دردشة حوامل القطيف- تجمع بنات القطيف

『~ṂǻŖỵąђْْْ』 · 09-11-2011, 08:49 AM

ايه والله اني استغربت بقوووه
قلت اسالكم لان مادخل مزاجي الموضوع خخخ
!!!

الهاجس · 09-11-2011, 08:52 AM

اقتباس:

المشاركة الأصلية كتبت بواسطة ليلى محمد

الهاجس
هلا وغلا خيووووو لاتقطعي عشان ماننساش ههههه
ويش مسويه وي الحمل ؟؟؟

هلا فيش دكتورتنا..

وان شاء الله ماانقطع عنكم دام السالفه فيها نسيان هههههه..

والحمل الحمد لله تمام..ماعدا سالفة الحديد والهيموجلوبين اللي بيجننوني كله نازلين..

وسويت لي اول موعد في بروكير بعد اسبوعين مع الدكتوره رنا..وان شاء الله خير

ميرندا فرولا · 09-11-2011, 09:02 AM

دلوعته .. اهم انتي وزوجك عاجبنه الاسم
ماعليك من احد ..

وتسلمي ع معلومات اللي حطيتيها
بس يمكن يقصدو لما يدمنو ع استخدام الشي
لان بعضهم يتوحمو ع كلوركس و منظفات مدري كيف
وانا اقرا المعلومات وخايفه عطري وياهم بس الحمدالله ماشفته خخ
يعني مثبت الشعر بعد مو زين ؟؟

حبيبة علاوي , ودي اسمع كلمة ماما , عروس شعبان , اورنيت , نجمة الشرق هلا فيكم حوامل .. الله يتمم لكم ع خير ويثبت حملكم .. اذا حابين تشاركو ويانا
دخلو كل يوم عشان نتعرف عليكم .. واللي بداوم معانا ع طول
تضيف اسمها بالجدول .. والله يقومكم بالسلامه مع البيبيات

ماري .. بكرا بيتحرك شريطك لرابع ..
وعادي نخزات البطن لان البطن يتمدد الحين
واهم شي ادويتك ماتخليها
والله يديم عليك الوناسه
ان شاء الله كل مواعيدك تروحيها وانتي مطمنه
ويتمم عليك وتولدي بالسلامه

فهوم .. الله يسلمك غناتي ,, ان شاء الله بدفع صدقه ..
وكلكم شتهيتو برتقال هههههه
الحين سويت لي عصير برتقال مع فطوري
لما طلعت يوم الجمعه شتهيت فلافل من التنور
كنت طالبه لي شاورما بس ماخدت فلافل عشان الحديد ناقص عندي

يحسر حتى اللوبه سويته حق يومين واكلت بس داك يوم كم ملعقه
ومتحسره عليه للحين <-- بالثلاجه محطوط

وهالمستشفى كل مره تروحي دكتوره جديده هههههه
وليش مايخلو زوجك يدخل السونار يقهرو
لو انا جت اخدت مكاني كان ماقدرت اتحمل اقعد
اخاف ع حظي يفتحو باب وتدخل .. كان رحت اليها وقلت اليها دوري الحين

ياربي ذكرتيني يوم كنت عند حمام بمجمع الظهران استنى دوري
وعيله وحده ورا وحده يدخلو ونا واقفه استنا يخلص العدد ومقهوره وساكته
ماسكه حالي عشان البيبي مابعصب وتهاوش هههههه
وش التحليل الي بتسويه وش هذا المحلول البرتقالي ؟؟
تحاليل سكر ؟ لان قالت لي شهر الجاي بتسوي لي تحليل سكر
ولا ادري اروح صايمه ولا فاطره ..

وليش ليمونه وش دخلها بالحالي وهي حامضه

الله يديم الوناسه عليك فهيمه وتولدي بالسلامه

ليول .. الله يتمم لك ع خير يارب وتولدي بالسلامه
والله يعينك الحين ع تعليم ولادك ومتابعتهم
وقعدة الصباح كل يوم ,, خلااص سويت لي عصير
وغسلت المكينه هههههه

نظرتي ,, الله يرحمه ويصبرها .

miss sweet · 09-11-2011, 09:07 AM

اني رجايلي بيتقطعو من الالم وخصوصا من يجيهم المكيف

ميرندا فرولا · 09-11-2011, 09:32 AM

اقتباس:

المشاركة الأصلية كتبت بواسطة وسناء

أخيتي ميرندا,,الله يسهلل عليك بوقتك يااااارب
ممكن بس طلب (أبي الوصفة الي قلتي عنها للأخت جنى..؟
لان اليوم أغتسل من الدورة يمكن أستفيد عليها وأكون شاكرة لك ..يارب تكون أخر دورة أشوفها هالسنة يااارب..

ولايهمك خيتو .. الله يكتب لك ان شاء الله الحمل ..
اول روحي المستشفى عند دكتوره شاطره وكشفي ع تبويض
اذا دورتك منتظمه روحي يوم 12 من الدوره او 13
وسوي تحاليل مثل هرمون الحليب
دكتورات .. مثل منى القيسي بمسوصف الذكير بالدمام ..
ودكتوره اشجان بمستوصف الروضه ..
مهتاب بمستشفى تداوي ..
اذا كل شي تمام ان شاء الله
بأول 3 ايام من الدوره روحي امرخي عند وحده شاطره ومعروفه..
بنفس الفتره اول 3 ايام من الدوره .. اخدي رشاد مع تمر ..
ملعقه صغيره رشاد = ربع ملعقه كبيره .. بـ 3 تمرات تعجنيه بإيدك
وتاكليه ع الريق وتشربي عليه ماي بأول 3 ايام من الدوره بس ..
الرشاد ( حباته مثل السمسم ) = يقوي التبويض .

بعد ماتغتسلي من الدوره ..
اشربي بردقوش ( عشبه خضرا تاخديها من العطار) مرتين باليوم ..
هذة العشبه تمام بكل شي بس ماتصلح للي معاه ( انخفاض بضغط الدم و تنحف ) ..
طريقتها : تجيبي كاس تحطي فيه ملعقة بردقوش وتصبي فوقها ماي مغلي وتغطي الكاس لمدة ربع ساعه بقصدير عشان لاتطير الاشياء المفيده اللي فيها .. بعد ربع ساعه صفي الماي من العشبه
وحليه بعسل طبيعي احسن .. واذا ماعندك سكر عادي ..
وشربيه كاس الصباح وكاس الليل بالعافيه وقبل ماتشربيه
قولي بسم الله الذي لا يضر مع إسمه شيء في الأرض ولا في السماء وهو السميع العليم.. ودعي ربك بالذريه الصالحه وشربيه بالعافيه ..
اذا دورتك مو منتظمه اشربيه لحد 28 يوم وقفي عنه..
اذا دورتك منتظمه كل 28 يوم تجي .. اشربيه ليوم التبويض
14 من الدوره وقفي عنه ..
البردقوش = ينظم الهرمونات الخاصه بالحمل + ينظم الدوره
يخليها تجي بالضبط كل 28 يوم ماتتأخر ولا تنقص يوم .
وموصي فيه النبي عليه افضل الصلاة والسلام
( بعد ماتغتسلي من الدوره لاتشربيه وقت الدوره )

وداومي ع الاسغفار .. وقراءة سورة البقره ..
ويوم اللي يحصل فيه جماع يوم التبويض .. سمو بالله و اذكري الله واجد بنفس الوقت وقري الفاتحه والمعوذات وصلي ع النبي ومسحي ع بطنك عشان تبعدي الشياطين عنك ودعي ربك بنفس اللحظه ان يرزقك بهذا الشهر يارب
وانسدحي ع ظهرك وحطي مخده تحت الورك رفعي رجولك شوي ..
وقعدي ساعه ع السرير بعدها غتسلي ..

ان شاء الله تحملي هالشهر وكل متمنيه الحمل الله يعطيها
ويتمم علينا ان شاء الله 9 شهور ونولد بالسلامه

ميرندا فرولا · 09-11-2011, 10:04 AM

لمسة الامومه .. سولفي حياك الله ..
ليش ماتتابعي ويانا بالدردشه يوميا
ع الاقل يطير الملل اللي عندك ويمشي اليوم اسرع

هاجس .. صباح النور ,, اخبارك وكيف البيبي
ليش ماتدخلي كل يوم عشان لا حد ينسا احد

ليلى .. وش سوي اخده غصبن عني .. لما يجيني صداع
عندي صداع نصفي
من وحده كبيره ضربتني ع راسي ع غفله بإبتدائي عمري 10 سنين بمطاره ماي ثلج ونا ما ادري
انكسرت ع راسي .. حسبي الله عليها
ومن يومها صار يجيني صداع نصفي
يعورني راسي من جهة وحده اليسار مع عيوني ..
اول مايبدا خفيف وكل مايجيه يزيد لحد مانفجر راسي
حتى لو نمت وهو خفيف يزيد ونا نايمه وقعد من عز نومي بسبته
امم حتى لو 24 ساعه مايوقف لحد ماخد بندوله
يعني اصير زي المدمنين الي تشوفيهم بالتي في
اذا ماخدو حشيش حقهم يادافع البلا بالضبط
مايروح الا ببندوله ..
و اخدت بندوله ساعه 4 الفجر ولسى للحين ماراح الحين صاير خفيف
ومضايقني وابغى اشرب بندوله ثانيه بس افكر مدري
امم ولما رحت المستشفى بروكير سألت دكتوره رنا عشان بندول
وقلت اليها اخد بالشهر يمكن 7 حبات قالت لي مايخالف ومايضر
المهم يكون الابيض 250 جرام ..
ان شاء الله مايضر ويجي البيبي بالسلامه سليم ومعافى يارب

ماري .. اممم سألت الدكتوره عنه وقالت لي عادي اخده
بندول الابيض .. قالت مايضر امم والله انا اخده ونا خايفه
بس وش سوي ماقدر لازم اخده
اممم اي زبدة الكاكو مكتوب بالنشره حقتها نفس هالكلام
تستخدميه اول بمنطقه صغيره واذا ماخالف تستخدمي بكل مناطق اللي تتمدد و سكر النبات غريبه هو لما نحطه بشاي بالموت يذوب لو مانعافس فيه
وشاي حار بعد مدري كيف يحطوه هم .. والله بالنت تلاقي كل شي
مافي شي اللي كاتبين عنه تدخليه داخل اعشاب وخرابيط وعسل وروب خخ
مدري كيف يطمن قلبهم ..
الله يعطي كل متمنيه ويتمم علينا بالصحه والعافيه

ميرندا فرولا · 09-11-2011, 10:34 AM

هموسه ..
اهم شي هذة الهبله ماتحط دوبها دوبكم ..
وذاكري اول بإول وجمعي لك درجات من الحين
بالترم الاول
عشان بعدين بتولدي ان شاء الله بالسلامه
وبصير عليك ازحم من الحين ..
بس كيف الحين اذا ولدتي وقت الاختبارات ؟
اممم يلا الله يهون عليكم والله يعينك ويوفقك
والتقلصات كيف اللي تقصديها ..
اذا نفس وصف فهومه كذا احس بعد ساعات
ولما دخل الحمام احس بألم كأن شي يحرقني من تحت مرره
بس امم اجيب غرشة ماي بارده وحط قاعة الغرشه
ع مكانه نفسها و يروح ماشفت الا هالطريقه يروح فيها
انتي تستخدمي عربي او فرنجي الحماام ؟

يارحمة الله .. الله يعطيك يارب الذريه الصالحه ..
وماتخلص السنه الجايه الا الضنا بحضنك ,,

جنو وفهوم .. انا اتشرف من نافده اشوف الباصات تروح وتجي تحسرت بعد
بس مو ع المدرسه اقول الحين لو اشتغل وناسه ..
بس بعدين رجلي قال من اول ماتقومي من السرير الا اذا صار سواق ع باب
يدقق هرنات كيف الحين هههههه
قلت خلااص بعدين صحيح تعبه
وين رحتي فهووووووووووم صباح الخير وختفيتي ؟؟؟؟؟؟؟؟؟

ماري .. ضحكتيني خخخخ وهم يجو يقولو لك انه حق حوامل
لان هناك اتوقع يتزوجو فوق 35 اشوف الممثلات
يعني مايصدقو قدك حامل واشكالنا بعد صغيره مو زيهم
من متوسط وهم كبار واجسامهم كبيره وطوال

ام نور _ سويت / ان شاء الله ع السادس تبين دبتكم
ع قولة مرت اخوي خفيفه احسن ..
امم سويت سلامتك .. مدري وش اقولك
بس لما عورتني رجولي شربت عصير برتقال وحديد واكلت سبانخ <- من العيد
وارتحت ع السرير وتغطيت بعدين راحت الله لا يرد هالشي مره ثانيه
الله يعطينا الصحه والعافيه ونولد بالسلامه ويرزق كل متمنيه الذرية الصالحه

miss sweet · 09-11-2011, 10:56 AM

اييي والله يمرندا غطيتهم عدل ودلبست دلاغات وخففو واااااااااااااااااااااااجد

وداني شربت الحديد والفوليك وانشاء الله خييييير

اني شوفي عباطتي اكلت فلافل واني ويايي جكسبيدي >> بدل ماكحلها عميتها

اتصلت الى رجلي قلت اليه جيب حبوووووووووووووبي خاف قال وش صاير

قلت اليه ماكله فلافل وجابهم وشربت

ام الولد ماترتاح لو ماأجي بيت اهلي كان مارتاح عدل لافي نوم ولا شي

الله يساعدنا والله

مفاهيم الخجل 2 · 09-11-2011, 11:14 AM

اقتباس:

المشاركة الأصلية كتبت بواسطة عروس شعبان 2011

صباح النور
كيفش ؟

هلا الحمد لله بخير غناتي
انتي اخبارك

مفاهيم الخجل 2 · 09-11-2011, 11:16 AM

اقتباس:

المشاركة الأصلية كتبت بواسطة لمسة امومه

شخباركم كروشات
ملانه
وتعبانه
ابغى اسولف
دخلت الثامن واحس كله ملانه ونعسانه

هلا احنا بخير وانتي اخبارك
اني بعد كل زهقانه والمشكله ماحب اطلع الله يعينا ويسهل علينا يااارب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل دولة الجزائر- تجمع بنات الجزائر	رونق الروح	إستفسارات حوامل من الشهر السابع إلى الشهر التاسع	16750	01-02-2012 10:25 PM
دردشة بنات المدينه المنوره - تجمع حوامل بنات المدينه	سماسم	إستفسارات حوامل من الشهر السابع إلى الشهر التاسع	12958	01-02-2012 09:19 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مملكة المغرب - تجمع بنات المغرب	ام صيصة	إستفسارات حوامل من الشهر السابع إلى الشهر التاسع	1534	12-25-2011 09:35 PM
دردشة اهل القطيف والي حواليها اتمنى اثبيث	ام حسين الدار	إستفسارات حوامل من الشهر السابع إلى الشهر التاسع	1162	09-27-2010 11:45 PM