دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[سبحانك اللهم وبحمدك]

المشاركة الأصلية كتبت بواسطة ever 4

اختي سبحااانك

الله يسعدك والف مليوون مبروووك ع الحمل والله يقر عنونك بيه او بيها انتي بكم شهر طيب الحين والله توني اشوفك وش كان سؤالك امري خلينا انا وياك نصير فرريق وليه منتي حاطه شريط الحمل

الله يبارك فيكي يارب بالنسبه لي انا لسى دوبي عرفت اني حامل وماعرف حامل في كم اسبوع لسى ماراجعت المستشفى امي تقولي استني لين يثبت حملك خايفه عليا من مطبات وتكسير الشوارع لاني سبق واجهضت من 8 شهور وطبعا شريط الحمل لما اعرف احطه بس اتوقع اسبوعين او3 لسى بدري حتى وحام لسى مابدا معي
وسؤالي لبنات مكه ايش ينصحوني عن مشتشفيات ودكاتره حريم طبعا اتابع معهم صعب كل ما اجي اراجع اروح لجده
وشكرا على اهتمامك وردك

[سبحانك اللهم وبحمدك]

المشاركة الأصلية كتبت بواسطة عسليه

ليه تقولي كذا ياسبحانك والله ردينا عليك في صفحة 1060
وعموما لا تزعلي ألف مبرووووووووووووووك مرة ثانية.

الله يبارك فيكي والله ماشفت شي كتبت ولا لقيت احد رد علي برجع للصفحه واشوف مشكوره على اهتمامك

[سبحانك اللهم وبحمدك]

المشاركة الأصلية كتبت بواسطة عسليه

حياك حبيبتي..
وربي صادقة مااحنا لاقين دكاترة زي العالم وإنشاء الله البنات مايقصروا..
عني ببنتي بكري كنت أتابع في حراء وكانت معاناة مابعدها معاناة في السرى والزحمة بس كنت مجبرة على الحكومي لانه بداية زواجنا كانت الظروف المادية مش ولابد..
شوفي ياقلبي راح أقولك بناء على تجربتي ببنتي...
بالنسبة للفوليك فهو ضرورة حتمية للشهر الرابع..
أما الحديد إذا ماكان معاك فقر دم فتقدري تاخذيه من الشهر السادس إلى الثامن حتى يكون معدل الهيمجلوبين طيب تحسبا لأي ظرف لا قدر الله في الولادة(كلام دكتورة)
أما إذا معاك فقر دم مثلي فأنا كنت أخذه طيلة فترة الحمل على مراحل متى ماإتحسنت نسبة الدم أوقف ولو رجع ونزل المستوى أرجع للحديد وهكذا..
أما الكالسيوم فيفضل تاخذية في فترة تكون العظام للجنين وهي من الشهر الرابع إلى السادس وبعد كذا توقفيه..
والفيتامينات أنا شخصيا ماأفضل أخذها أقراص لانها تمتن واحنا خلقة راح ننتفخ في الحمل فعشان كذاأحاول أعوض بالاكل وخاصة الخضروات والاكل البحري اللي تاخذي منه فيتامين د والاوميغا..
وإذا الوحام عامل عمايله معاك مثلي في الاكل ففي حليب مكمل غذائي بالصيدلية تقدري تاخذيه بالنكهة اللي تحبينها واسمه lady milk ويحتوي على فيتامينات كثيرة.
والله يقومك بالسلامة.

معليش ياعسليه والله دوبي اشوف ردك مشكوووووووره على المعلومات المفيده بس اكيد حاخد الحبوب حتى لوتمتن لانه اكره ادوق طعم الدواء ابلع اسهل لي هههههه
جزاكي الله خير والله يسهل عليكي حمله وولادته يارب

[Queen DadoOo]

السلام عليكم
كيف حالكم وأحوالكم وكيف نوناتكم
وحشششتووووني
الحوامل الجدد أهلين فيكم وألف مبروك الحمل الله يسهلكم وييسر أموركم ويتمم حملكم على خير
أم سارا أنا ماكنت أتابع ففقيه رحت طوارئ ولادة وولدتني الدكتورة المناوبة
اسمها تغريد سورية مررة طيبة وحبابة وكلامها زي العسل ويريح القلب الحمدلله ربنا سخرها ليا
حطولي كمام وإبرة عضل بس الحمدلله كان الألم محتمل ووقت الخياطة نوموني مأحسيت بشيء
بنات لو بجيب وحدة تمرخني لازم في الأربعين وإلا عادي بعد مااخلص
شوشو كيفك وكيف دنوو الله يحفظها لك
تسلمي على رقم المراخة بكم تجي البيت
باقي البنات أميرة وجامعية وكرميلا وجوانا كيفكم وحشتووني

[سبحانك اللهم وبحمدك]

الله يبارك فيكي والحمد لله على سلامتك وسلامة النونو
والله مالي خبره بالتمريخ جربي تسالي البنات في منتدى النفاس امكن يساعدوكي

[معنى الغرام]

Ever 4..
ياقلبي اهلين فيكي
كيفك ياعسل وكيف البيبي
ياعمري والله بالنسبه للدكتوره اللي قلتي
عليها انا مااعرفها ان شاء الله البنات يفيدوكي..

[مررح]

هاااااي كرووشااات
انا جديده عليكم
وعندي سؤال؟؟؟
مين فيكم سوت اشعه رباعيه لمعرفة نوع الجنين بمكه؟ وفين سوتها؟ وبكم سعرها؟
يااااااااليت تخبروني
لأني قريت من البنات انها مضمونه 90% بس اللي عملوها مو بمكه

[الجونة]

كيفكم ياكروشات حابة اسئل مين يتابع في مستشفى باشراحيل لاني اول مرة اتابع عندهم عند الدكتورة بسمة بس كم مرة اروح الاقيها في اجازة ومرة كشفت عند اروى ومرة عند فطيمة وانا دحين في نهاية السابع وهادا الحمل الرابع والله يتمملي ولكم بالسلامة .

[عسليه]

المشاركة الأصلية كتبت بواسطة أريج العطر

السلام عليكم

كيفكم كروشات ... أخواتي هذا أول حمل لي ربي يتممه على خير ... بغيت اسألكم هل السخونة اللي تجي بأول الأشهر من الحمل تأثر على الجنين ؟؟

بنات الشرايع أيش أفضل مستوصف أو مستشفى خاص لمتابعة الحمل ؟

أيش أفضل مستشفى حكومي هنا بمكة للولادة ؟ لأني ما أعرف شيء في مكة أنا من جدة وسكنت بمكة بس زوجي يبغا الولادة في الحكومي ..

كيف أسوي شريط حمل زيكم ما أعرف ؟

شاااكرة لكم مقدما

وعليكم السلام..
بخير دامك بخير.
والله يتمملك حملك على خير يارب.بالنسبه لدكتورة في الشرايع والله ماعندي خلفية إن شاء الله البنات مايقصروا معك..وبالنسبة للسخونة فحاولي ماتهملين نفسك وحطي كمادات باردة عشان ماتطول معاك.وألف سلامة ليكي.
شوفي ياستي بالنسبه للمستشيفات الحكومية ماأحد يمدحها بس عني ولدت ببنتي في حراء السنة اللي فاتت والله ماشفت إلا كل خير وعناية والممرضات كثير منهم سعوديات وأخلاقهم عسل.وعطوني ابر مسكنه في الطللق لاني جبت اللي في الشارع بصراخي وعطوني كمام من لما كان رحمي مفتوح 5سم بس السستر الله يسامحها نسيت تشغله فقعدت أعاني مع الطلق الين مااتجمعوا علي عشان يولدوني فواحدة من السعوديات قعدت تهاوش الجاوية عشان ماشغلته وشغلته بسرعة وبعدها 180درجة ماحسيت بشي رحت في عالم ثاني عشان كذا أي ولادة ثانية راح أخاوي الكمام من أول الطلق.بس هي الولادة تساهيل لانه برضه في ناس كثير تسب حراء وتمدح في الولادة والعكس.
وإنت ادعي الله بتسهيل الولادة واستخيري.

[عسليه]

المشاركة الأصلية كتبت بواسطة ever 4

الله يسعدك عسليه حبيبتي ماقصرتي طيب انتي باي شهر ووين ناويه تولدين

ويسعدك ياقلبي..
عني حامل باخر الثاني وفي وسط معمعة الوحام الله يعين, وبالنسبه للولادة فاأنا مقدمة بعثة إذا جاني القبول مين بدري وقدرت أسافر على الشهر الرابع أو الخامس أو السادس فإن شاء الله راح أولد بره السعودية وأختارلي أحلى مستشفى وكلوا على حساب الحكومة ماني دافعة شي من عندي.وإن تأخر القبول شوي فصعبة أسافر بالطيارة في الشهور الاخيرة وراح أضطر أولد بمكة بس فين؟ محتاااااااااااااااره.