تجمع ما بعد الولادة

[ملكني بطيب قلبه]

اذا حااسه بنقزات وكان شي يقرص معناتها الخيوط بدت تطيح والجرح بدأ يلتأم

بس انتبهي لو كان الم شديد لا يكون عندك التهاب

حاولي تتحسسي محل الخيوط وانتي تعرفي لو بدأت تطيح اولا واستعملي مرهم ميبو وبيخف الالم وتشطفي بماء وملح

انا كل مره الخيوط تطيح بعد 13 يوم وهالمره طولت طاحت بعد شهر

[*الجوري*]

بنات انا احس الم من جهه وحده بعد شفره على جنب في شي بارز صغير اهو الي يالمني حتى ماعرف اجلس وخااايفه مره اليوم توني اشوفه بالمرايا بليزز بنات طمنوني وش اسووي ؟؟

[دلوعة فوفو حبيبي]

السلام ابشركم ولدت وجبت ولد
يوم الاربعاء
والله يسهل على الباقي

[حلوشه]

الف مبروووووك دلوعة والحمد لله على سلامتك ياقلبي

عقبالنا ان شاء الله.

[الشامخة53]

مساكم ورد..................
انا اليوم باخبركم بمسلسل ولادتي
وابي منكم تدعون لولدي الله يحفظة تعب علي ونوموة بالحضانة
واستوت لي تعب جسدي ونفسي الحمدلله على كل حال
المهم...............
بعد يومين من الشهر 9 صحيت الصباح وكنت ميته ابي الحماااااااااام ولما دخلت كانت صدمة لي سيل ماء دافئ وقطع دم صغيرة تنزل وانتم بكرامة واستمرت الموية بشكل فضيع الساعة 7 الصباح طبعا عرفت انها ولادة بس ماكان فيه الم واجلس اصبر حتى الساعة 10 الا الوضع مثل ماهو لاموية توقفت ولا جاني الم قمت صحيت زوجي وانطلقنا عالمستشفى وكشف وقرف ويطلع الرحم مفتوح 1 ويعطوني ابرة عشان رئة البيبي واجلس بعدها الين الساعة 4وكل شوي كشف الله يقرفهم ويطلع الرحم مفتوح3وبعدها جلست الين الساعة 7 وطبعا بدون الم تخيلو وتجي الدكتورة الله لايسامحها وتكشف علي وبغيت امووووووووت منها بكل قوة وبعنف شديد وتلقاه 2 عاد هنا قمة التحطيم وقالت خلاص بنعطيك طلق صناعي طالما البيبي كويس واعطوني ابرة بالمغذي ويجي الم بس الرحم مافتح ابدا واجلس الين الساعة 12وهم كل شوي كشف وانا بس ابكي خلاص تعبت تعبت بمعنى الكلمة
جيعانة والكشف قتلني الم ومنعو الجوال معاي وبس قدامي جهاز التخطيط وفي اللحظة الاخيرة تجي الممرضة وتشوف التخطيط وتصارخ يادكتورة بيبي نبضات قلب بيبي تقل
لااله الا الله بكيت ودعيت الله انه لايضيع لي تعب وجلسو يصارخون ويستدعون الاستشاري ويجهزوني للعمليه اللي سبحان الله ماتخيلت اني اولد قيصري بس الحمدلله على كل حال
وفعلا ارسلت لزوجي ولاهلي خبرتهم اني داخلة عملية واستودعت الله نفسي وجنيني ودخلت الغرفة وتم التخدير كامل وتمت الجراحة وفقت بعدها بالسلامة وجلست بالمستشفى 5 ايام وخرجت للبيت
انا وولدي لكن تعب علي ولدي الله يحفظة ويشفية بالعافية فتركوة عندهم بالحضانة.............

اللي ابي اقلك عليه من خلال تجربتي......
اذا نزل عليك مويه روحي ع طول .....
اذا ربي كتب لك ولادة حاولي ترضعي البيبي قد ماتقدري>>>>انا كنت تعبانة ماشفت ولدي الا بعد3ايام وحاولت ارضعة ورفض تماما
تضايقت من بعض الاخوات اللي قابلتهم بالمستشفى تخيلو والدات قيصري وريحة العود تفوووووووووووووووووح منهم والله ياوحدة اني اشم عطرها من اول الممر طيب ليش ؟؟؟؟
تأذي غيرها؟؟؟ والسبب يقولون عشان الشمم!!



هذي تجربتي وانا في انتظار تجاربكم ولاتنسوني من دعواتكم

[لمياء]

المشاركة الأصلية كتبت بواسطة دلوعة فوفو حبيبي

السلام ابشركم ولدت وجبت ولد
يوم الاربعاء
والله يسهل على الباقي

الف مبروك دلوعه والحمد لله على سلامتك

الله يخلي لك ولدك ويخليك له يارب

وش سويتي لين انفتح الرحم ..؟؟

لاني مفتوح الرحم عندي 2 سم

وابي شي يفتح الرحم عندي بسرعه

[الاميره المغروره]

وينكم الليله؟

[لمياء]

الشامخه

الله يقوم ولدك بالسلامه ويشفيه يارب

والحمد لله على سلامتك

ويسعدنا انك مانسيتينا ..ورجعتي لنا تعطينا اخبارك

انتي الوحيده اللي حكيتي لنا قصة ولادتك

وعقبال مااحكي لكم انا ..............

وصلت حدي ملل .....ابي اولد وارتاح من التوتر

كابوس الولاده ..قدام عيني ...صرت ارتاع من اتذكر الولاده

[لمياء]

هلا فيك اميره

كيفك ...؟

ماادري وين البنات

ياربي يكون سهل عليهم وولدوا

[الاميره المغروره]

اي والله لمياء عشان انه الرحم مفتوح اح اني ابي اولد زهقت