ديوانية حوامل البحرين

[بنت الأياويد]

اي يحليلاتها ربي يعطيها العافيه ، ذوقي الشعيريه واذا زينة علمينا الطريقة خل نجرب انا مطرشين لي ايميل كله حلويات وفيهم جلكسي قلت بجرب بسوي يوم الي بروح بيت امي لان ريلي مايحب حلويات ومادري شنو عطيه العيوش وهالسوالف يحب قلت له مابطبخ كله عيش نبي نغير لاعت جبدنا الواحد يتملل من الروتين في رمضان

[أم حماني]

ههههههههههههه شكله ريلج مال اول يحب العيوش ويضرب بالخمس .. انا ريلي كله يبي يسوي رجيم ويضعف روحه على انه مب متين والله بس يبي يرجع معضل وبطنه قطع نفس قبل خخخخ
انزين مايحب الموالح ؟؟ نفس البشمل والمكرونة والخلطات الي جذي

[بنت الأياويد]

ماجربت بس قلت له اليوم ودني اشتري بايركس واشيا ناقصة بسوي داخل الفرن مابي كل يوم عيش، انا ريلي معصقل بس فيه طول معنه ماشاء الله ياكل بس مادري وين يندعس الاكل هههههههههه، بسوي له شي يشبعه نفس البشميل تعرفين طريقتها؟ وبسوي له شوربة وثريد

[أم حماني]

ماقلتي معزومة اليوم ؟؟؟ ماعرف اسوي البشمل يختج ... لاتغترين فيني ترى انا مب لي هناك في الطباااخ بس اذا امشي ع وصفه تضبط معاي

[أم زهـور]

سلام عليكم شخباركم كلكم ؟؟

بنت الأياويد انا احسن منج ومنكم كلكم ههههههه انتي مهلتي 5 شهور وتالي حملتي
أنا مهلت 9 شهوووور هههههههه بس بصراحة كنت احاتي وايد

أم يسااااااااف خلاص ولادة يعني ان شاء الله
شفتين الله استجاب دعوتي لمن قلت ان شاء الله باجر تولدين ههههههههه
الله يسهل عليج ان شاء الله ويقومج بالسلامة انتي والبيبي

[أم حماني]

وعليكم السلااااام ... هلا ام زهور ... انا زعلت من اهلي اول ماحملت قلت لهم انتوا ماعلمتوني شي انا اش دراني بيصير حمل من اول شي وانا تزوجت وقت عز الاخصاب عندي .. الحمدلله على النعمه ... ناس تدور مب لاقيه

[أم زهـور]

الحمدلله على النعمة ،، وربي يرزق كل محروم ومحروومة بحق هالشهر الفضيل ..

[شمس الصباح]

السلام عليكم شخبار الجمع الحلو

امس كتبت رد طووووويل وبعدين تخلص البطارية الاب توب من غير ما احس ويبند

[أم حماني]

ابي ارويكم البطاقه الي سويتها حق توزيعات حماني .. احسها عاديه ومب حلوة .... عطوني افكاركم ... اوكي؟

[بنت الأياويد]

اي ام حماني ام ريلي اليوم عازمتنه على الفطور ، انا مسوية من قبل بشميل بس بطلع الطريقة من النت او بسوي شي بسيط ، لا يا ام زهور الله يهديج من قالج مهلت خمس شهور حملت من اول شي لان دخلت على غسله