حبيباتى سيدات ليبيا تفضلو لأعرف ما حالكم

[أثري في مدادي]

نصيحة من الشيخ الفوزان حفضه الله للمرأة المسلمة بخصوص شهر رمضان

المرأة المسلمة الآن تقضي رمضان ما بين السهر أمام التلفاز أو الفيديو أو »الدش« وما بين الأسواق والنوم، بماذا تنصح هذه المسلمة؟.

الجواب: المشروع للمسلم رجلاً كان أو امرأة احترام شهر رمضان، وشغله بالطاعات، وتجنب المعاصي والسيئات في كل وقت وفي رمضان آكد لحرمة الزمان، والسهر لمشاهدة الأفلام والمسلسلات التي تعرض في التلفاز أو الفيديو أو بواسطة الدش أو استماع الملاهي والأغاني كل ذلك محرم ومعصية في رمضان وفي غيره، لكنه في رمضان أشد إثماً. وإذا انضاف إلى هذا السهر المحرم إضاعة الواجبات والنوم في النهار عن أداء الصلوات فهذه معاصٍ أخر، وهكذا المعاصي يجر بعضها بعضًا ويدعو بعضها إلى بعض، نسأل الله العافية. وخروج النساء إلى الأسواق محرم إلا إذا دعت حاجة إلى الخروج، فإنها تخرج بقدر الحاجة بشرط أن تكون متسترة ومحتشمة ومتجنبة للاختلاط بالرجال أو التحدث معهم إلا بقدر الحاجة ومن غير فتنة، وبشرط ألا يطول وقت خروجها بالليل فيسبب لها النوم عن الصلاة في وقتها، أو تضيع بسببه حقًّا من حقوق زوجها أو أولادها. المنتقى من فتاوى الشيخ الفوزان(5/138)

[dr.loly]

السلام عليكم ورحمة الله وبركاته

[أثري في مدادي]

فرصـــــــــــــــــــــــــــــــة عظيمة للتميز والتغير نحو الأفضل

ليكن لك

كل يوم من أيام رمضان المتبقية
عمل تتميزين به

ويتميز به يوم صومك عن يوم فطرك
~~ اتصال تليفوني برحم من الأرحام
~~ رسائل بالنقال فيها تذكرة وعظة فالقلوب متفتحة للخير في هذا الشهر المبارك
~~ إطعام صائم
~~ بر إضافي بوالديك
~~ طاعة إضافية لزوجك
~~ عناية ورفق إضافيين لأبنائك
~~ طول سجود وخشوع في صلاة
~~ تغيير نوع حجابك والتوجه لما هو أولى وأكمل
~~ اصلاح ذات بيـــــــــــــــــــــــــــن
~~ سؤال عن جار
~~ مناصحة أحد المبتليين بالشركيات " ذبح لغير الله ، اعتقاد في بركة الأولياء .....وغير ذلك
~~ تتمتعي وتمتعي غيرك بالعزم على حســـــــــــــ الخلق ــــــــــــــــــــن
~~ أمر بمعروف أو نهي عن منكر في أي مكان
وهذا ما يحضرني الآن

[dr.loly]

كيف حالكن اخواتي الغاليات...
وقتي قعد ضيق بين العيال والحوش والارهاق وقلة النوم مع النهار الطويل... والمطبخ والحوسه
مع اني اندير نا وجارتي بس بجد تعب



اليوم درت الشربة كالعادة...
ومكرونة بالبشاميل و شيش طاووق
وجارتي دارت المحشي والسلطة والكاستردة

[dr.loly]

لان كل مرة مجموعة اتجي تفطر يوميا وفي 2 ديما والحمدلله لان افطار الصائم له اجر كبير
وهالشئ مفرحني
خصيصا يوم لي درتلهم العصبان فرحوا به قال ابوفراس ..

[أثري في مدادي]

ربي يعاونك ويعطيك صحيحتك
أم فروســـــــــــــي

الحق نحتار في اللي يقول
كساد والنهار طويــــــــــــــــــــــــل ؟؟؟

أني جري جري من أول ما نوض ....
علما بأني نستيقظ مع الساعة العاشرة كأقصى حــــــــــــــــــــــــد

ندير دورتي في الحوش
ونحاول نقعمز نراجع حفظي مع الساعة 12
لأن عندي تسميع دوري
مع الساعة واحد ونصف

وبعدين ،،،، مرات ناخذ غفوة نوم
ومرات ما نحصلهاش مع السنافر

ومع العصر نخـــــــــــــــــــــــــش
المطبخ

لكن نكمل بكــــــــــــــري لأن برنامج حاجتين مع الشربة ومرات حاجة كان درت بازين

وبعدين
من حاجة لحاجة
نين يدن المغرب
بعد الفطور شوية والتراويح
ومع 12 باش نتفرغ شوية للنت
وتوا حاسة بتأنيب ضمير لأني
ماكملتش
مراجعتي
وغدوة نقعد نادمة وناكل في روحي
ونتوتر مع وليدي الغالي
فلهـــــــــــــــــــــذا
نستأذنكم توااااااااااا
باش نثبت شوية قبل ما نرقد

[أثري في مدادي]

السلام عليكم ورحمة الله

[جوهرة ليبيا]

السلام عليكم ورحمه الله وبركاته

[جوهرة ليبيا]

صحه فطوركم جميعا وربي يعاونكم ياااااارب


كيف حالكم كلكم

جنوده مشكوره عالكيك ياعسل

سوسو وام فراس واوشي ربي يعاون

امول قاعده معرفتيش جنس النونو وربي يتمم علي خير

علي فكره قبضه كف من تسميتي يقولولها بنطاج

هي بطاطا مقليه شرائح بسمك متوسط ومحشيه باصبع دجاج مقلي وباذنجان وشريحه فلفل حلو تلف وتغمس في دقيق دحي وخبزه وتقلي طبعا هي دسميه بحكم انها كلللللللها مقليه



تعرفي اثري الحمد لله كل شئ انحاول منقصرش فيه

لكن راجلي مقصره هالايام معاه ونحاول قدر الامكان انشد اعصابي معاه ومانقول الا الكلمه الحلوه


بس هو ربي يهديه كسول في حركته هلبا

وديما ننصح فيه وانحاول انخليه نشيط طبعا اوقات دون اوقات كسول الا لما انقوله عاوني حتي شوي


خصوصا ضغط هالايام بين حوشي وبنتي وحمل وتعب وصيام وطاعات وحوش بوي

ياااااااااااارب اشفي بوي وتاج راسي الغالي

والله لاعاد يبي ياخد دواء ولا شئ يقول الشافي الله بس

وعلي قد منقنعوه ابداااااااا وتقدروا اتقولوا مايخدش الا مني بحكم صغيره بوي ودلوعته

حتي الابره مفكره غدوه انا نضربها مع اني قليبي والله مايتحمل

لكن علي خاطر صحه الغالي نتحدي الخوف

وامي قستلها الضغط كالعاده هبوط 100عا50

رافعه معاي بيتزا خليتها تاكل منها بسيف علي خاطر فيها زيتون وجبنه مالحه


وبوي مرتفع شوي


وقست سكره شوي هبوط

طبعا هالحاجات ماكنتش نعرفها لكن كيف مالوقت ايجيك بتجيه


تعرفوا هالايام انحس بكلامي زي العزايز حتي راجلي قالي ههههه انا في القرآن وقفت في سوره الزمر

ان شاء الله نختمه مرتين الحمد لله مع اني كنت تلاته اواربعه مرات

اثري اضن التسجيل في الامتحان بدا والله اعلم

اختي السنه هادي بتخش في القرآن كامل ربي يوفقها واخده شهاده في النص بس زيني

وخواتي الزوز التانيات الحمد لله كامل وامتياز

انا والله ظلموني جيد جدا مع اني سواء في الشفوي والتحريري الشيخ يقول ماشاء الله امتياز

الحمد لله ربي يقدرنا نعملوا بيه ونثبتوه هادي هي الشهاده عند ربي


واختي مسكينه مع مرضت بوي لاعاد راجعت لا شئ يالله اتصلي بيه والحمد لله علي كل حال

[sosolibya]

بناااااااااااات توا الساعة 4 وخمسة وانا نتسحر وانت شنوووووووووووو


حماتى دزت مهلبية يمممممم