ديوانية البحرين - دردشة حوامل البحرين - البحرينيات

[فلونة]

سلااام عليكم

جمعة مباركة على الجميع ولا تنسونا من الدعاء في هاليوم ،، داشة اطل عليكم على السريع وابي استشيركم في سالفة الي عندها خبرة
من دشيت الشهر التاسع اذا انبطح ماقدر اقووم من الثقل بس المشكلة اذا رقدت من الليل الى الصبح ابي اقوم حق الصلاة او الحمام الله يعزكم ماقدر اقوم و رحس بآلام مو طبيعية في ريولي اليسار بس جنه احد ايودها وما يخليني احركها مولية واحتاج وقت علشان اقدر انزل من السرير واذا نزلت جنه سجين تقص فيها ونوع النتشجنة والم كلش مااقدر اتحمل شدته وانا خايفة،، سألت خااتي تقول من الثقل بس اشمعنه بس اليسار وانا اصلن احس البيبي في جهة اليمين وقاعدة اوسوس خايفة حزة الولادة يصيدني شي من قوة هالالم وما افدر احركها خير شر وهالافكار من ابليس الله يلعنه مادري شاسوي هل الشي طبيعي او شنوو ؟؟؟؟؟؟

الي عندها فكرة تفيدني والله يعطيكم العافية ويبعد عنكم كل مكروه بحق هذا اليوم

[طفلي حياتي]

هلا فلونه المفروض تتوقعين اي شي في التاسع الثقل والتعب يطلع ومو معناته ان الجنين في اليمين لازم الالم يمين بنية الجسم غريبه عجيبه وانتين اخبر مثلا الديسك في فقرات القطن والالم يحوش الريول فالظاهر هذا شي طبيعي ولا تحاتين ويمكن من غسال مواعين عمتش مايندرا
تعالي فلونه وحبيبه بجم شريتون لمهادات لقماطات اللي يلفون بهم البيبي؟

[حنين للماضي]

السلام عليكم

عدنا لكم بعد عناء طويل

وحشتوني عن جد وطول الوقت كنتوا في بالي
الصفحات زادت واجد بس متأكدة كلكم باركتون لي

واخيراً شرف نور العين وزين حياتنا
كل يوم عن يوم احس قلبي يتعلق في اكثر
ربي يحفظه ويقومكم بالسلامة

يلا دام راقد بقول لكم قصة ولادتي

اني من تاريخ 23 كان عندي آلام العادة وزاد الالم تاريخ 24
حتي الليل ماقدرت انام وطول اليوم بيت ابوي كنت اتقلب يمين يسار
وكل ما قالوا لي روحي المستشفى قلت لهم المشكلة الالم مو منتظم يعني يروح ويجي بين كل نص ساعة او اكثر او اقل
عاد في الليل ماقدرت بعد الالم زاد وصار يجيني بين كل عشر دقايق وعلى الساعة 11 سلمت الامر وقلت لزوجي يوديني المستشفى
يوم رحت كنت بس مفتوحة 2 سانتي قلت بل كل هاي و2 سانتي الستار الله
فصخوني ثيابي وسويت فيلم هندي مع زوجي قبل لا امشي وحضنت اختي
ابوي وامي كانوا في الطريق وقلت لاختي تسلم عليهم
دخلوني وكنت مستانسة حدي راح اجوف فرحة عمري بعد ساعات
على الساعة 2 جت الدكتورة وقالت 3 سانتي بس لازم تسوين عملية
انصعقت قلت لها ليش
قالت نبضات قلب الجاهل ضعيفة ومو قادر يطلع لأن توش 3 سانتي وجدي البيبي بيتعب ولا سمح الله.....
قلت لها لا مابسوي بنتظر يمكن انفتح
قالت لو كنتي 6 سانتي اوكي بس الحين مشكلة شوي
قالوا لزوجي ودخل لي ودموعه اربع اربع قال لي سوي خلاص قلت لا العملية اتعب بنتظر وبنجوف انتظرنا لساعة 4 واني مازلت بس 3 سانتي
وردوا نادوا زوجي وقالوا ترى نبضاته ماتغيرت للحين ضعيفة على مسئوليتكم اذا صاده شيء
اهني زوجي فقعها صيحة واني كأنه اهل البيت كانوا ماسحين على قلبي ماصحت وحافظت على هدوئي قلت لهم يلا خلاص بسلم امري
وقالوا لزوجي يلا بنوديها غرفة العمليات قال بس ممكن دقيقة وجه وحضني وقام يصيح من قلب اني اكتب والدموع تنزل قلت له لاتخاف مابصير شيء وبرجع لك وياي علاوي قال مابغي احد بس ابغيش انتين
توادعنا وجت امي بعد سوت ماتم ثاني وعقب دخلوني غرفة العمليات
كنت هادئة لأبعد الحدود ولا كأني في غرفة العمليات
بعد دقايق جو الدكاترة وبنجوني نصفي وحطوا شيء قدامي عن لا اجوف وحطوا اكسجين على خشمي
مافتحت عيني اله يقولون فينش
واني حالتي حاله اقول وير از ماي بيبي
قالت بيبي فاين
ماصدقتها قلت اكيد صاده شيء ومابيون يقولون لي
وقمت كلحين اسأل قالت الممرضة راحوا ينظفونا
اهني انهرت وقمت احاتي
بعدين ودوني غرفة الانعاش وجو بيتنا وزوجي وبيت عمي يتحمدون لي السلامة وسألتهم عن البيبي قالوا بخير
بعد دقايق جابوا علاوي الكتكوت واني ماقدر حتى ارفع راسي
قلت لاختي رفعي لي اياه ابي ابوسه قالت لاحقة الحين
طالعته نظر عيني واطمئن قلبي
عقب ودوني الجناح واشوه حصلت غرفة خاصة وتميت ثلاثة ليالي هناك
وامس جيت بيت الوالد

اهم شيء عندي ولدي
صحيح ماني في دنيا من الخياط بس يلا كله يهون عشان ابتسامته وهو نايم فديته والله

دعواتكم يخف الالم لأن كلش ماقدر لا انبطح ولا اقعد وحركتي ثقيلة

صور علاوي بنزلهم عقب ان شاءالله

ادري طولت بس كنت ابي احتفظ بهالقصة للمستقبل بعد لنفسي

علاوي صغنون حده بس 2.3
بس الحمدلله سالم ومافي شيء هذا اهم شيء

على فكره حزت اللي كنت اتألم من الطلق كلكم جيتون في بالي
يلا عقبال ماتقومون بالسلامة واجربون شعور الامومة اللي ماينوصف

الذهبية ان شاءالله ولدت؟؟؟

نراكم لاحقاً اذا صار مجال

[طفلي حياتي]

حنون ياخلف اهالي بغداد والناصريه كلهم
الحمدلله على سلامتش وسلامة الغالي علاوي اي فتاة ولدت ماسوت سوايا تبغي تولد والحمدلله قامت بالسلامه الفال للباقي كلنا ان شاء الله نولد في يومنا يارب

[Roze]

حنون الحمدلله علا سلامتش وسلامة علاوي ويتربا في عزكم يارب

[حبيبة حسوني]

حنوووووووووونه حبيبة قلبي
حمد لله على سلامتش وسلامة علاوي القمر
الصراحه عورني قلبي واني اقرا قصتش وجتني الصيحه
خساره ولدتين عمليه الله يساعدش لكن حمد لله على سلامة علاوي وسلامتش اهم شي
شوفة علاوي تسوى الدنيا ومافيها الله يخفف عنش الوجع ويسهل عليي يارب والله تعبت حدي

[شمس الصباح]

السلااااااااااام عليكم جميعا

حنووون الف مبروك يا ام علي وما عليش شر اهم شي صحة علاوي وتحملي بروحش وان شاء الله تصيرين زينه

المشاركة الأصلية كتبت بواسطة أحلام أم

لايزعلوون الباقي بعلق شموع بإسمكم في السفرة مالت أم البنين وبدعي ليكم بالتساهيل والسلامة إنتون وكتاكيتكم ،باحاول أذكركم كلكم
أم خليل لاتدلعيين طلي شوي

خخخخخخخ اي الحين عدل شموع للكل مو بس الحوامل ومشكورة وربي يسهل عليش

المشاركة الأصلية كتبت بواسطة معصومة

اها يعني

على راحتكم

اني يوم حامل ابتي
تعرفت على بنتا في منتدى ثاني
وقمنا نتواصل وولدنا وكبروا اولادنا واحنا مع بعض

نتجمع في مساجد وبعض الاحيان في بعض الشقق
صرنا ربع يعني

بس قبل جم شهر صارت لي مشكلة ويا وحده الله يسامحها وخلاص تركت المنتدى عن المشاكل

هلا اختي شوفي اني اسمي شمس الصباح سيده كنت حامل وجبت ملاك شيخت كل البنات وعندي ولدين منامية ومتزوجة من الدراز يعني اني درازيه الحين من سكنه الدراز مممممممم ويش بعد اي ذكرتوني بالمعرض اني اللعام رحت بروحي في يوم خاص للنساء طلعت من الصبح وحصلت بارك كنت اللعام اعاني من نزيف الأجهاض وهالسنة من النفاس الحمد لله ربي ما خيبي ولا خيبوني اهل البيت سلام الله عليهم

المشاركة الأصلية كتبت بواسطة فلونة

سلااام عليكم

جمعة مباركة على الجميع ولا تنسونا من الدعاء في هاليوم ،، داشة اطل عليكم على السريع وابي استشيركم في سالفة الي عندها خبرة
من دشيت الشهر التاسع اذا انبطح ماقدر اقووم من الثقل بس المشكلة اذا رقدت من الليل الى الصبح ابي اقوم حق الصلاة او الحمام الله يعزكم ماقدر اقوم و رحس بآلام مو طبيعية في ريولي اليسار بس جنه احد ايودها وما يخليني احركها مولية واحتاج وقت علشان اقدر انزل من السرير واذا نزلت جنه سجين تقص فيها ونوع النتشجنة والم كلش مااقدر اتحمل شدته وانا خايفة،، سألت خااتي تقول من الثقل بس اشمعنه بس اليسار وانا اصلن احس البيبي في جهة اليمين وقاعدة اوسوس خايفة حزة الولادة يصيدني شي من قوة هالالم وما افدر احركها خير شر وهالافكار من ابليس الله يلعنه مادري شاسوي هل الشي طبيعي او شنوو ؟؟؟؟؟؟

الي عندها فكرة تفيدني والله يعطيكم العافية ويبعد عنكم كل مكروه بحق هذا اليوم

فلونة على سالفه التشنج اني صادني بولدي جدي اذا نمت على جهة اليسار يصيدني تشنج لدرجة اني ما اقدر اتحرك واقعد اصيح احس اني مشلولة بعيد الشر وكان زوجي مسكين يحملني ويوديني الحمام واني اصيييييييييح لاني كلش ما اقدر اتقلب كلش بس الحمد لله بعد الولادة راح التشنج لا تحاتين وربي يسهل عليش

[شمس الصباح]

حبيبة حسوني يالله هانت ما بقي شي وتشرف بنتش الله يسهل عليش

[حبيبة حسوني]

هلا هلا شموسه
الله يسمع منش واولد وافرح بشوفة فطومتي
المسج الي مبرزتنه لولادتي التوقيع الي حاطتنه انتين ^_^
انتين شخبارش وشخبار ملوكه وياش ؟؟؟؟

[شمس الصباح]

ملاك تساهر طول الليل وخصوصا اليوم استمرت الي الظهر تنام ومن احط راسي بناااااااام تقعد وايد متوصيه فيني ملاك ربي يحفظها

تدرين للحين ما تغديت بتعشى مرة وحده الحين زوجي يسئلني وش ابغي عشاء قلت ابغي المطعم كله متخرعة خخخخخخ