دردشة بنات المدينه المنوره - تجمع حوامل بنات المدينه

ام حذامي · 06-15-2011, 05:53 AM

استغفرالله

ام حذامي · 06-15-2011, 05:54 AM

جيبي قصت ولادتك عالقروب الله يسعدك انتظرك

ارين · 06-15-2011, 05:56 AM

صباح الخير دودي وام حذامي وميش
كيفكم
ميش كيف الصغنون

ام حذامي · 06-15-2011, 06:00 AM

ارين ضحكتيني موتتتتتتتتتتتتتتتتتتتت

ام حذامي · 06-15-2011, 06:08 AM

استغفرالله

Mish · 06-15-2011, 06:12 AM

أرين
صبآح الفل يآ قمر .. أنا كويسة الحمدولله .. و الصغنون يسلم عليكي ..

ام حذامي · 06-15-2011, 06:41 AM

استغفر الله

ام حذامي · 06-15-2011, 06:42 AM

ميش ليش عمليه مو طبيعي ايش صار معاك

Mish · 06-15-2011, 06:48 AM

قصة ولآدتي

ملآحظة : أنصحكم تجيبو فشآر ولآ أي أكل تتسلو فيه لأني أحب أحكي بالتفصيل الممل

يوم الخميس 30 - 6 كونت موآصلة و بأستنى موعد المرآجعة بفآرغ الصبر ، دخلت المونتدى ولقيت أم حذآمي موجودة - الله يسعدك ويوفقك يآرب ويسهلك ولآدتك - و فآولتلي خير وقآلتلي إنتي إنشآلله ولآدتك اليوم .
المهم صحيت زوجي السآعة 8 بعد مآ إتجهزت و روحنآ موستشفى الموآسآة و أنا برآجع فيهآ من بدآية حملي عند الدكتور أيمن عفيفي و معآه الدكتور رآمي ..
جآ دوري عند الدكتور وكالعآدة لآزم يعذبني ويقولي - إنتي لسآ مآ ولدتيش ؟؟ -
قولتلو لآ تبكيني يآ دكتور الله يخليك ، جلس يضحك عليآ و قلي أبغآكي تروحي تعملي سونآر في أشعة الموستشفى الكبيرة .. و روحت و الدكتور بيعملي السونآر قلي إنتي هآ تخوشي ولآدة النهردة ؟؟
رفعت رآسي قولتلو نعم قلي موية الرحم عندك مره قليل لآزم اليوم تخوشي ولآدة و أنا و زوجي عيوننآ سآرت فجبهتنآ لمآ جآت سآعة الجد خوفنآ و إتربشنآ و إحنآ إللي كونآ نستنى متى أولد
المهم أخدت صور السونآر و رجعت للدكتور أيمن و دخلت لقيتو مو موجود لقيت بس الدكتور رآمي .. أنا إنبسطت لأني آخد رآحتي مع رآمي أكتر في الأسئلة و يجآوب عليهآ مو زي أيمن يجآوب على إللي يعجبو بس و ممكن يطنش ولآ كأني بهرج
المهم شآف صور الأشعة سكت و قلي ممكن إزآ سمحتي أعملك كشف عشآن أشوف الرحم مفتوح ولآ لأ .. أنا وقتهآ يووووه إتربشت و إستحيت كخخخخخ قلو زوجي إتفضل يآ دكتور ..
و كشفلي الدكتور و يخرب بيت أم أمو من كشف يعوووووور
زوجي لمآ سمع صوتي بتألم إنفجع جآ يطآلع قآم إنفجع زيآدة لمآ شآف الدكتور أيش بيسوي كخخخخخخخ
بعد الكشف الدكتور قآل الرحم مفتوح 2 سم و موية الرحم مرة قليل 2 سم قولنآلو طيب الطبيعي كم قآل 6 سم أنا قلبي طآح في الأرض فرق والله ..
قلي دحين لآزم تعملي دخول ونعملك تحريض على الطلق قولنآلو أوكي لكن خرجنآ من عندو و طنشتو طيآرة على البيت و إحنآ في الطريق دقيت على مآمآ وقولتلهآ تجيني على البيت عشآن بيتي قريب للموستشفى ..
وقيدو زوجي كلم أمو قلهآ فلمآ وصلنآ لقيتهآ مجهزتلي كف مريم و ورق الزيتون و جوزة الطيب بالفآزلين و الـ 7 حبآت عجوة المقري عليهآ الفآتحة 7 مرآت ..
وشربت دي الأشيآء إلين زوجي نزل الشنطة والأغرآض و هوآ سبقنآ رآح الموستشفى عشآن يعمل موآفقة الشركة حقة التأمين ويحجز الجنآح
وصلنآ أنا و مآمآ الموستشفى قيدو خلص زوجي من كل الأورآق و طلعنآ الجنآح وعلى طول بدأت سلسلة المحآليل إللي مآ إنتهت إلين آخر لحظة ليآ في الموستشفى ..
و وركبولي جهآز تخطيط الجنين و مرآقبة إنقبآضآت الرحم و سحبو مني مدري كم أنبوبة دم و قآلتلي السيستر إنو بدأ تحريض الرحم على الطلق .. أيش هوآ إللي سوآ التحريض الله أعلم
هل هيآ الإبرة ولآ المحلول مآدري والله .. دآ كلو كآن وقت أدآن الضهر .. و قآلت السيستر تقدري تآكلي إلين السآعه 3 وبعدهآ بس تشربي موية و عصيرآت ..
و الحمدولله الدكتور رآمي هوآ إللي تآبع معآيآ من البدآية إلين خرجت من الموستشفى الله يوفقو يآرب .. المهم جلس يتآبع تخطيط البيبي و الإنقبآضآت و قآل الحمدولله كل شي كويس ..
الجهآز يركبوه لمدة نص سآعه .. و جلست أستنى يسير شي إلين السآعه 4 ونص رجعو ركبولي التخطيط إنتبهت إنو نبض البيبي ضعف عن أول مره خوفت ..
جآ الدكتور رآمي و سوآ الكشف المنيل عشآن يشوف إزآ فتح الرحم لقآه زي مآ هوآ .. قلي شوية تجيكي الدكتورة عشآن تعطيكي الطلق الصنآعي ..
جآت الدكتورة غآدة رمزي يآ لطيف وجههآ مو مريح ..
المهم قآلتلي رحمك مو رآضي يتأثر بالتحريض رآح أديكي تحميلة طلق صنآعي و فعلن جآت 5 وحطتلي تحميلتين وقآلت بعد سآعتين المفروض يبدأ الطلق خلآص ..
جآت أم زوجي و تعآلو شوفو منظرهآ هيآ و مآمآ جآلسين جمب بعض يطآلعو فيآ يستنو يبدأ طلق كده ولآ كده لكن سوبحآن الله ولآآآآآ شي ..
قولتلهم كل إللي حآسة فيه إنو ضهري إنكسر من السدحه عشآن الدكتورة قآلت لآزم طول فترة السآعتين مآ تقومي أبدن ..
بعدهآ لمآ قومت الله يكرمكم أروح الحمآم أسمعهم يحشو فيآ كخخخخخ مآمآ تقول لأم زوجي دي وجهة ولآدة ولآ طلق ؟؟ أم زوجي تقولهآ لآ حسيت إننآ في سهره ولمآ خرجت قولتلهم نآقصني فصفص صح كخخخخخ
شوية بدأت معآيآ مغصآت خفييييييييييفة وكل مآجآ مغص إتحمسو ويحسبولي بين كل مغصه والتآنية كم دقيقه .. وكل شوية تجيني سيستر تسألني في ألم بطن ؟؟ أقولهآ إنو مره خفيف ..
المهم إنو إللي جآتني 4 -5 مغصآت وبعدهآ رآحت ..
و جآبلي زوجي عصير أنآنآس عشآن قولتلو إنو يحرر الطلق و شربت لكن لآ حيآة لمن تنآدي ..
على السآعه 8 جآ الدكتور رآمي وخلى السيستر تركبلي جهآز تخطيط البيبي و جلس يرآقب و أسمع صوت البيبي برضو أضعف من أول كمآن .. قلي شوفي محآ أستعجل عليكي رآح أستنى عليكي إلين السآعة 9
نهآية الدوآم وقتهآ رآح أحدد هل أستنى للصبآح يمكن يجيكي طلق ولآ خلآص نسوي العملية .. وجلست أستنى إلين السآعه 10 ونص جآ الدكتور وعملي مرة تآنية تخطيط للبيبي قلي شوفي أنا حتكلم معآكي كأخ
و أقولك بصرآحة إنو البيبي كآن الحمدولله كويس وقلبو عآل العآل لمآ بدأنآ التحريض ضعف قلبو شوية و لمآ بدأنآ الطلق الصنآعي ضعف قلبو زيآدة و سآر في حآلة توتر
أنا عآدتن لمآ تكون الحورمة زيك طلقهآ صعب لكن البيبي سليم وقلبو مآشآلله متحمل أعطيهآ طلق صنآعي مرة تآنية لكن في حآلتك البيبي دحين في وضع خطر ضروري ضروري دحين كمآن مو في الصبآح إنو نعمل عملية
أنا يهمني أكتر شي إنو زي مآ إنتي دخلتي الموستشفى و البيبي بتآعك سليم في بطنك أبغآكي تخرجي من الموستشفى شآيلة البيبي بتآعك سليم في حضنك ..
وقتهآ أنآ حسيت إنو بدأ الجد وسرت أبكي و قولت للدكتور إني وآثقة في قرآرو و نتكل على الله و زوجي قلو أوكي إتكلنآ على الله و نزل معآه عشآن يوقع أورآق التآمين وكده ..
وجو السيسترآت يجهزوني إبر ومحلول و كده ونزلوني العمليآت و جآني دكتور البنج يآ محلآه والله فك عني التوتر إللي كونت فيه أقسم بآلله كونت برجف من الرعب
وقلي تبغي بنج كآمل ولآ نصفي قولتلو بصرآحة كآن نفسي في نصفي عشآن أبغآ أكون صآحية لمآ تخرجو البيبي لكن مآمآ قآلتلي لآ سوي بنج كآمل ..
جلس يضحك قلي مآمآ مش هنآ و أقنعني إني أسوي بنج نصفي أحسن و أأمن و عشآن زي مآ أنآ أبغآ أكون صآحية وقت مآ يخرجو البيبي .. و قولتلو أوكي و فعلن بدأو الهرجة
و ركبولي الأوكسجين ، وربي جبلي القرف دآ الأوكسجين سرت طول الوقت حآسة إني الله يكرمكم أبغآ أستفرغ طفشت أهلهآ السيستر إللي عند رآسي جبت العيد كخخخخخ
و أحلى شي لمآ سمعت صوت البكى ينآآآآآس سرت أبكي و بعد مآ نضفوه جآبولي هوآ عند وجهي .. سوبحآن الله إحسآس لآ يوصف يآ نآس ..
بالزبط ولدت الخميس السآعه 11:45 في الليل ..
و الحمدولله إتدحلسنآ عليهم إنهم يحسبوه إنو إتولد يوم الجمعة عشآن يكون يوم ميلآدو 1 - 7 بدل 30 - 6
وبس

يتهيألي مآ يحتآج أحكيكم عن معآنآة مآبعد العملية لآ أروح أبكي عليكم هههههه

Mish · 06-15-2011, 06:49 AM

يآلله إستمتعو

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ممرخه ممتازه في المدينه المنوره	مااايااا	منتدى علاج العقم و تأخر الحمل	6	12-27-2011 06:11 AM
بنات المدينه ابي خبراتكم ..	بعثرة الوان	منتدى علاج العقم و تأخر الحمل	7	02-14-2011 02:35 AM
عين على طيبه الطيبه (( المدينه المنوره ))	نورا	المـنـتـدى الـعـام	4	02-09-2011 07:06 AM
لاهل المدينه المنوره	نسمة بحر	منتدى السوق التجاري	5	01-23-2011 01:39 AM
يافراشات المدينه المنوره تعالووووو...	فداك عمري يازوجي	منتدى علاج العقم و تأخر الحمل	7	03-21-2010 12:56 AM