دردشة حوامل القطيف- تجمع بنات القطيف

[Momy]

مرحبا أمهات ..

عندي استشاره صغنونه بس لان ماعندي خوات ولاأحد اسأله قلت اسأل اصحاب الخبره يعني

اني مو حامل ,, وباقي على دورتي
اما الاربعاء واحياناً تتقدم يومين يعني الاثنين هذا الاسبوع
أمس يوم الجمعه الفجر دخلت الحمام ومسحت لقيت دم أحمر ,, وتفاااااجئت قلت يمكن الدوره تقدمت بس بعدها ماشفت شي
واني الدوره لما تنزل اعرفها تعمل عمااايل من الم واستفراغ وانتوا بكرامه يعني << بس للحين ماعندي هالاعراض

وأحس بألم دوره يروح ويجي بس الدم وقف من بعد ديك تشونة الدم ولا في أثر

فحابه استشيركم .. ممكن يكون حمل ؟
في أحد صار له مثل حالتي ؟؟

تحياتي

[ام سيد علي]

حبيبتي اني الي اعرفه ينزل دم حق انغراس البويضه في الرحم

بس طبعنا الدم مايكون واااايد خيتوه

وان شاء الله ماتنزل وتكوني حامل وياررررررررررب

والله يرزقك كل الي في قلبك ياررررررررررررب

[Momy]

تسلمي غناتي .. لا مانزل واجد بس وقتها مسحت وكان اللون واضح دم أحمر ولما مسحت مره ثانيه كان خفيف مره ووقف

الله يسمع منش غناتي

[أحلام أم]

صبااااح الخير والأنوار
الله يسلمكم أم كرار وأم حسين الدار وأم خليل وصعب تنساني ربي يتمم حملكم وتولدوون بالسلامة
أم خليل
ربي يسمع منش يالغالية ويعطوني هاني هالإسبوع ،لأنهم مخليينه على علاج مضاد في الحاضنه وفي البداية أكسجيين وأعطوني إنه إحتمال يكوون مدة العلاج إسبوع وبيشوفون تحسن حالته وياارب خير ونطلعه بالسلامة
تصدقيين أني بس أسأل عنه بالتلفوون أتصل بالجناح ،لأنه تدريين الضروف ربي ييسر أمورنه وأمورنه
دعواتش ودعوات الأهل
أم حسين الدار
صلي على النبي ،بسش وسواس مادام الجنين يتحرك ليش توسوسين هدأي وإقرأي دايما آية الكرسي وطلعي صدقة وياارب تطمنينه وأهم شي إنتين تطمنين والغازات معاناة في الحمل إستحمليها
أشوفكم على خير

[أحلام أم]

أم خليل
مبرووك ولادة زوجة أخوش (أبو فاطمة )وقدووم المولودة (كوثر ) جعلها الله من مواليد السعادة

[شمس الصباح]

المشاركة الأصلية كتبت بواسطة أحلام أم

السلااام عليكم حبيباتي كلكم وحشتوني وإشتقت ليكم
أسفه لأني خليتكم تحاتوني وشغلت بالكم عليي ،أشكركم من أعماق قلبي ومن كل جوارحي أنتون أكثر من أخواتي والله كل وحده ليها معزه عندي أشكر أرواحكم الجميله أشكر دعواتكم المقبولة إنشاء الله أشكر أياديكم اللتي حررت على هذه الصفحات كل الأسأله والدعوات لي ولحبيبي الصغير (هاني)
اليوم رخصوني من المستشفى بس صغيري مازال في الحاضنة في المستشفى ،صعب الأم تولد وترجع البيت ويضل صغيرها في الحاضنه ،الحمدلله الله كريم (دعواتكم لصغيري بالصحة والعافية والشفاء وإنه يرجع لأحضاني بالسلامة )
تعبت واااايد وقاسيت واايد وولادتي به بطلق صناعي وعذاب توسيع لعنق الرحم وأبر محفزة من بعد ماتم نقلي بالإسعاف من جدحفص للسلمانية وبقائي يوم كامل تحت الملاحظة والماء ينفذ مني
تمنيت أرقد في المستشفى أيام إضافية لاكن من غير المسموح بمدة أطول للأم
رجعت البيت وقلبي بقى هناك وياه وروحي معاه تدعي له في كل لحظة
إنتون بعد لاتنسونه من بالدعاء

أحاول أدخل مرة ثانية لأني تعباانه حدي أشوفكم على خير

احلام ام ما عليش شر وان شاء الله هاني يرجع لحضنش قريبا والله العظيم واني اقراء كلماتش طاحت الدمعة على خدي بس خلي قلبش قوي انتين اللي تصبريني اذا جيت اشتكي وافتح قلبي ليكم خلش قويه وان شاء الله يتصلون ليش بحق فاطمة الزهراء سيده نساء العالمي وما باقي ايام وتجي ذكرها هي ام وانتي ام توسلي ابها ربي يطمئن بالش ويطمئني بعد على ملاك يا رب يا قادر يا كريم


ام السادة ما شاء الله تبارك الرحمان على السيد الصغير ان شاء الله تشوفينه معرس ويكون ليش نعم الولد البار

طف طووووووف واخيرا طلعت المنخشه وشفنها ...الله عطاش شكل بنتش تقريبا مثل الصور الرمزيه اللي كنت حاطتنه ربي يحفظها ليش ويرزقش بأخ اليها

[شمس الصباح]

رحت اشوف الصفحات

فلونة اول شي ما عليها شر بنتش والشي الثاني في اي صفحة صورة بنتش ما شفتها هئ هئ شكلي مو في دنيا اني

صعب تنساني مشكورة حبيبتي على السؤال والله المفروض اروح بكرة او بعده المركز علشان الدم لملاك بس للحين ما ادري اشلون اروح لان ملاك لازم احد يجودها واني اسوق واولادي في المدرسة الحين زوجي قاعد يقترح اخذ شغاله عمتى معاي بس بعد ورطة لاني لازم اسوق الي بيت عمي وملاك في يدي والرجعة نفس الشي واني عمري ما سويتها وفوق هذا قاعده احاتي وايد تعبت واااااااايد بيصير عمر ملاك ثلاث شهور واني من شي الي شي بس الحمد لله حالي بعد افضل من ناس وايد وكله هذا امتحان من ربي العالمين

ام خليل قلت بدخل يمكن اسمع خبر ولادتش بس شكل ولدش ما بيطلع الا بموعده الله يسهل عليش وعلى جميع البناااااات

باقي البناااااااااااات شلونكم ربي يتمم عليكم يا رب

[دلوعة ولد عمها]

الحمدلله بخير
شموسة كيفك وكيف ملوكة؟؟
وأخبار البنات الباقي ؟
بسألكم

ولدي عمرة سنتين و3شهور تقريبا
مجنني على الحمام وأنتو بكرامة
موراضي يتعلم مع العلم بدأت معاة من محرم

تخيلو يرفع رجايلة اذا جيت أحملة موراضي يدخل الحمام
أني المفروض أعلمة قبل بس هو الله يهدية موراضي يتعلم
والحل؟؟

وسؤالي بعد هو يقول بعد الكلمات مفهمومة أشوي ويهدر بكلمات غير مفهومة كثير

هل عادي طبيعي لسنة؟؟

مع أنة أحاتي بس الكل قال لي طبيعي والبعض مايتكلم عدل الاعلى السن 3 سنوات

[رينآد]

مرحبآ للجميع
جدآ سعيده آني لقيت تجمع للقطيف
كنت من زمآن آنتظر هذآ تجمع بس للأسف
آولي لآقيتنه .. على آلعموم رآح اتوآصل معآكم ب اذن الله
ورآح آكون آخت لكم وآتمنى تتقبلوني ومآتلقون الآ مني الآ آلخير
..
انآ حآمل بشهر سآبع ’ عقب بكره بدخل ثآمن آن ششآء الله
ويقولوآ دكتورتين آني حآمل ببنت ’ يآرب مآيكونوآ غلطآنين
لآن جهزت اغرآض البيبي بنوته ^^
وبآقي كم اشيآء اشتريهآ ~
ومتحمسه آن تمشي الايآم بسسرعه وآولد
ودي آدخل تآسع بس يومين وآولد هه
ويآرب ييسر لكم ويسسسهل عليكم ولآدتكم يآ الله
وشكلكم مقبلين على الولآده ولآ انآ غلطآنه ؟

[شمس الصباح]

دلوعة لا تخافين عادي اني بولدي دبحني لين تعلم يروم الحمام كنت اجلس معاه اكثر من نصف ساعه واني اقول اليه اسسسسسسسسسسسسسسس سو اسسسسسسسس لين يجي ابوه يقول اطلعي انتي بولدش من الحمام ابغي ادخل خخخخخخخخ كان نفسي ينقطع وهو ولا على باله حتى نقطة بول وانتي بكرامة ما في كنت اشجعه كل مرة يدخل الحمام اعطيه هديه عبارة عن حلاوه يحبها موووووووت وما اعطيه الحلاوه الا اذا دخل الحمام وبعد جهد وتعب تعلم عكس اخوه الأكبر تعلم بسرعة

بخصووص الكلام عادي عمر الطفل سنه يكون توه يتعلم وسنتين تكون عنده كلامات اكثر وبعد الثلاث راح تشوفين كلاماته متناغمة ويسولف ويسئل واني صار لي نفس الشي مع ولدي قام الكل يقولون لي ان ولدي ماااااااااا يعرف يتكلم يتلعثم وظليت احاااااتي كل ما اسمع كلام الناس واتعب كانت اختى تصبرني تقول خليه يكبر شوي وبتشوفين اشلون بيكون عنده طلاقه في الكلام وصح صدق كلامها الحين بسم الله عليه يركز على الصغيرة قبل الكبيرة ويسولف سوالف كبااااار ولو تلاحظين مشاركاتي كنت اشتكي الي البنات اهني منه ومن ملاحظة وتعليقاته ربي يحفظة فلا تحاتين الله يخليه لج ويحفظة