تجمع حوامل ليبيا

[أم عويضة]

السلام عليكم
كيف حالكن يابناااااااااااااااااات
يقين كل عام وانت في هناء وسعادة يارب ايمرن عليك اعوام حلوة ويطول الله في أعماركم
ميراس كيف حالك ؟وحال عويلتك ؟
أم قصي شن أخبارك واخبار بنياتك ما فيش اخبار لى الثوار ان شاء الله ايكونن اخبار خير
انا اليوم هذا وين خشيت كنت عند هلي بكرة باتي يبي ايدير عملية سحب ميه بيضاء قي يادة ابن سيناء
أسأل الله ان يسلمه وتنجح العملية أدعوا له يابنات الله ايربحكن

[ميراس]

ام عويضة انشالله ربي ايسلمه واينوض مية ويقرا اول خبر تحرير ورفلى يارب وينك اليوم غدوة خشى عالفيس تو نحكيلك عالمقلب اللى صار امعاى باهي يبنات شامه ريحة خيانه بالموضوع معقوله قداش ليا انهيج ابروحي ولاوحده طلعت اليوم بعد اعيت وادرهت من الكتيبه تفلحتن ونضتن جميع فيها حق هادى ام قصي اسمى عالفيس مرتين وراء بعض ميراس ميراس وربي اينجيلك باتك وخوتك يارب يقين بطول عمركم يارب العام الجى تحتفلوا بيه فى ليبيا اكيد ابن واحلى وخوى مافيش اتصالات ماعندناش عليه اى معلومه ربي يستر اليوم دق واجد

[ميرنا]

المشاركة الأصلية كتبت بواسطة ميراس

اخي المواطن خوفا على سلامتك =)))))
.
.
.
.
.
.
.
.
اذا اردت ان تعبر الشارع فانظر الى سائق السيارة القادمة اذا كان رجل فاعبر الشارع و انت مغلق عيناك و مرتاح البال

اما اذا كانت امراه فـ أبقى على الرصيف و تمسك بأقرب عامود و ادعو الله و تذكر أجمل لحظات حياتك
ههههههههههههههههههههههههه

هههههههههههه روعة بكل وينك يا ام اسيل هذه شورك ههههههههههه

[ميرنا]

المشاركة الأصلية كتبت بواسطة ميراس

شن رايكم فى هالشعرعائشة القدافي تلعب في بنتها : بنيتي منو قدها في الحفرة عالق جدها ، بنتي زاد دلالها مزيل البطشة خالها ، بنتي مكبر همها عيشة الحقيرة امها ، بنيتي يامشناها اليهودية حناها ، يا بنت الحلوفة جدك بوشفشوفة

هههههههههههههه ههههههههههه صحيتى ياميراس ربى يطول فى عمرك

[ميرنا]

بارك الله فيكم على السؤال عنى وانا عارف انى شاغلتكم بس الحمدلله بفضل الله وها الدكاترة استمر حملى وانا الان فى الشهر السادس والحمدلله ربى عطانى الصبر على جميع ما مريت به من قهر قهر قهر ولكن لى يصبر ربى ينصفله الحمدلله يارب الحمدلله يارب الحمدلله يارب والعقبة لكل محرومة الضنى شوقهم واعر ربى ما يحرم مسلم منهم

[ام وسونة]

صباح الخير صباح النور صباح القزة و الشرشور

كيفكم ياحلوات والله هذا وين حصلت وايرز بنهبل ونبي نخش

للمنتدي المهم كيف حالكم وياريت تدعولي لان اليوم نتائج التحاليل

تطلع يااااااااااارب خير

تصدقوا يابنات ان التشخيص اللي مدايرينه لراجلي في ليبيا

طلع كله غلظ الحمدلله راجلي مادارش العملية

تعرفوا الدكتور دارلنا تحاليل كامله كلفتنا قريب 700ليبي

واليوم تطلع

اختي ام اجنادين لوتبي تمشي ننصحك بدكتور الازهر الحلواني

تعرفي عليه زحمة مش عاديةطبعا كلهم توانسة وشوية ليبين

لانه برفسور كبير وفاااااااهم وينصحك بالافضل على طول

ربي يسخرلك ويسخرلي بالله ادعولي

اني محتاجة دعائكم

[ميرنا]

الشعب الليبي صبر 40 سنة من القهر وحرمان واليوم قاعد فرحان ... من يصدق ان الطاغية القذافى هرب هو وعيال ... والشعب اليبيى اليوم اسعد شعب على وجه الارض ...
ومن ايصدق انى انا نحمل بعد معاناة 9 سنوات وفى هذه الظروف

ومن يصدق ام اسيل تحمل بعد 7 سنوات و فى شهر فبراير بذات وشوف بنغازى فى شهر فبراير كيف كان الجو عندهم ايام بدايت جنون القذافى

ومن يصدق حبل الوصل تحمل بعد 8 سنوات تلك اسبهاويه الطيبة والشفافة ان شالله تكون ابخير وتخش اتفرحنا وتنور التجمع وحتى هى ايام بدايت الاحداث فى شهر فبراير


الحمدلله يارب كم انت كريم يارب .. والله القيت الصبر هو الحل ولى يصبر ربى ينصفله عاجلا او اجلا


يابنات انقوللكم حاجة حتى الفجعة قالو العرب الاولى ( جدودنا ) لها دور

[يقين]

صبااااااااااااح الورد علي احلي بنات
ام عويضه ربي يخليك وينجح عمليه باتك وينجيه ويسلمه ليكم يارب

[يقين]

ميرنا ربي يثبت حمل وتولدي علي خير ونزيدك وحده مش قلتلكم علي اختي اللي خملت بعد4 سنين حملت شهر2 ولله الحمد بعد عناء طويل ربي حن عليها وربي يرزق كل محروم يارب

[أم عويضة]

المشاركة الأصلية كتبت بواسطة ميراس

ام عويضة انشالله ربي ايسلمه((( واينوض مية))) ويقرا اول خبر تحرير ورفلى يارب وينك اليوم غدوة خشى عالفيس تو نحكيلك عالمقلب اللى صار امعاى باهي يبنات شامه ريحة خيانه بالموضوع معقوله قداش ليا انهيج ابروحي ولاوحده طلعت اليوم بعد اعيت وادرهت من الكتيبه تفلحتن ونضتن جميع فيها حق هادى ام قصي اسمى عالفيس مرتين وراء بعض ميراس ميراس وربي اينجيلك باتك وخوتك يارب يقين بطول عمركم يارب العام الجى تحتفلوا بيه فى ليبيا اكيد ابن واحلى وخوى مافيش اتصالات ماعندناش عليه اى معلومه ربي يستر اليوم دق واجد

الله ايربحك ياميراس زيدي مية اخري رانك رعشتيني ياخيتي