دردشة بنات العراق, دردشة حوامل العراق , تجمع بنات العراق

نور الرافدين · 01-10-2013, 02:09 PM

مساء الخير على الجميع اني عضوة بهذا المنتدى بس صار فترة ماداخله سلامي للجميع

شمعه امل · 01-10-2013, 02:22 PM

مساء الخيـــــــــــــــر
كيف الحال مافي احد
هلا مروة شلونك نور شلونها
ساره كيف الحال وعبوسي شلونه ...
ام حمودي ربي يهون وان شاء الله تولدي بالسلامة
ام مهدي شلونك والنونو شلونه اي والله حرمت اكله ولو لسه يجي ع بالي بس الدكتورة منعتني منه
وميجي ع بالي غير المخلل والحامض
روقية ومي وليلي روز وشهد وبسومة وسمر وفرح صارلك كم يوم مو موجوده

الكاردينيا · 01-10-2013, 06:17 PM

السلام عليكم ياحلواات شلووونكم مشتاااقتلتكم الكل صار يومين ماعندي نت بس خوش اخبار حلووة. الف مبرررررووووووووك حبي شهودة البنوتة وياااااارب تتربى بعزكم وتفرحون بيها والحمد لله على السلامة وياااارب يوم لسوسو ويسهلها عليها ويااارب الكل يكمل الحمل بالف خير ويجيهم النونيين الحلويين واكيد سلااااامي لكل الموجودين والجدد واللي سأل علية واللي مسأل وامواااااح للكل ومرة ثانية الف مبرووووووووووووك شهودة وياااارب تجينا وتنورينا يااحلى ماما

lily rose · 01-10-2013, 06:33 PM

هلوة بنات شلونكم شكرا عللاى كل وحده سئلت عليه

مبرووووك شهوده تتربي بعزكم يارب

اليوم مكظيته كله نوم جني وحده مكبسله

مي & · 01-10-2013, 07:17 PM

اشكركم يابنات واشكر كل وحده سالت عليه ودعت لخالتي(عمتي_كماشه)
والله انتو الي كلوبكم طيبه ولو مو هيج جان ماطلبت منكم الدعوه لان ادري دعوتكم من الكلب تطلع
شكرا مره ثانيه

وطبعا عمتي مو مريضه بس عدهه هم ومشكله واحد ظالمهه
ربي ايفرجلهه يارب

تدرون والله خطيه مرات اباوع ابعينه اوف حززن انقهر عليها واكول يارب
رااح اكوللكم شي ايخليكم اتضحكون عليه
مرات بيني وبين نفسي اكول خليه تحجي عليه ليل نهار بس ترجع امورهه مثل كبل وميصيبهه هذا الهم
لان الهم الي هيه بي لليهودي ما اتمنى .....

اني من اتاذى على احد ايصير عندي خفقان
وهسه الخفقان لازمني من يوم الي صارهه هيج الى حد هسه

البارحه خطيه من قهرهه طلعت ومكالت لاي احد وين هيه رايحه
اني من دريت اتخبلت عليه والله حيل خفت >> حتى اني استغربت روحي
وضليت اكول لبتهه خابري فلان وخابري فلانه وانخاربهه ومترد متت موت من الخوف عليهه
الى ان زوجي جابهه هالحجي ساعه 12 باليل
خطيه طلعت رايحه كاعده بالحظره مال الامام علي وبعيد بالنهايه مرت على بتهه وخابرت زوجي اجه اخذهه

والله من اجتي ونامت بالبيت ارتاحيت

جنت من اكعد الصبح وانزل اكول ياويلي خلي اتضر لكلمه كلمتين منهه
هسه من انزل اكول الحمدلله والشكر خالتي اليوم مبتسمه

خطيه والله خطيه

تدرون تشرب استكان جاي الصبح وتبقى للـ11 لــ 12 باليل عود تاكل لكمه اصغيره

يارب ارزقهه راحت البال يارب يارب

وشكرا الكم مره ثانيه حبيباتي

ام مهدي22 · 01-10-2013, 07:20 PM

ولج شعور حبي اني بالانكليزي زفت جنت بمتحان الانكليزي احسب لو اسوي الا بالا
برتوقاله كلي عمي احسب من واحد للعشره وكعد احسب وين توكف العشره اخلي الاختيار ولا سنه طلعت بي ههههعععع

ام مهدي22 · 01-10-2013, 07:26 PM

ميوش والله انقهرت عليه كموشه ياعيني ولج لا خطيه اريد هو الامام علي ع السلام
يلطف بحالها وينطيها على كد نيتها

ام مهدي22 · 01-10-2013, 07:27 PM

سراوي حبي اشلونج وشلون عبوسي

بشارة · 01-10-2013, 07:34 PM

ياهلا بأم مهدي الورده عاش من شافج حياتي

شلونج ؟؟ سحلول اشلونه ان شاء الله بخير؟؟

ميوشه عمري الله يفرج هم عمتج و ان شاء الله كلها اتصير سوالف

تسلمولي بنات على دعواكم الحلوه الله يبعد عنكم الافلاونزا

White angel · 01-10-2013, 08:16 PM

هلووووو بنات شلونكم
ألف ألف ألف مليون مبروك حياتي شهرده
تتربى بعزكم ودلالكم يارب
وان شاء الله يوم سارونه ويشرف عبوثي

بنات حبايبي مشتاقتلكم مووت
ام مهودي حياتي انتي اي ميس يووو
باقي البنات شلونكم

بنات صار يومين قلبي نار على كوكه
رحت للطبيب يكولي انو مدا تشيل رأسها وجسمها رخي بس شي يكولون بعدها صغيره واني قلبي نار وبس ابجي
عفيه طمنوني
عادي جسمها يكون رخي
بهيج عمر

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كردستان العراق 2013 ‎ - مناظر طبيعية فى كردستان العراق ‎ 2012 - السياحة فى كردستان ا	خليجية وافتخر	المـنـتـدى الـعـام	6	12-24-2012 02:13 PM
دردشة بنات العراق, دردشة حوامل العراق , تجمع بنات العراق	سماسم	إستفسارات حوامل من الشهر السابع إلى الشهر التاسع	16513	06-07-2012 02:12 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
تجمع حوامل العراق واتمنى اكو احد موجود	توتايه	إستفسارات حوامل من الشهر السابع إلى الشهر التاسع	18233	01-02-2012 10:09 PM