دردشة حوامل مصر - دردشة بنات مصر - تجمع حوامل مصر

[dr.princess]

انتى لسه مجبتيش الدواء ولا ايه ؟؟
الدكتورة كتبتلى فيتامينات مكنتش عند جوزى فى الصيدلية وكان عندى فى البيت ماتيرنا جوزى قالى نفسها فأخدتها برده فيها فوليك اسيد ومعادن كتييير بصراحة فيها حاجات كتير كويسة

[MALAK2010]

لا لسة لانى لسة مابداتش الرابع لسة اسبوع

[dr.princess]

انتى عارفة الدكتورة كانت قايلالى ابدأ الكالسيوم فى نص الرابع معرفش ليه
بس انا بدأته من اوله قلت اهو يعوض شوية انى مبقربش من اللبن او الزبادى

[MALAK2010]

ماهى قالتلى ابدا من بداية الرابع ربنا يسهل ماعدش الا 6 ايام وابداة ان شاء الله

[dr.princess]

ان شاء الله

[dr.princess]

صحيح نسيت اقولك البامية اللى عملتها اول امبارح عجبت جوزى اوى واكل منها ودى معجزة طبعا
والله بجد طلعت جميلة اوى الحمد لله وخفيفة خالص
عملتها بالطريقة اللى قلتلك عليها زى ما ماما بتعملها

[MALAK2010]

مبروك يا جميل بس البامية دى الحاجة الوحيدة اللى بحبها مسبكة وتقيلة ومشطشطة ههههههههههه

عارفة انا كنت فاكرة انى هشوف حاجة فى السونار يابنتى ابدا مش شايفة حاجة
والدكتورة عطيتنى صورة من السونار كل شوية ابص عليها انى افهم حاجة ابداااااااااااااااااااااااااا ههههههههههههههه

[MALAK2010]

امال بتقولوا ان الصورة اوضح المرة دى لية
ممكن السونار بتاعها قديم؟؟؟

[dr.princess]

انا مش بسبك الاكل اوى وطبعا عمرى ابدا مابعمل اى حاجة مشطشطة لا انا ولا جوزى بنحب الشطة
يابنتى السونار ده عايزله مترجم تحسى طلاسم طالعالك كده ههههههههههههه

[dr.princess]

هو فعلا كان اوضح من اللى المرتين اللى قبلها
هى فضلت تفعص فى بطنى يمين شمال فوق تحت علشان تبينلى وقعدت تشاور وتقولى ده ايه وده ايه وانا حاولت اقنع نفسى انى شفت حاجة هههههههههههههه