تجمع امهات التوام حياكم

[نـــــــارا]

أنا خلصت ثياب عيد الفطر والاضحى.. بس دايخة على التكملة يعني تاج او ريشة حلوة للشعر وودي البسهم شنطة وشكلي بفصلها لان مو لاقية صغار وايد

بالنسبة للامساك عند الاطفال انا وحدة من بناتي عانت من الامساك وما ارتاحت منه الا يوم اكلتها.. عصير البرتقال المخفف بالماء يمشي البطن والتفاح بعد وعصير الخوخ والمشمش يمشي البطن بعد

استخدت لبنتي نص تحميلة وحتى الملينات استخدمتها وما فاد من اقطعه يرجع الامساك

قمت اواصل على التحميلة كل يومين اذا ما مشى بطنها امشيه كل يومين مرة بالتحميلة
الحين الحمد لله فرق وايد حتى نشاطها تغير قبل كانت خاملة من اكلتها صارت طبيعية وحركية

[maha8181]

عشووومه ام الحلوات
انا اخاف احممهم بالليل اخاف عليهم من المكيف دايم الصباح وللحين نومهم متلخبط ينامون 2 الفجر وكل ثلاث ساعات يقومون جوعانين بس كل واحد يقوم بوقت ما الحق انام الا قام الثاني الله يحفظهم احس نسيت النوم
والحين جبتلي شغاله بالايجار والحمدالله كويسه معاهم
شوي تساعدني
احس احنا امهات التوام ربي معطينا صبر وقوة تحمل زياده عن الامهات والله ساعات استعمل يديني الثنتين بنفس الوقت
الله يعينا جميعا ويرزقنا برهم *

[عشمانة في ربنا]

المشاركة الأصلية كتبت بواسطة maha8181

عشووومه ام الحلوات
انا اخاف احممهم بالليل اخاف عليهم من المكيف دايم الصباح وللحين نومهم متلخبط ينامون 2 الفجر وكل ثلاث ساعات يقومون جوعانين بس كل واحد يقوم بوقت ما الحق انام الا قام الثاني الله يحفظهم احس نسيت النوم
والحين جبتلي شغاله بالايجار والحمدالله كويسه معاهم
شوي تساعدني
احس احنا امهات التوام ربي معطينا صبر وقوة تحمل زياده عن الامهات والله ساعات استعمل يديني الثنتين بنفس الوقت
الله يعينا جميعا ويرزقنا برهم *

مهاوي
حبيبتي قبل ما تحميهم بليل سكري المكيف واقفلي باب الغرفة واول حاجة تعمليها تدهني جسمهم بزيت بيبي جونسون قبل حتي ما تحمميهم دا بيخلي البيبي ما يبرد وبعدين تحميميهم بالصابون بتاعهم عادي وبعد هيك تجففيهم زين وتلبسيهم البامبرز اول حاجة وبعدين تدهني جسمهم بزيت الزيتون وتلسيهم وخلي بالك من تغيير اللبس يعني ما تغيري للبيبي من لبس بكم للبس بحمالات هيك يصير برد عليهم وبعد ما تخلصي تفتحي باب الغرفة وبعدين تفتحي المكيف
البيبي بعد الحمام بيشرب زين وكمان يعرف ينام زين
انا كنت قبل بحميهم الصبح وما كانوا يناموا في الليل ابد يناموا بالنهار لين نصحتني صاحبتي جزائرية وغيرت نظامي وفعلا نومهم صار احسن كتير الحين

[نـــــــارا]

معورني قلبي ومو جايني نوم :( بنتي طاحت من على السرير وتعور جبينها :'( غفلت عنها ثلاث ثواني بس اجهز بيجامتها للنوم :( وا عليه رقدت من زود ما صاحت وكاسرة خاطري وايد

[عشمانة في ربنا]

المشاركة الأصلية كتبت بواسطة نـــــــارا

معورني قلبي ومو جايني نوم :( بنتي طاحت من على السرير وتعور جبينها :'( غفلت عنها ثلاث ثواني بس اجهز بيجامتها للنوم :( وا عليه رقدت من زود ما صاحت وكاسرة خاطري وايد

يا حبيبة قلبي روحي عليها سلامتها الف سلامة يا رب وما تشوف شر ابدا
حبيبتي الاطفال عاوزين متابعة علي طول خلي بالك منهم وربنا يفرحك بيهم يا رب وكمان لا يتعور قلبك احمدي الله ان عدت علي خير بس انتبهي بعد هيك حتي لو اضطريتي تسوي شي اتاكدي انها في امان الاول وان ما في بجوارها شئ يضرها وسلامتها الف سلامة

[زود الغلا]

نارا ....ماتشوف شر بنتك والله يحفظها انا صارلي نفس الموقف بس تخيلي انا كنت منومتهم على سفنج على الارض والاسفنج شوي مرتفع وقلبت وحدة من بناتي وطاحت على الارض وبكت حيييييييييل قطعت قلبي ديري بالك عليهم وحاولي ماتخلينهم بروحهم حتى لو ثانية الجهال بسرعه يقلبون الله يحفظهم لك ...
نارا ... بتلبسينهم جنطة :) والله ضحكتيني وين تلقين جنطة كبرهم انا اتوقع لو البس بناتي جنطة راح يخلونها عضاضه :) طول الوقت في فمهم ..
يا امهااااااااااااااااااااات ابي نصيحتكم !!
انا بعض خالاتي ماشافوا بناتي لما كبروا ويحنون علي يبون يشوفونهم وانا بالعيد ان شالله ناوية اخذهم معاي يعايدون معاي وبنفس الوقت خايفة عليهم من عيون الناس وما ادري شسوي شتنصحوني اخذهم معاي والا اخليهم بالبيت ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[الفراشة الجميلة]

اهلين امهات
مها والله لحد الان ماقررت اطلعهم للمجعات والاماكن العامه
طبعا انا اطلعهم بي اهلي واهل زوجي اخواتي بسسسس
بس قلت واشتري عربية واخلها عندي لو فجاه طرت علي اطلعهم لين العربية موجوده وشلي شلت فكرت العربيه الي وراء بعض كلن قالي مثل كلامك مو مريحه والاطفال اذا كبروا شوي يكون الي وراء يبكي يبي قدام عاد ماني فاضيه وجع راس ورحت لشيكو ولقيت عنده وحده بس ماودي استعجل قلت بروح اشف مذركير
وصادقه عشومه التسبيح ينوم الاطفال انا عيالي بسم الله عليهم اذا حممتهم ناموا بس انا احممهم الظهر وينامون والله زين
زود الغلا حصني بناتك واقري عليهم وان شاء الله ماعليهم الا عافيه بس نصيحه طالما انها اول شوفه واول طلعه لهم للناس لا تكشخينهم مرره ولا تلبسينهم لبس ملفت ولا تلبسينهم ذهب ابدااا بس حلق نصيحه لوجه الله اللحين التوام خلقه ملفتين بسم الله عليهم والله يحفظ لي ولكم يارب وشلون عاد تلبسينهم بتلفتين النظر زيادهعليهم اهم ماعليك بناتك ماعليك من احد وهاذي وجهة نظري
طبعا انا عيالي التوام ماراح اخليهم يتعيدون من غير شر لانه عيدنا كبير في استراحه ومستحيل اوديهم معي مع اني شريت لهم للبس بس بخليه لبيت اهلي يعني على العيد بيكون عمر عيالي ان شاء الله 4 شهور ونص توهم صغار مو لازم يتعيدون

[نـــــــارا]

ايه شكلي بفصل شنطة لزوم الكشخة.. احنا عندنا قرقيعانين واحد في نص شعبان والثاني نص رمضان
نص شعبان فصلت لهم مشبوك احمروفيه زري ذهبي وكيس ذهبي وتاج من نفس قماش المشبوك
وسويت اورد ر لنعال ذهبي بو صبعة ولبستهم وحطيتهم في العربة وداورت بهم من بيت لبيت اقرقع... شكثر استانسوا

فكري في بناتج وشلون تعودينهم عالطلعات والمناسبات وعوذيهم على طول.. انا كنت اخاف بالبداية بس الحين فوضت اموري لرب العالمين ودوم اعوذ بناتي وبالعكس افرح لين الناس شالتهم واشوفهم فرحانين فيهم بس لازم اعوذهم بالمعوذات على طول

[زود الغلا]

الله يستر انا من تزوجت وانا احلم يكون عندي بنات اموووووووووووووت على البنات احب البسهم واكشخهم ما ادري والله يكتب اللي فية الخير وانا وحدة مامنة بالله بس مايضر بصلي الاستخارة والله يكتبلي الخير يارب .

[عشمانة في ربنا]

كل عام وانتم جميعا بخير
ويعود علينا وعليكم الشهر الكريم باليمن والبركات باذن الله