تجمع حوامل ليبيا

ميراس · 10-04-2011, 03:54 PM

تعرفوا يابنات نبى نطلب منكم طلب ممكن تعطونا دورة على الفوتوشوب انا نعرف حاجات بسيطة لكن انا نبى نتعلم كيف نعمل صور وبطاقات وحدة منكم تتبرع بوقت اضافى منها وديرلنا ساعة معينة وتعطينا دروس

ميراس · 10-04-2011, 03:56 PM

شن رايكم عالاقل نبدوا فى المنتدى نستفيدوا وكل مرة من الاخوات اللى عندهم حاجات جديدة نتعلم منها حاجة ويستفيد الكل

ميراس · 10-04-2011, 03:58 PM

انا ماشية بندير دورة عالفيس بوك اللى تبى اتضيفنى اسمى ميراس ميراس دبل ميراس

ام قصى محمد · 10-04-2011, 05:05 PM

الله يسلمك ميراس الحمدلله هم يقولو خلاص سرت مازال فيها حى واحد ويحرروها وانشاء الله النصر قريب
انا موافقه على الفكره وياريت الى فيكم تفهم فى الفوتوشوب تعلمنا

ميراس · 10-04-2011, 05:10 PM

انشالله ياربى اتحرر ويتم هالكابوس والعقبة لبنى وليد ياربى والله الاهالى فى حال ماساوى جدا خاصة المتواجدين على حدود بني وليد فى المنا طق الصحراوية ومعندهمش وين يمشوا قاعدين فى العرا وناقصتهم الغداء والدواء مش ليش الدولة هاملتهم وين فرق الاغاتة والمنظمات الانسانية والله اسمعنا ان فى كارتة انسانية راح اتحل عليهم حسبى الله ونعم الوكيل باهى ليش مهتمين باهالى سرت واغاتتهم وهاملين اهالى بنى وليد

saly.me.91 · 10-04-2011, 07:41 PM

عفوا انا خارجة عن نطاق موضوعكم .خخخخ
مافيش وحدة دارت حقن مجهري قبل ونجح معاها... على خاطر انا دايراته توا واشبح شن بيصير معاي..اهو انراجي في يوم 15 بفارغ الصبر الايامات معاش بيتمو

hatoo · 10-04-2011, 08:22 PM

الحمدلله انك طمنتي علي هلك ياام قصي وان شاء الله تفرحي بشوفتهم وان تطعلي حامل ياسالي وربي يسرلك امورك

يقين · 10-04-2011, 08:49 PM

السلام عليكم
كيف حالكم بنات كلكم كلكم
ام قصي حمدلله علي سلامتهم وطيب اللي اطمنتي عليهم وان شالله تبشرينا برجعتهم سالمين غانمين
ميراس كيف حالك وحال الولاد وكل عام ولدك بخير عقبال 1000 سنه
هاتو ماعنديش فيه جميل هذا واجبي

يقين · 10-04-2011, 08:54 PM

سالي ربي يرزقك بالذريه الصالحه ويجعلها قرة عين ليك ولبوهم

يقين · 10-04-2011, 09:02 PM

ميراس وينك نبي نهدرز عليك انتي قاعده اهني