دردشة بنات العراق, دردشة حوامل العراق , تجمع بنات العراق

[بشارة]

شكرا تاره عمري الله يحفظ الجميع و ينطيهم الصحه والعافيه

والله يا توته اني كاعده وحدي لكن ابصف عيالي هههههههه يعني الامن مو كلش مستتب .. بس اني حبابه وما ادخل نفسي و دائما بعيده عن خصوصياتهم ..اروح بس العصريه ساعه و ارجع

والحمد لله ماكو ايجار ... اويلي هاي لو ايجار جان متت من زمان ههههههههههههه




كاردينيا حياتي و الله الحياة صعبه و راتب واحد ما يكفي...
على فكره اني اسمي مروه .. ساكنه ببغداد بالوزيريه
مهندسة كهرباء سابقا ... اما الان
فمهندسة حدائق
ههههههههههههههههههه

[شمعه امل]

احسن الك خليك بعيده مروووة اسم الله الله يوفق زوجك ويرفعون الرواتب انتي بشركة اهليه تشتغلي كنتي يعني مافي امل تاخدي راتب

[المغتربه المتفائله]

هلووو مراوي حبي شلوونج ونواره شلوونه
سلامتج حبي وعادي هاذه قله النوم وكل ما تكبر بطنج اكثر
تضايقين اكثر اسأليني راح اتخبل من الوجع بالليل ما اكدر انام
كل ما اتقلب على جهه افز من الوجع ان شاء الله كله بأجر
وننسه التعب من نشوف النونيات بحضنه

ولو شكله مطووول ابني العاصي فدووه لقلبه
اليوم زوجي يحجي وياه يكله بابا شوكت تطلع
اني مشتاقتلك طووووووولته عبالك 9سنوات صارت
هههههههههههههه والله ضحكني كتله قابل هوه بيده وما يطلع

تارره حبي شلوونج والنونو شلوونه وصوفي شلون صار ان شاء الله احسن

سمر حبي شلووونج والنونو شلونه شوكت تسوين سونار اريد نعرف حنفوشي لو حنفوشيه ههههه

ميوووش قلبي شلوونج وجنتي الحلوه شلونه
وزين سويتي من ما اخذتي الابره ونتضرتي
بس كوليلي هيه كالت كيس مائي
لو تكيس ؟؟؟؟؟

[شمعه امل]

هلوووووووو ام عبوسه تسلمين حبيبتي انا الحمد لله ماشي الحال ومجه دا انطي الدوا والله يشفي وبعده اكرر التحليل
ليش ماتخلي مخده رفيعه تحت بطنك لماتنامي ع اليمين او اليسار تريح وانتي كمان مروووةه حطي مخده تهون الثقل

[بشارة]

حياتي تاره اني كنت اشتغل بشركة اهليه ..وخلص هذا اخر شهر داومت بي و استقاليت عالسنه الجديده هههههههه
تعبت والله من الطريق و بارده الدنيا كل اسبوعيين صايره اتمرض و اصير افلاونزا و من غير شي اني متضايقه من الشركه ومن الموظفه الويايه من اشوفها يركبني ستوميت عفريت على كولة المصريين ههههههههههههههه

هلو سراوي عمري شلونج و عبووثي شلوونه

فدوه لعينهم همه مو صوجهم بس هيه الايام مدا تمشي ... الشهر ديصير طويييييييييييييييييييل

استغفر الله رب العالمين ...الللهم لا اعتراض خلي يطوول الشهر المهم يجون بخير و صحه وعافيه

اني اخلي مخده رقيقه تحت بطني و مخده بين رجلي

لكن المشكله انه صايره بدون ما اشعر انكلب على ظهري ... راسا اكعد و انكلب عاليمنه.... وره شويه ايدي وكتفي تخدر ..ارجع وانقلب على ظهري و الليل كله على هالرنه

يارب سهل

[بشارة]

سراوي تعرفيين شوكت يتغير الشريط مالتي ؟

[الكاردينيا]

عاشت الاسامي مراوي والاحسن خليج بعيدة ماكو بس المشاكل من القرب ويارب يتمم بخير عليج وترجعين للدوام وهاي اللي وياج اطير هههه..... ياهلا سوسو شلونج حب اخبارج مشتااقين يلة اتحملي مبقة شي واحسن خلي يكمل الشهر يكولون الطفل الاول لازم يكمل الشهر ويارب يسهل عليج الولادة ويجيج احلى نونو بس اخاف ابو الشباب من يجي يكول روحي نامي بالهول من ورة دوخة البجي ومصرف الحفاضات تدرين سوينة حزب الحدايق وگمنة نفكر بكلشي ههههههههه.

[الكاردينيا]

نسيت اجاوبج السبت موعدي يم الدكتورة بس بالسونار افوت لوحدي استحي واخاف اسأل ولد لو بنية بس راح احاول الخاطرج. اني هسة ب 5يبين لو بعد وكت

[بشارة]

شكرا زنوبه حياتي .. الله يتمم عالجميع بالخير و الصحه و السلامه

والحمد لله على كل حال

[المغتربه المتفائله]

تاره حبي الله يشفي لصوفي
واني اخلي مخده بين رجلي وحده يم بطني
بس هم ما ارتاح ومن انام على ضهري بطني تكوم توجعني

مراوي حبي مبررروك متغير الشريط صاير بالشهر السادس
الله يتمم لج على خير وتفرحين بأحلا بنووته