ليبيا غالية ،،، وما تعرفني إلا بالغااااااااااالي~~~~ تفضلوا

[fefe93]

نستاذن انا توا بنوض انشوف صار في غداء

[fefe93]

سلااااااااااااااام

[آية 87]

اذنك معاك فيفي بس بنقولك لاحظي بعد ما تاكلي حلو اوشكولاتة كيف تنشط الحركة بشكل كبير السكريات تعطي نشاط للجنين ومتنسيش تفتحي سورة مريم على قد ما تقدري انا كنت محملتها في موبايلي ولما جاني الوجع في بنتي قعدة نفتح فيها في المصحة لين خشيت للعملية وربي يسهل عليك يارب

[آية 87]

سوسو مبارك الموبايل وان شاء الله ماتسمعي بيه الاكل خير ياربي نستادن بنشوف غداي نتلاقو وقت تاني سلام

[هدية الخالق]

السلام عليكم ورحمة الله وبركاته
كيف حالكم اليوم
فروسة وسوسو وآية وفيفي بارك الله فيكم وربي مايحرمني من تشجيعكم ووقفتكم معاي
اني الحمد لله اليوم أحسن شوي لكن والله نعتبر قاعدة الحمد لله علي كل حال
أمس ماصارش مشي للمستشفي مالقيتش حيل باش نتحرك والله راجلي قالي نطلبلك اسعاف قتله لا والله مانحبها كان ما بيزيد يمرضني صوتها وتغم علي قلبي وقالي نطلب تاكسي قتله لا خايفة نبدأ فيها ترجيع حاشاكم قدام السوق ونتعقد ههههه هبلته مانبي شي
قتله لا من الاخير مانبيش نمشي للمستشسفي نتصلوا بيهم اتصال أحسن اتصل بيهم وشرحلهم حالتي وقاللهم هل تتطلب انه تجيكم والا لا قالوله حاليا مش لازم أهم شي تاكل شوي شوي حتي لو رجعت معليشي المهم تاكل وجبات خفيفة كل ساعة ساعتين وتشرب ماء او عصير علي دفعات باش ما ترجعاش وقالوا في حالة تخش الحمام حشاكم وتلقي البول شوية تجي طوووول هذا مؤشر عالجفاف
المهم عطوا لراجلي نصاىح كيف يبدير وشن يعطيني وخلاص طبعا الادوية خارج قاموسهم مايتعاملوش معاها الا في الشديد القوي علي قولة المصريين وخصوصا للحوامل والاطفال
ودرت زي ماقالوا بديت ناكل ونشرب علي دفعات باهي الحمد لله خف الترجيع مع اني يوم كامل علي قطعة شوكلاتة صغيرة وحبتين عنب وفي الليل يطيبلي راجلي مسكين لاني كارهة ماكلة برا نقوله باهي عالأقل جيب لروحك والا تغدا انت برا واني ناخد حاجة خفيفة في الحوش يقولي لااااااااااا مانقدرش بلاك ربي يخليه ليا وزيادة كارهة اللحم مسكين احتار شن يطيب يديرلي فيب اكلات قال نديروا فيهم في الداخلي زي رز ابيض وطاجين بطاطا وبصل وطن وامبارح دارلي دحي لانه الممرضة قاتله وكلهاحاجة خفيفة قبل ماترقد باش ماتتجمعش عصارة المعدة الصبح وتسببلها غثيان
ايه ونسييت نقوللكم مع الساعة واحد قالي مضطر نمشي للجامعة لانه بدي يمسك معيد ويعطي في محاضرات ويصحح مع الدكتور قال عندي محاضرة ساعتين ونجيك قالي نجيبلك ممرضة تقعد معاك قتله لا اولا منتقيد وبعدين الحق انجليزيتي نص نص مرات حاجات مانفهمهمش منها وقتله بصراحة مانحبش حد غريب يخش حوشي ويطول فيه تخيلوا يعني منرقد اني وسوما هيا شن بتقعد ادير واصلا اني مش مهيأة روحي والله قاعدة في بيجامة نوم من الاخير مش حنرتاح معاها قتله لا لا فكني منها قالي علي راحتك هذا الحل الوحيد اللي نقدر عليه
المهم سألته علي حجر التيمم لاني الحق الحمام نوصله بعد وييين واني نطايح قالي علي مكانه ونضت منجيبه بعدها فكرت قلت كان مايصحش في حالتي خليني نضغط علي نفسي وندير الاسلم تعودت من الشيطان ومشيت توضيت وصليت وكليت حاجة خفيفة وخديت حبة راس وغيرت لبنتي وبدلتلها ورقدتها وغيرت حوايجي ودرت لفة بسيبطة عالحوش ضميت العاب سما ومسحت عالخفيف وجيت حتي مندير عشي باش مانتعبش راجلي لكن خلاااااص وةصلت للمطبخ ستووووب حسيت روحي منطيح علي وجهي ومش قادرة نشوف للبصل حتي الشوف مشيبت بكرامتي ووليت لمكاني رقدت وهاااااادي القصة سامحوني طولت عليكم واليوم عندي موعد مع دكتورتي وان شاء الله خير

[هدية الخالق]

فيفي ربي يسهل عليك بدي العد التنازلي
ايه ربي يحفظلك صغارك سامحيني سألتيني سؤالين واني نخش عالسريع ونطلع مالحقتش نرد عليك
بنتي عمرها سنة وثلاثة شهور واني برا مش في ليبيبا حاليا قاعدة في كندا مع زوجي دراسة
فروسة ربي يعاونك ويوصلكم انتم وشحنكم بالسلامة وتنوروا ليبيا
سوسو الف لاباس علي ريومة ممكن الواز لانه اني سما قعدت تلاتة ايام حرارة توصل للاربعين ومعاها ونحسابوها سنون طلعت الواز وعطوها مضاد نين خفت لانه مش عادتهم يعطوا ادوية للعيل الا لو في حاجة كبيرة وتستاهل قبل يعطوا فيها شروبوا وخلاص
ربي يشفيها ان شاء الله
وألف مبروك التليفون الجديد ربي يخليلك راجلك وحتي اني عندي فايبر وواتس اب

[آية 87]

السلام عليكم هدية الخالق والله وجعني قلبي عليك ديري بالك على عمرك وحاولي ماتقعديش من غير ماكله ولو حسيتي قلبك يسل فيك كلميهم يبعتولك ممرضة اتجيك اديرلك تغدية حترتاحي بعدها وتنشطي كنت ننشط بعدها يومين تلاتة نروح فيهم لحوشي نغسل صابوني ونظمة وبعدين لما يمشي مفعولها نقوله يردني لي حوش بابا وهاكدا لين فوتت وحمي بنقولك على السفن اب لوتقدري تشربيها خيرلك حتى من المية ضيفيلها شوية سكر يمشو الغازات مفعولها شبية بتغدية ممتازة وتشد القلب .ربي يحفظلك بنوتك نفس عمر ولدي لما حملت بي بنتي كان عام وشهرين في عز وحمي متتغشيشيش شدة وتزول تو تجيبيه على خير ويقعدلك دكرة وخلاص "

[fefe93]

السلام عليكم
كيف حالكم اليوم جميعا بدون استتناء
هدهد الف لاباس عليك و الحمد الله انك وليتي احسن و انشاء الله كل يوم في تحسن اكتر من اليوم الي قبله

[fefe93]

ايه خلاص مفروض موعدي تلاتاء جاي لا الي بعده امس جاني شويه وجع في ليل لما بنرقد تعرفوا خفت و قعدت نبكي و قلت تخايل انه انموت و انا انجيب ههههههههههههههه وحده مهبولة انشاء الله اتكون ولادة مسهله عليا يارب و انشوف بنتي بصحة و سلامة ياااااااااااااااااارب

[fefe93]

اتري و جيجي و اوشي و خولة و ام معاد
وينكم مختفيات انشاء الله يكون المانع خير