دردشة بنات فلسطين, دردشة حوامل فلسطين, تجمع بنات فلسطين

[بينك روز]

Good morning girls

[ديدو أم عزمي]

جود مورنينق تيتشااااااااااار ههههههههههههههههههههه

[um jo0ody]

Good morning honey ،،، nice to see you ،،what are doing now??

[بينك روز]

ام جودي
صباح الخير ياعسل نهارك سعيد ان شاء الله، الله يعينك على وجع الدورة
والله ياروحي انا الصبح اغلب الوقت بكون موجودة للساعة 2.30 لاني بكون بالشغل
والليل احيانا بكون واحيانا مابكون لانه رهف بتغلبني في الاغلب لما تنام وانا بروح نايمة جنبها لاني بصحى بدري

ام عزمي
يسعد صباحك ياعسل
شو كيف هدهده العسوووله بوسيلي اياها الله يخليها الك يارب
انا لسه ما نقلت من البيت بس عزلته واليوم اخر لنهار هنستلم مفتاح الشقة وهيروح زوجي يشطفها ويغسل شبابيكها وبكره ننقل ان شاء الله يعني الليلة هاي هتكون اخر ليلة بالبيت

غموض
حبيبتي ان شاء الله يجي بابا بالسلامة يارب
معلش امبارح نمت وانا بحكي معكم صحيت لقيت زوجي طافي اللاب وحاطه جنبي وانا نايمة بسابع نومة
سامحوني مابشبع نووم من الخانم رهف وبصحى على 7 مشان اجهزها وارضعها ووديها عند خالتها وبعدين اروح على الشغل

ميسا
حبيبتي انتي نفسي افضل احكي معك بس الدنيا تعب ان شا الله بنحكي بيوم تاني يارب

جارة القمر
يسعد صباحك ياقمر هلا انتي بالدوام ان شاء الله بطلي علينا
خبريني كيف زيد باول يوم عند المربية وكيف كانت ترضعه

عيون المها
شو اخبارك ياعسل ان شاء الله بخير

احساس انثى
وينك يادبة جاية الكهربا هلا تعالي ندردش شوي

حيفا
يارب ياعسل تكوني حامل وتيجي تبشرينا

حواء مثالية
كيف همتك اليوم ان شاء الله برلنت ماغلبتك الليلة
حبيبي انا شوفت كلامك عن حماتك والله انا بعاني نفس المشكلة الي بتعاني منها
حماتي عمرها 50 سنة بس من يوم عرفتها وهيه بتقولي 47 دخيل الله ما كبرت
وبعدين احكيلكم شغلة حماتي كتيير بتاخد من اوعيه تلبسهم
حتى يوم حنة بنتها اخدت من عندي دشداشة انا كنت شرياها بجهازي كتير حلوه وسنبل وللصبايا اخدتها ولبستها قلبي وانا مشان قلبي طيب اعطيتها
ودايما بتشحد مني شالاتي
بحسها كتير بتغار مني
احكيلكم شغلة يابنات انا بعت دهبي كله لما كان زوجي مزنوق وصارت حماتي تحكيلي مش مشكلة برجعلك اياه ومابعرف شو انا ما هتميت لكلامها لاني بعته بإرادتي
بس لما زوج بنتها قصدي طليق بنتها طلب من بنتها تبيع دهبها اله صارت تبهدل ومابعرف شووو
تيب ليه هيك خليها تقف مع زوجها وتساعده ما تقسيها عليه
وكمان هلا زوجي جديد صار يرجع بدهبي شوي شوي قبل يومين شارالي انسيال كتير حلوووو ونام طبعا دهب شافته حماتي حسيتها انجنت وصارت تحكي انتوا هلا رايقين للدهب ومابعرف شووو بلا كلام فاضي
انا انجنيت مع انه حقي
وانا متفقة مع زوجي لما يبيعه يرجعلي اياه وانا داينته اياه دين
وبعدين صارت حماتي تحكيلي انتي بكام بعتيه حكتلها بعته ب 4000 دينار لهيه بتحكيلي تيب جيبي دهب بس 3000 دينار حكتلها انا ما داينت ابنك فلوس انا داينته دهب وهجيبه حتى لو ب 10000 دينار هاد حقي
انا ما حكيت هيك الا لانها قهرتني بعدين انا ماطلبت من زوجي الدهب هلا هوا لحالوا صار يجيبلي كل فترة شغلة

[بينك روز]

يا بنات انا بكره بصير الي أربعين يوم والدة
هلا انا سمعت انه على الاربعين بتيجي الدورة
بس انا قبل اسبوع كان الدم عندي لونه احمر كتير وغزززير مع انه قبل ما اشوفه هيك كان بني وكنت مبسوطه على اني هطهر
معقول تكون دورة ولا شووو
فدووووني

[um jo0ody]

حبيبتي بينك شوفي انا بالنسبة الي كان في دم غزير اول اسبوع بعد الولادة وتاني اسبوع في بس بسيط خالص وبعدين بيوقف لغاية الاربعين بتيجي تاني يومين وبيوقف انا كنت افكر حالي طهرت بس بعد باسبوع بعد الاربعين ضلت تيجي يومين وتغيب يومين لغاية اليوم 53 تقريبا وسلفتي نفس الشي من وحدة لوحدة بتختلف ،،،

[um jo0ody]

بجد كنت امل منها افكر انه خلص ترجع تاني .. اذا انتي متلي الله يعينك هههههههههههه

[احساس أنثى]

صباحكم قشطه بينك شو عرفك ان الكهربا جايه انتي بالبيت ؟
معادها تقطع الصبح بس جابوها ابصر شو الدعوه

[بينك روز]

ام جودي
انا بعد الولادة فضلت اسبوع ونص تقريبا بعدين صار لونها بني واصفر
وبعدين قبل اسبوع اجت حمرا كتير وغزيررة يارب ما تيجي بعد الاربعين لانه بكره بسيرلي اربعين
زهقت منها

[um jo0ody]

احساس افتن عليكووو واحكيلهم يقطعوها هههههههههه ،،، صبااااااحك سكر هيهيهيهي