ‘ـا

سهـى مبروك حبيبتي دخولك السابع ربي يجعله من خيرة الشهور الك و لجنى.صحيح الضغط اله مضاعفات على الجنين بس هيك جنى لسى وزنها صغير و يا ريت لو تولدي اخر السابع على الاقل بتكون نمو الرئه اكتملت عند الجنى و ما تحتاج حضانه.او تعطيكي الدكتوره ابرة الرئه لحتى تساعد في نمو الرئه بسرعه عند جنى ربي يفرحك فيهاو بضمتها.عاادي حبيبتي لا تخافي من القيصري اقل من 20 يوم بإذن الله بتكون امورك تمام بعد العمليه,, راح ادعيلك من كل قلبي يا اغلى دره ربي جمعني فيهافي هاد المكان,,ربي يديم عليكي الصحه و العافيه و العيش الرغيد ,,و بالنجاح للحلوين ربي يفرح قلوبنا فيهم و يسهل عليهم كل صعب ,,دمتي في حفظ الرحمـ!ـــــن

صباحك حلو متلك ياعسل *** عيون المها***

الله يبارك فيكي وان شاء الله ربنا يتمملك حمل على خير وسعادة شكرا ياعزيزتي على نصائح دائما دائما بتساعدني وبتعرفني في اسرار الحمل والله اول مرة بسمع بابرة الرئة واذا في منها عنا بغزة راح احكي لدكتورة عشان (( جنى )) والله كل يوم من وقت دخلت شهري السابع بدعي ربي بصلاتي وغير صلاة انه يكمل معي الشهر مابدي جنى تدخل حضانه مستشفى وخايفه عليها كتير وخصوصا انه زوجي مسافر وبده شهر لرجوعه يارب ياكريم ياقادر على كل شي انه يكمل الشهر بخير
اما بخصوص العملية القيصرية مش كتير خايفه منها بقدر خوفي على صغيره وان شاء الله ربنا يتمم على خير

حياتي عيون المها يااغلى اخت لي وجودك معي بالفترة هي ساعدني كتير وقفتك وحضورك معي كان اجمل شي بحملي بارك الله فيكي وبارك الله إلكي ان شاء الله تشوفي وتفرحي بصغارك
حفظكي الله ورعاكي