تجمع حوامل ليبيا

ميراس · 10-06-2011, 06:01 PM

يقين كيف حالك انشالله ماطلعتى والله اتقول داعين علينا مانتلاقوا اتنين جميع يقين باش خاشة عالفيس بوك بنفس الاسم

ميراس · 10-06-2011, 06:02 PM

انا طالعة اندير دورة عالفيس بوك

يقين · 10-06-2011, 06:08 PM

ميراس اني جيت انتي قاعده ولالا

يقين · 10-06-2011, 06:10 PM

ميراس الله يسلمك اني تمام قوليلي تكلمي في اهلك

ميراس · 10-06-2011, 06:12 PM

اى اكلم فيهم وحالهم كويس بس خوى مافيش عليه اى معلومات

ميراس · 10-06-2011, 06:14 PM

انا كنت بالدردشة مع ام اعويضة عالفيس هيا خشى حتى انت

ميراس · 10-06-2011, 07:13 PM

شن رايكم فى هالشعرعائشة القدافي تلعب في بنتها : بنيتي منو قدها في الحفرة عالق جدها ، بنتي زاد دلالها مزيل البطشة خالها ، بنتي مكبر همها عيشة الحقيرة امها ، بنيتي يامشناها اليهودية حناها ، يا بنت الحلوفة جدك بوشفشوفة

ميراس · 10-06-2011, 07:14 PM

من يريد خدمة الانترنت في المدار الجديد قيمتها الشهر:5دنانير مجرب100%

الطريقةلتفعيل خدمة الانترنت في المادار الجديد (#8197453*5*1*4*140*)
مع العلم ابدأ من اليسار يعني اول شيئ *140*

ميراس · 10-06-2011, 07:15 PM

الحفيد : يا جدي احكيلي ع الناس ايام الثورة ...
.
.
.
.
.
الجد : الناس ايام الثورة تنقسم لـ 6 انواع و هما كالأتي :

عيت امجيهيد :
هذوم اللي امسكو السلاح و عدو بيه للجبهه اللي رد رد و الي مات مات و الي انجرح انجرح و يقولوا ديما الله اكبر و اشهد ان لا إله إلا الله محمد رسول الله , الله و الرسول و ليبيا و بس ...

عيت اسريريق :
كلا هذوم ياباتي قاعدين ورا عيت امجهيد وين ماينتصرو و ياخذو مكان ايجو يربشو و يسرقو و يقولو بعد يروحو قتلت عشرة مرتزقة و قبل اسروني بس انا هربت منهم ...

عيت اخويويف :
هذوم الجماعة الي اطياح في المحكمة و القهاوي و الساحات حرفتهم دوَا و اول مايسمعو خبر يطلعو السلاح و يقعدو يضربو فوق ز يقعدوا يقولو قولو لمعمر و عياله ليبيا فيها رجاله ...

عيت متسيليق :
هذوم يا ولدي بعد ما انتصروا عيت امجيهيد القيناهم هم الي سابقين و متريسين و واخذين الخير كله و يقولو دم الشهداء ما يمشيش هباء ...

عيت إفسيفيس :
هذوما يا باتي يقعدوا عالنت و يسمعوا في اخبار قروب المنارة و يقعد يقولك ماسمعتش
و ديما تلقاه يقول لصديقته أنا ماشي للجبهه أنا طالع مظاهرة و هو مش قاعد بكل ...

الحفيد : و أنت وين جيت ياجدي في اي نوع و في نوع نسيت ماقلتش هذوما خمسه بس؟

الجد: الصراحة راحة ماهو يا باتي انا هو النوع السادس عيت ( اعفيفيس ) شور تونس أول ماولعت في بعضها ألقيت روحي في العاصمة طوالي و مولع النشيد و نغني سوف نبقي هنا

ميراس · 10-06-2011, 07:17 PM

اللهم احفظ بلادنا من الفتن
اللهم وحد صفوفنا
اللهم احقن دماء اخواننا
اللهم ليك بالقدافي و من سانده
اللهم انصرنا نصرا مؤرا