دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

Queen DadoOo · 11-07-2011, 10:28 AM

صباح الورد
كل عام وانتم بخير وعيدكم مبارك
وحشتووني
كيفكم وكيف نوناتكم
الحمدلله خلصت الاربعين بس لسا ماطهرت الله يكرمكم ماني عارفة ايش السبب عادي والا اروح المستشفى
ولسا مارجعت مكة وحشتني ان شاء الله بعد العيد ارجعلكم واداوم في المنتدى خخخخخخخخخخخ
شعاع الف سلامة عليك ماتشوفي شر حتى انا احس الدم ينزل مني من فترة لفترة وماني عارفة هو دم نفاس والا لا
يابنات بسألكم اصلي والا لا محتارة ينزل كل بعد اربع او خمس ايام
والايام اللي ماينزل احس برطوبة وافرازات

Joana · 11-07-2011, 10:54 AM

صباح انور..........اخباركم صبايا...

احيانا ما اقدر ادخل...مشغوله ...ما عندي شغاله ...و البيت و الاطفال كله علي...

يا دوب بس افضى...و ادخل اشوف اخباركم....

الف...الف مبروك دلوعه...و الله فرحتلك من كل قلبي...يالله اهتمي بنفسك و اكلك

و داومي على حمض الفوليك في الشهور الاولى...تحمي بعيد الشر من تشوه

الاجنه...و الله يتمم حملك على خير...

منوووره كوين ...طولتي الغيبه...كيفك و كيف ولدك...ان شاءالله بخير؟؟؟

على الدم بعد الاربعين ما عندي فكره...انا تقريبا الدم وقف بعد اقل من عشرين يوم

...بعدين افرازانت وردي...و صفرا...اذا كانت مستمره و لونها

احمر اتوقع يسموها اخت النفاس..و هي تجي بعد الاربعين او قبل نهاية الاربعين...

بس انتي تقولي متقطعه.... افضل تسألي دكتوره...انتي وشعاع....

و الله يشفيكي شعاع...نفس الشي ما زلت اعاني من الم الظهر....الحمدلله بس...

Joana · 11-07-2011, 11:06 AM

4يو....على ربيعه ( مغربيه ) شاطره...روحيلها و انتي مغمضه...جربتها في القص تقريبا

قبل ثلاث سنوات..ب 70...رووعه و الكل كان يسألني...وحتى في الصبغ زي ما قالوا

البنات مرره شاطره...ايام و انا في الكليه وحده من زميلاتي صبغت عندها

و طلعت رووووعه...هي اصلا مشهوره في الجامعه...و ما تصبغ للي شعرها ضعيف
و مشغله
قرآن في الصالون ...و ذكر الله على لسانها...و انا عندي رقمها بس ما ادري يمكن غيرته

لانه من زمان عندي...بس هي غاليه شوي في الصبغ....بس انا سمعت قبل فتره

انها نقلت او سافرت ...بس ماني متأكده

Joana · 11-07-2011, 11:42 AM

نسيم...الحمدلله بخير اخبارك يا قمر؟؟؟ و اسم لانا ..حلو على اسم بنت اخت اخت زوجي

و زي ما قلتي ما ننتكلم في نوناتنا...كلامنا صار في النفاس و التمريخ و التغيير...

انا بنتي لسه صغنطوطه...حتى ما اقدر اروشها لوحدي...ما كأنه عندي بنتين قبل..

ما تنمسك...زوجي يمسكها معاي...وانا امووت عليهم في هذا العمر...واسويله

احيانا مغلي شمر و احيانا منقوع التمر ..لوحده...ام زوجي تقول يغذي المخ...

و هي متعبتني في مغصها...عندها غازت...حتى موية غريب ما احصلها في الصيدليات

بس اعطيها دوا عند اللزوم....

اموره....ضحكتيني با ام غوريلا...لو تشوفيني ايش تقولي عني...لا اغني

و مافيا ادلع احد...يمكن في بنتي الاولى بس...يادوب زييك اصيح لا حد يقرب من البنت

لاحد يوسخ البيت...صار بالي ضيق...كنت في بداية الزواج مالي حس...

و ذحين...بس معصبه...و احيانا اعلي صوتي بس احيانا و قت مااكون رايقه.. اكلمها...و ادلعها

احس طولت حكي.....بس طفشانه و ابغى اسولف....

Joana · 11-07-2011, 11:48 AM

جامعيه...كارميلا...فينكم يا حلوين؟؟؟

4يو...مامي ميرزا...فليك...اخباركم.....؟؟؟

Joana · 11-07-2011, 11:52 AM

احسن اطلع...لا تقولوا علي مجنونه ...تكلم نفسها...هههههههه

تشاااااااو

أميرة الوجود · 11-07-2011, 03:12 PM

ياسلام والله اليوم التجمع حماس. اللهم زد وبارك ، هههه ايوة كذا يابنات نورتو التجمع

مامي ميرزا. ان شاء الله الضحكة دوم ياقلبي يعني فيه احد زيي الحمد لله ههههه

فليك نورتي ياقمر والله لك وحشة. الله يسعدك

شعاع ياقلبي كيفك من زمان عنك. سلامتك والله من كل شر. طيب انا اقولك الآلام.عندي تخف اذا أخذت كالسيوم .ليش ماتاخذي كالسيوم. انا بالذات اذا اشتغلت شوية في البيت تزيد الآلام ولما قلت لأبو زوجي قاللي خذي كالسيوم .هو استشاري كبير. ومرة فاهم ماشاء الله عليه الله يحفظه ويطول بعمره .يقول المفروض ماتقطعي الكالسيوم سنة كمان على قدام
طيب انا كمان سمعت ان التمريخ يشيل كثير الألم بالذات ألم الظهر .معقولة انتي يا شعاع ما أستفدتي من التمريخ. ?

غزل. حبيبتي الله يرزقك بالحمل هذا الشهر ان شاء الله وتيجي تخبرينا ونهريييييييك نصايح ههههه

وابشري اذا ربي اراد في الليل احط الخلطات اللي جربتها

امرأة حرة ان شاء الله البنات يفيدوكي

أميرة الوجود · 11-07-2011, 03:22 PM

كوين ياعمري كيفك وكيف ولدك وبنتك. مبروك انك خلصتي الاربعين ،لأ ما تصلي الين تشوفي علامة الطهر. وانتي وشعاع واي وحدة لسه عندها افرازات بنية او صفرا او وردي اكرمكم الله لازم تستخدم تحاميل .فيه عندك تحاميل طبية من الصيدلية بيتادين أو فيرجن أو البوثيل كلها رائعة وعندكم تحاميل المرة مع الملح الخشن بس كثير يخافوا منها وما يثقوا الا في الطبية

التحاميل هذي اللي تنزل اللي بقي في الرحم من مويات وافرازات وتخليك نظيفة ممكن بعد ثلاث او اربع ايام ومو لازم تروحي للمستشفى.
اما اذا كان اللي ينزل دم عادي فهذي اخت النفاس يعني دورة عادية انتظريها لين تخلص

اتمنى اكون وضحت الفكرة وان شاء الله تستفيدوا. منها

4يو · 11-07-2011, 03:29 PM

سلامتك جوانا لامجنونة ولا حاجة انتي غالية انا مثلكم بس اخاص واصايح حتى زوجي مشاء الله يقوم يرتب وينظف اذا شافني اخاص ويخاصم عياله الله يخليه ليا ولا يورني فية شر بس احس بحنان كبير على الصغير <نايف>فديتة امي تقول الله يثبتكي مو عادتكم الحنان على النون بس ابوس وادلع واتحمله مدري شكلي خرفة ههههه

أميرة الوجود · 11-07-2011, 03:32 PM

غزل الساونا اللي عندي أخذته من يو مارك وهو نفسه يبيعوه عن طريق جريدة الوسيط وجريدة الوسيلة يجيبوه لحد بيتك. اللي عندي لونه فوشي وكحلي . أخذته من زمان بميتين وثمانين بس ذلحين ما أدري صار بكم