دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

شمس · 05-05-2010, 09:05 PM

انشا الله انها بخير

حب ومرح · 05-05-2010, 10:10 PM

وووووشف فيها لمسة لتكووووون ولدت
طيب دقوا عليها
وطمنونا
الله يحفظكم

لمسة أمل · 05-06-2010, 11:33 AM

سلاااااااام يا حبايبي .. وحشتووووني موووت ...

انا الحمدلله طيبة ...

تخيلو يوم الاثنين ما رحت لموعدي ... بسبب الامطار والعاصفة اللي طبت فجأة على الرياض في اللحظة اللي كنت ابغى اخرج فيها من البيت .. تخيلوا.. الحمدلله ربنا ستر وماخرجت.. لكن زوجي ماقدر يرجع البيت بعد عمله لأنه انحشر في زحمة الشارع لمدة 4 ساعات .. وماقدر يرجع إلا نص الليل .. وانا كنت وقتها حايسة لوحدي في البيت انقطع النت .. ومافي تلفون .. وزيادة على كده موية المطرة اللي دخلت البيت وشوية ويصير بيتي مسبح

... يعني حوووسة مابعدها حوووسة

المهم ماقدرت اروح المستوصف إلا امس الاربعاء .. وأبشركم فحصتني الدكتورة والحمدلله كل شئ تمام.. وكمان اكدت عليا إنه اللي في بطني ولد 100% (ربي يحفظه) وعملت لي تحاليل .. ورجعت عندها ثاني المساء عشان نتائج التحاليل وكل شئ كان تمام ولله الحمد والمنة.. بس قالت لي إنه نسبة كريات الدم البيضاء عندك مرتفعة وشخطت عليه في ورقة التحاليل باللون الاحمر (بصراحة مافهمت عليها) لكن قالت لي إنه هذا مايؤثر على حملك.. عاااد أول ما قالت إنه مايؤثر على حملي ما اهتميت بكلامها ولا سألتها.. اهم شئ عندي البيبي

معلش يا حبايبي طولت عليكم .. لكني ماصدقت أول ما رجع النت اليوم .. هووووب علطوووول عالمنتدى

...

شكرا على دعواتكم .. ويااااااارب تكونوا كلكم طيبين

لمسة أمل · 05-06-2010, 11:41 AM

اقتباس:

المشاركة الأصلية كتبت بواسطة احلى دلوعه"

مسااااااااااااااااء الورد صبايا

سعر الولاده في مستشفى بخش2500 ريال فقط لاغير
وش رايكم في الخبر حلو صح000
ويكون لك ملف عندهم افضل يعني بداية التاسع ان شاءالله نروح نفتح ملف

أحلى خبرية شفتها اليوم يا أحلى دلووعة في أحلى يووووم .. الله يبشرك بالخير ياااااارب..
وتسلمي لي ..
أنا ان شاالله على نهاية الشهر داه راح اطلع مكه عند اهلي .. وبروح مع الماما عشان افتح ملف في بخش .. اشوفك هناك

لمسة أمل · 05-06-2010, 11:58 AM

فيه احد موجود حاليا في المنتدى ؟

حبيت امسي عليكم ... يا أغلى كروشات

واخص بالذكر حبايبي

خوخه طعمه

أحلى دلووعة

حب ومرح

وتين

شمس

ميساء

وكمان عضوات جدد انضموا إلينا في التجمع ..

شموخ عزي وسعاد الغامدي و أم الغالين وفوفة الحلوة

اتمنى تطمنونا عليكم يا حلوات

وما أنسى عضوات غابوا عنا لفترة .. إن شاالله يااااارب يكونوا طيبات ونوناتهم كمااان .. وهم

يتيمة أبوها و توتا الحلوة

و رهومة (رورو)

و الدمعة الخجولة

ربي يسهل عليكم يااااا كروشات ((مكتنا)) الحلوة ... وييسر لنا جميعا الحمل والولادة

حب ومرح · 05-06-2010, 01:16 PM

مشكورة والحمدلله تطمنا عليك

خوخه طعمه · 05-06-2010, 04:09 PM

ألف ألف ألف حمدلله على سلامتك يالموسه يالله ماتتخيلي قد ايش كنت قلقانه عليك
كل يوم ادخل بس ادور عليك بس الحمدلله تطمن عليك
عاد الحين دورك تدعيلي >>>سلم واستلم
بسوي تحليل مزرعة للبول عشان الالتهابات ادعيلي الله ييسر اموري
مرررره قلقانه وكمان اكثر شي قالقني ان حركة الجنين خافه يعني بالرابع كانت واضحه بس الحين لا خفيفه ولما رحت الدكتوره قالت كل شي تمام رغم اني مانتبهت للجنين يتحرك بالسونار بس تقول انا شايفته يتحرك
يمكن لاني مااشرب سوائل كثير هي قالت كثري من العصاير بس بجد خايفه
كمان الاسبوع الجاي عندي موعد اسوي الاشعه الرباعيه يارب يطلع كل شي سليم
ادعووووووولي القلق بيقتلني.......

وتين · 05-06-2010, 05:49 PM

الحمدلله على سلامتك لمسة امل ويارب تعدي رياح وامطار الرياض على خير ...

------

لو سمحتي اخت خوخه انتي تراجعي عند اي دكتوره وفي اي مستشفى ؟

اموورة وكتكوتة · 05-06-2010, 09:50 PM

كيفكم يا كروشات مكة

انا جديدة في المنتدى بس ابغا اسالكم ايش رايكم بمستشفى التونسي في دكتورة اسمها اركاديا

ايش رايكم فيها...؟؟؟ اتابع عندها انا مررررة تعبانة ومعي فقر دم وحالتي حالة

خوخه طعمه · 05-06-2010, 11:56 PM

اهلين وتين انا اتابع بالمركز الطبي في جده عند د/سما ناظر