دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[أم لمآر]

المشاركة الأصلية كتبت بواسطة مغتربهـ

حوآمل مكه فيه آحد يدردش معـآي

موجودين ياقمر ..

كيفك وكيف الحمل معاك .؟.؟

[أم لمآر]

المشاركة الأصلية كتبت بواسطة سبحانك اللهم وبحمدك

حوامل مكه كسلانات هههههههههه يلا الله ييسر لكم الولاده ياحوامل الشهر ال9

اي والله صادقه ..

الحمل وعمايله الله يسهلها علينا جميعا ..

[أم لمآر]

المشاركة الأصلية كتبت بواسطة تناهيد الشوق

بنات انا بكره راح ادخل التاسع والدكتوره تقول ان شاء الله ماراح اطول كثير اسبوعين بالكثير وانا والده دعواتكم لي الله يحط حملي وحملكم على خير

الله يسهل عليك ياقمر ..

وتقومي انتي والبيبي بالسلامه يارب ..

فين راح تولدي ان شاء الله ..؟؟

موفقه ..

[لون المطرر]

المشاركة الأصلية كتبت بواسطة أم لمآر

مرآحب يآقمر ..

بخير .. أنتي كيفك .؟.؟

هلابك تشرفينآ ..

كلنآ من مكه يآعسل ..

خبرينآ كيف الحمل معآك .؟.

هلا فيكي ام لمار لبى قلبك حبيبتي تسلمين يالعد عمري
والله بالنسبه للحمل خليها ع الله يهونها علي وعليكي وعلى كل حامل

[لون المطرر]

بنات وين مقررين تولدو وصفاء نحاس بكم تولد ووين بالمستوصف عندها او المستشفى التابعه لها وش هي ياليت تفيدوني

[عسليه]

المشاركة الأصلية كتبت بواسطة flake

اهلا عيوني
من جد لو الله اراد ما تقدري تقولي لا
انا عندي طفلين و حملي هدا من فوق العزل بس الحمدلله على كل حال
والله حاسه فيكي فعلا ما عاد في نفس انك تروحي و تشوفي بس بعدين لمن تحسي بالحركه رح تحبيه و تتعلقي فيه
انا عن نفسي ارجع عند الدكتوره ( احلام الصومعي ) و ماشيه معاي تمام
صحيح اعتقد انك لازم تاخدي الفوليك - بس برضو الافضل تروحي و تشوفي ايش عندك و ايش تحتاجي .

والله صادقة ياقلبي بس الحمد لله على كل حال..تصدقين غير غثى الوحام وتعبه وهم شغل البيت لانه ماعندي شغالة, أنا بنتي للان ترضع مني وعجزت أفطمها قطعت قلبي أنا وأبوها متعلقة بصدري بصورة ماتتخيليهاوماأقول غير الله يعين والله أنا ماني كارهة الحمل بالعكس أنا أحب الاطفال وحلمي أملي البيت عيال بس ظروفي صعبة بالوضع الحالي بس يارب أنا راضية بحكمك وماأقول غير (اللهم لك الحمد حتى ترضى ولك الحمد إذا رضيت ولك الحمد بعد الرضى).
والله يحفظلك أطفالك ياعسل ويقومك بالسلامة انت وطفلك ويجعلهم قرة عين لك يارب..
راح أخذ بنصيحتك وعلى الراتب بإذن الله راح أبدأ أتابع عند دكتورة..

[عسليه]

المشاركة الأصلية كتبت بواسطة سبحانك اللهم وبحمدك

امييييييين يارب والله انا زيك ماعرف دكتوره طيبه بمكه عشان اتابع ياريت البنات يساعدونا
وبالنسبه لحمض الفوليك كويس انك اخدتيه الدكتوره قالتلي خديه من قبل الحمل واستمري عليه بعد الحمل كمان
بس والله مدري هل احتاج فيتامينات حديد وكالسيوم واوميغا 3 من الان ولا بعد الشهر الثالث؟؟؟

حياك حبيبتي..
وربي صادقة مااحنا لاقين دكاترة زي العالم وإنشاء الله البنات مايقصروا..
عني ببنتي بكري كنت أتابع في حراء وكانت معاناة مابعدها معاناة في السرى والزحمة بس كنت مجبرة على الحكومي لانه بداية زواجنا كانت الظروف المادية مش ولابد..
شوفي ياقلبي راح أقولك بناء على تجربتي ببنتي...
بالنسبة للفوليك فهو ضرورة حتمية للشهر الرابع..
أما الحديد إذا ماكان معاك فقر دم فتقدري تاخذيه من الشهر السادس إلى الثامن حتى يكون معدل الهيمجلوبين طيب تحسبا لأي ظرف لا قدر الله في الولادة(كلام دكتورة)
أما إذا معاك فقر دم مثلي فأنا كنت أخذه طيلة فترة الحمل على مراحل متى ماإتحسنت نسبة الدم أوقف ولو رجع ونزل المستوى أرجع للحديد وهكذا..
أما الكالسيوم فيفضل تاخذية في فترة تكون العظام للجنين وهي من الشهر الرابع إلى السادس وبعد كذا توقفيه..
والفيتامينات أنا شخصيا ماأفضل أخذها أقراص لانها تمتن واحنا خلقة راح ننتفخ في الحمل فعشان كذاأحاول أعوض بالاكل وخاصة الخضروات والاكل البحري اللي تاخذي منه فيتامين د والاوميغا..
وإذا الوحام عامل عمايله معاك مثلي في الاكل ففي حليب مكمل غذائي بالصيدلية تقدري تاخذيه بالنكهة اللي تحبينها واسمه lady milk ويحتوي على فيتامينات كثيرة.
والله يقومك بالسلامة.

[عسليه]

المشاركة الأصلية كتبت بواسطة فوفو 1400

السلام عليكم
انا اول مره اكتب لكم
وامسي عليكم بكل خير
انا حامل في الشهر الخامس لي 20 اسبوع
اذا نمت على جنبي ينمل يعني احس انه كان فيه بنج
وششششششششششششششش رايكم عادي ولا عندي مشكله
الله يخليكم افيدوني
اللهم سهل عليه وعلى الي ترد عليه

وعليكم السلام.. ونمسي عليكي بالنور والسرور..
وحياكي ياقلبي وسط أهلك وناسك..
الله يتمملك على خير ياقلبي انتي في الخامس يعني بدا لعب الكورة والتيكوندو في البطن الله يعينك, بس عموما بالنسبة للتنميل والله ماعندي خلفية بس أنا أفضل تطمنين عند دكتورة يعني زيادة حرص
وسلامتك ياقلبي..

[عسليه]

المشاركة الأصلية كتبت بواسطة عالمي

السلام عليكم
انا جديده وحامل بالشهر الاول ومدري وين اتابع وهل ضروري اسوي سونار الحين بعد ماكملت الشهر والا موضروري وبليز خواتي قولوا لي على دكتوره زينه اتابع عندها لات احترت وتعبت

وعليكم السلام..
حياك حبيبتي وألف مبروك والله يتمملك بخير..
بالنسبة للمتابعة أنا محتارة زيك ومارسيت على بر عند أي دكتورة..
بس بخصوص السونار ضروري جدا عمله في مراحل مبكرة للاطمئنان على وضع الكيس هل هو داخل الرحم أم لاقدر الله خارجه وهل هو حمل طبيعي أم عنقودي لانه إذا ماكان الحمل طبيعي ووضع الكيس خارج الرحم هنا لازم تدخل طبي لإنهاء الحمل لسلامة المرأة والله ماأبغى أخوفك بس ضروري تعملي سونار, ليا زميلة أختها كانت تشتكي من ألم في جنبها وكانت حامل بشهر وشوي وكل اللي حولها يقولوا عادي هذي الالام الحمل وانتي تدلعي عشانك بكرية بس مسكينة أتاري حملها كان خارج الرحم ووتعبت حيل ونزيف بس لحقت نفسها على أخر لحظة واضطروا يشيلولها الانبوب,, شوفيني ماتابعت عند أحد بس من عرفت بالحمل نقزت على أقرب مستوصف خاص وعملت سونار والحمد لله شفت الكيس داخل الرحم وتطمنت..
لاتدعين علي اني خوفتك ,, والله ماأبغى أخوفك بس حرص أخت على أختها.
وإن شاء الله تطمينينا عنك قريبا ترانا خويات لانه عمر حملنا قريب من بعض..

[عسليه]

المشاركة الأصلية كتبت بواسطة "نسيم"

ماشاء الله تبارك الله
زارتنا البركة ياحوامل مكة
المتابعة اعتقد افضل شي دكتوره شاطره وقريبة منك عشان المشاوير
او المتابعة في المستوصفات الحكومية حلو الى الشهور الاخيره تروحي لطبيبة خاصة عشان الولادة اذا تبغى في خاص
ولازم المتابعة من اول شهر عشان تطمني على الحمل انه في مكانه السليم وماشي تمام
والفوليك من اول شهر
اما الحديد والكالسيوم اظن من الشهر الرابع
فوفو
لازم تروحي تسوي تحاليل وتطمني لان التنميل غريب وطمنينا عليك
وياهلا بكل حوامل مكة والله يسهلها علي وعليكم يارب

تعيشي حبيبتي وعن كلامك فأنا أتفق معاك 100%
ويسهلها عليكي يارب..
إلا ايش أخبارك مع الحمل وانتي باي شهر ياقلبي؟