.·¤ تجمع الحوامل اللي ولادتهم في محرم¤·.

[Marawy]

المشاركة الأصلية كتبت بواسطة غايتي الجنة

تجننن اغراض مراوي الله يفرح نظرتك بشوف البنت يارب

عاد حنا عيال نغار حرام عليكم هههههههه

غايتي ..
ماتشوفين شر يالغاليه .. اجر وعافيه .. ارتاحي وحاولي ما تتحركين كثير واشربي ماي المرقدوش لو عندج ينفع للبطن وللامساك ..*
فديتج ههههههه ربي يعافيج من ذوقج يالغاليه .. الحين واخيرا عرفت طريقه انزل الصور من الايفون فكل يوم راح انزل لكم صور ههههههه لان اغراض بنتي ما تخلص كل كم يوم يجيبون لي شي ههههه شكلها لما تجي ماراح يطنشونها ومابتحصل هدايا ههههه !

[Marawy]

المشاركة الأصلية كتبت بواسطة اللهم سترك وعفوك

صبح صيح


اخباركم جميعاااا

مراووووووووووي ماشاءالله تجهيزاتك جونننننننننننننناااااااااااااااان والحمدلله برتاحين تسع شهور من الاسواق انا مثلك احب اكثر لبس

لبس البطيخه جابته اختي لبنتي من الامارات يززززززن بالبس عوافي يارب


الغسول الي حطته بقايا ررروعه لي سنتين استخدمه طبعا طبي وخالي من الصابون مطهر خفيف ع شكل رغوه


دلع الكريم للي فيهم حكه او حرقاان الافرازات ياتحاميل ياتكثري ماء وزبادي

اللهم سترك ..*
فديتج يالغلا من ذوقج .. ربي يعافيج .. وحتى زوجي يقول لي عندج الحين ملابس تكفي لعمر سنه ! يعني لا تقولين بعد بروح السوق هههههه بس مشكلته ان طبعه مثل طبعي .. يعني يوم يقول هالكلام ويجيني اليوم الثاني يقول تبين نروح السوق نشتري اغراض للنونو لبعد النفاس ههههههههه ! بس انا ماسكه نفسي ومن جد الدولاب خلاص مايتسكر ..*

لبس البطيخه رووعه والله .. اخذته من دبي من الدراغون الصيني .. هو والدبدوب .. بس حلو وباللبس شكله بيكون حلو .. خصوصا مع القبعه هههههههه عليها بالعافيه بنوتتج اللبس .. تلبسه بالعافيه يارب ..*

[Marawy]

المشاركة الأصلية كتبت بواسطة سيدرا الفهد

صباح الخير كروشات ..اخباركم حبايبي ..

سوالفكم ماتنمل الله يسعد كم ..وياهلا بالكروشات الجدد حياكم بينا خواتي ..

بنات معليش احس الوسواس مسيطر عليكم توكلوا على الله الي رزقكم بالحمل وأتم عليكم ها الشهور على خير

المفروض نشكر الله سبحانه وتعالى على هاالنعم الي نحنا فيها ونستودع أجنتنا ونبعد عن وسوسة الشيطان

الي ماراح تقدم ولا تأخر الي كاتبه الله هو الي راح يسير .. تحياااااااااتي..

سيدرا الفهد ..
الوسواس ما راح يروح حتى لبعد الولاده شكله ههههه ! من بدينا بحملنا والكل يوسوس .. نخلص من وحده ترجع الثانيه ! للحين اتذكر وسواس الحركه وش سوا فينا بالتجمع ! كل يومين تطلع وحده وتقول البيبي مايتحرك ! احس باحساس غريب ههههه وبالاخير يتحرك ومافيه الا العافيه ! وانا تأخر عندي الاحساس بالحركه كثير ..*
وصح كلامج الحمدلله على كل النعم اللي ربي وهبنا اياها .. وهو اللي عطانا وهو اللي بياخذ مننا لو اراد وشاء ..*

[Marawy]

المشاركة الأصلية كتبت بواسطة ام اسكندر

يالبيه يامراوي
ماشالله تقطعهم بالعافية

تتهنى فيهم يادلعها هالبنت

شوقتيني لبنوتتي

ام اسكندر ..
فديتج تسلمين ياقلبي .. والله يا ام اسكندر في بداية حملي ما كنت افكر بنت او ولد .. اقول اي شي يجي ابيه بعد هالانتظار .. بس الحين لما عرفت انها بنوته واشتريت الاغراض احس نفسي راح اضيع بالاغراض لو كان ولد ههههه ملابس الاولاد مو مثل البنات ! البنوتات احس الحماس ازيد يكون .. كل ما امسك شي من الملابس اتخيلها فيه وزوجي نفس الشي يقول اتخيلها تلعب ع السرير .. ياقلبي انا عليهم البنوتات .. في كل شي حلوات .. احس نفسي بخسر زوجي كثير لما تجيني النونو ههههههه من كثر المشتريات ..*

[Marawy]

المشاركة الأصلية كتبت بواسطة روح الورد

آلسـَلآم عليـكـَـَم وَرَحْمــَـہ آللًـہْ

أَخْـبـً ـٌــآًرْرْرْگم

حلوووووين ماشاءالله ملبوووس العافيه مروووي

ربي يعافيج يا روح .. تسلمين فديت قلبج .. عقبال نشوف تجهيزات النونو يارب ..*

[مسكّ العطورّ]

مراوي هههههههه كفى كفى ارحمووو ولدي ياناسسس ملابسس كشخه وشعر طويل ماتبوون الولد ينهبل ههههههههه

تروكي جايكم ع السيكل بيخطب النونه بسس شنوو اسمها


مراوي انا وزوجي ودي نروح البحرين هالاسبوع المشكله جوازي منتهي وعندي بطاقة احوال اقدر اروح ولازم جواز ماتنفع البطاقه

[Marawy]

المشاركة الأصلية كتبت بواسطة دلع الأحساء

ام سلطان وبقايا وام التونز مشكورين ع نصيحه بالغسول ومشكوره مراوي تعبت بتنزيل صورة المرهم
واليوم رحت العياده الي بكليتنا وقلت لدكتوره احس عندي التهاب بدون ريحه ولا حكه بس كثافه ولون
قالت انتظري موعدك قلت لها باقي موعدي اسبوع الجاي قالت ماراح يأثر وانتظري
وهذانا بنتظر بس بستخدم المرهم الي خذته امس بستخدمه بس مرتين باليوم لمدت 5 ايام كذا حلو مو ؟؟

مراوي رووعه تجهيزك للبوتا وخاصه الي من طابا اعجبوني السباحيات وللملابس واحسم ولاديين ههه يعني يصلحون لي قميضه خلصت تقضي من الحسا ومارحت طابا
يلا ماعليه بعد الاربعين نونتي بيكبر وبروح طابا وبقضي
ولي شريهم من دبي كلهم حلوين وعجبوني حييل ملبوس العافيه لبنوتك والحلو انك مو كل شي خذتيه وردي نوعتي بالالوان
وذوقك احلا من الي جاوك هدايا الصراحه ههه
مشاء الله اغراضها بنتك اكثييييير ههه مسكين ولدي حسيته فقير بنسبه لأعراض بنتك
يلا ننتظر الباقي نزليهم
وبخصوص الام الدوره حماره الصراحه دورتي ههه وصلت لسابع ومب راضيه تفهم اني حامل هه
اليوم اشوف وجهي كله حبوب اقول لزوجي شفي وجهي احسه قاب الا قال اي الحين وقت دورتك المفروض ههه

ام التونز ماتشوفي شر يالغاليه لسى بطنك شد شكله ماوقف نمو بطنك ويكبر بسرعه مشان هيك شد
الله يساعدك
انا خف الشد من الشهر السادس يمكن لان بطني الحين قام يكبر حبه حبه مو فجئه

هلا وغلا حبيبت يزن منوره

ام عبدالله الله يساعدك ع الامساك انا عانيت منه فتره بس الحمد الله خف
يمكن لان من زمان ماكلت رز يمكن الرز يسبب امساك مادري والله

ام ريم الله يساعدك ع المحلول ابصراحه ماعمري جربت محلول اشربه
كلها رحت صايمه للحكومه وقاست سكري بالجهاز وخلصنا هع

ملكتيني انتي زي اختي ادمان ثلج
اما انا ماقدر ع البارد اسناني حساسه

دلع .. حاضرين ياقلبي وواصلي على المرهم لان ما اعتقد يضرج.. خديه مثل ماقلتي 5 ايام بس او 7 ايام .. وان شاء الله ربي يبعد عنج كل شر يالغلا .. بس اذا فيه عود طويل بداخل الكارتونه لا تستخدمينها لان دكتورتي قالت لي ما استخدمها عشان ما تلمس كيس البيبي لو عنق الرحم كان مفتوح عندي ..*

ربي يعافيج حبيبتي تسلمين ياقلبي من ذوقج .. وصح اللي اخذتهم من طابا يصلحون للاولاد اكثر احسهم ههههه لاني قبل اسافر السعوديه قالت لي الدكتوره 70 بالميه بنوته بس كان احساسي الداخلي يقول ولد يعني ولد ههههه فكنت اغض النظر عن الفساتين هههه مع انها كانت رووعه .. بس لي روحه مع السنه الجديده وبشتري للنونو لعمر كبير ..

وصدقتي اللي جاووني هديه ماعجبوني بصراحه هههههه بس هديه ما اقدر اردها .. وقلت لو كبرت النونو وماقدرت البسها راح اخليهم هدايا ينفعوني .. واغلبهم اختي الكبيره قالت لي احتفظ فيهم لانها ناويه تحمل بعد ما شافت الملابس وتبي بنوته ههههههه على كبر ..*

ههههههههه ومن جد الدوره حماره .. انا من دخلت السابع صارت تجيني بكثره الامها ! صرت اشك اني بولد بس سألت دكتورتي قالت عادي هذي رحمج يتوسع والبيبي يضغط على تحت عشان ينزل بالحوض ويتهيأ .. والحين صرت ما اعطي الالم اهتمام ههههه ..*

[Marawy]

المشاركة الأصلية كتبت بواسطة روعة النسيان

مساء الخير حبايبي كيفكم من زماااااان عنكم مدري فقدتوني اولا
كرهت المنتدى لانه يعلق معي مدري وش قصته
أنا بخير وبنوتي كمان الحمدلله بس هالايام الحرقان مجنني الله يهونها علينا

روعة النسيان ..*
ياهلا فيج فديتج .. شخبارج وشلون الثقل معاج ؟ وحركة النونو شلونها ؟*
لاتقطعيننا استحملي الموقع عشان عيوننا هههههه والا ما نستاهل يعني ؟!

[Marawy]

المشاركة الأصلية كتبت بواسطة مسكّ العطورّ

مراوي هههههههه كفى كفى ارحمووو ولدي ياناسسس ملابسس كشخه وشعر طويل ماتبوون الولد ينهبل ههههههههه

تروكي جايكم ع السيكل بيخطب النونه بسس شنوو اسمها


مراوي انا وزوجي ودي نروح البحرين هالاسبوع المشكله جوازي منتهي وعندي بطاقة احوال اقدر اروح ولازم جواز ماتنفع البطاقه

ههههههههههههههههههه فديته تروكي بعيوننا .. لو ما شالته ارض البحرين نشيله بعيوننا .. اسم العروسه شيخه ان شاء الله ..*

اي اتوقع تقدرين تجين بالبطاقه .. مدري شلون نظامكم بالسعوديه بس احنا عندنا نظام البوابه الالكترونيه نقدر نسافر بالبطاقه الذكيه اللي هي الشخصيه ..*
بتنور البحرين والله يالغلا وتعالي وانا اعلمج وين تروحين تجهزين لتروووكي .. بس خوفي يشوف بنات البحرين وينسى بنتي ههههههه

[Marawy]

بنوتة القمر .. عليه بالعافيه النونو الاغراض .. ومن جد حلو تجهيز النونو .. اكثر شي حبيته بالحمل واستمتعت فيه هو التجهيز وحركة النونو ههههههه بسسسس..*


مشاعل ..
تسلمين ياقلبي ربي يعافيج فديتج .. من ذوقج ..*