دردشة بنات العراق, دردشة حوامل العراق , تجمع بنات العراق

[ام نورهانه]

اي وج عيني مدري شبيهن تسودنن علينه وج هسه خالتها بكرسي العقاب وبس تعوي اريدها تسكت علمود اكومها متسكت وكل شويه تكول شغله مره اريد اسوي كاكا مره اريد خاشوكه مره فتحي التلفزيون مره اريد حليب مره مدري شنو يوجعني كله علمود تكوم خلي اروح احجي وياها بلكي يفيد

[ام نورهانه]

عااااااااااااا لكم راسي كام يوجعني من صوتها خرب ببليسها

[مجنونة بحبها]

ههههههههههههههه زين وتعرف عقاب

انا غبيه كلشي متعرف لا عقاب ولا عتاب

[مجنونة بحبها]

صحيح اريد اسال سؤال

بنونه لهسه متحجي يعني حجيها كلما متقاطعه

ومن احجي وياها متنتبهلي

والله خايفه لايكون بيها خلل او شي وانا ماادري

احس بيها ماتستوعب بسرعه

[ام نورهانه]

لا حبيبة قلبي بنونه عابتلج لا تكولين غبيه مو انتوا مدلليها اني انوش اكتلها ومن عمرها سنه اني ااعاقب بحيث كنت اكعدها واكعد بعيد عنها واظل مراقبتها واكولها بس تكومين اكتلج واذا تكوم اروح اضربها على ايدها فكامت تخاف
وتعلمت ومرات الكرسي اذا مو بمكانه يم باب الحمام تكرمين تروح تخلي بمكانه وتكعد مثل الجلبه ههههههههههه سوده عليه انقهر عليها بس من انطيها عين تشيخ وبعد مااكدرلها

[ام نورهانه]

لا ولج اسم الله عليها مابيها شي هاي من كثر الدلال ولان وحدها فماكو جاهل اكبر منها او بعمرها يعلمها اني نورهان جهال عيالي تعلمت منهم
وسنة الخ وديها حضانه علمود تشوف جهال وتتعلم ومرات الطفل المشاكل الي بالبيت تأثر على نفسيته ومن تحجين وياها لا تحجين بلغة طفل وياها لا احجي وكأن كاعدة تحجين ويا جبير تره غلط احنه نحجي ويا الجهال بلغتهم
ودائما لزميها وكوليلها باعي عليه وباعي انتي بعيونها واحجي وياها خليها تركز عليج واذا مقبلت خوفيها بهالعمر اذا الجاهل مخاف يكوم بعد ميخاف

[مجنونة بحبها]

هههههههههههههههههه

اكلها باعيلي ديري وجها واذا اضربها تزيد صراخ وعناد
وابوها يتخبل ولا يسمعها تبجي وشالعه كلبي
ونفس الوقت خايفه عليها اتكون مو فاهمه

[مجنونة بحبها]

هااااااااااااااا عنوديه موووووووووووووووت

ذاك اليوم من جانوا بيت حماي عندنا
صارت حرب ويه ابنهم الصغير اتريد العابه
وهو ميقبل عود صحت عليها غير كلبت الدنيا تبجي وتصرخ
وماقبلت تسكت وابوها تخبل وتعارك وياي وراد ياخذها مني
وانا اتخبلت اخذته منه وكمت اسكت بيها ومتقبل انطيتها الموبايل ركعته بالكاع
وبالاخيررررررر بعد شلعان الكلب سكتت وبقت تناشغ بلربع ساعه
عبالك مفشخه ههههههههههههههه

[ام نورهانه]

اي باعي بنتج اصلا كلش ذكيه لان مستغله النزاع الي بينج وبين ابوها وتدري هو ميقبل تبجي فتعرف نقطة ضعفج بجيها وهاي اول نقطة تدل على الذكاء ان تفتهم الي حواليها اني الي يخليها تخاف مني ان ابوها قليل يتواجد بالبيت ودائما يكون بالليل تواجده فمحد يخلصها مني النهار كله بس اني وياها
بس من يجي تتفرعن وتكوم حتى متديرلي بال ولا تهتم الكلامي

[مجنونة بحبها]

اي صحيح النهار كله موجود بالبيت بس الصبحيه ماموجود

فمأخذه راحتها المدام هههههههههه

شوفي كل شويه اجي اكتب كلمه كلمتين واروح

من طلباتها متخلص وانوب اذا واكفه اغسلمواعين تشبعني عض بط..............زي

ههههههههههههه


زين انتي مسيطره عفيه