دردشة حوامل مصر - دردشة بنات مصر - تجمع حوامل مصر

somia · 10-18-2010, 09:49 PM

رنا انا من حلوان نفسها وكنت اللي فحلوان وكنت بدرس فمعهد تبارك بتاع القراءات

د×و · 10-18-2010, 09:52 PM

دى وصفه نزلتها فى منتدى تانى


	اولا نحتاج لعمل الخلطه التى حشوت بيها جميع الانواع عدا البطاطس الخلطه * المقادير * بصل مفروم ناعم - لحم مفروم -فلفل اخضر مقطع ناعم - طماطم مضروبه فى الكبه - صلصه طماطم - خضرا (شبت كسبره بقدونس) - ارز مصرى مغسول -توابل (ملح فلفل جوزه الطيب بهرات مشكله) * الطريقه * موجوده بالصور المتحركه 1-نضع البصل على النار مع زيت نباتى حتى يزبل 2- نضيف اللحم المفروم مع التقليب 3-اضافه الفلفل الاخضر مع التقليب حتى تجف السوائل 4-اضافه الطماطم المخلوطه وصلصه الطماطم ونقلب حتى التسبيك مع اضافه التوابل السابق زكرها 5-نطفى النار ونضيف الخضرا والارز ونقلب ونظبط الملح اذا كان الخليط فى حاجه اليه كده خلصنا الخلطه نعمل كمان الشوربة اللى هنسقي بيها المحشي ماء على النار يغلى ويضاف له مرقه دجاج ماجى ضافه المكعبات حسب الكميه ونضيف صلصة طماطم وتوابل فلفل وحبهان وجوزه الطيب واى توابل تحبيها ودى صورتها نبدا فى الحشو * ورق العنب * كما فى الصور المتحركة الصور موضحه طريقه اللف ونرص الاصابع فى حله فى قاعها بطاطس مقطعه شرائح ونسقيه بالشوربه سابقه الذكر ونضع على الوجه قطع صغيره من الزبده تعطيه طعم ولمعه جذابه ويغطى ويسوى على نار منخفضه * البازنجان والكوسه والطماطم * نقوم بتفريغ الكوسه والبازنجان والطماطم بالاداه الخاصه ( المقوار) ونغسلهم جيدا ونضعهم فى ما به ملح ثم نقوم بالحشو مع مراعاه ترك حوالى نصف سنتيمتر فارغ لان الارز عندما ينضج بيزيد فى الحجم ونرصهم بشكل عمودى داخل الحله بعد وضع فى قاعها اللب الناتج من تقوير الكوسه ونضيف الشوربه الخاصه مع مراعاه عدم الاكثار لان الخضروات بها نسبه من الماء عاليه وتترك على نار منخفضه حتى النضج * الكرنب * نسلق اوراق الكرنب فى ما مغلى مضاف اليه ملح وكمون ثم نقطعه مربعات صغيره ونقوم بالحشو ويرص فى حله فى قاعها نضع عروق الاوراق وبعد الانتهاء من صف الاصابع نغطيها بباقى العروق وتسقيها بالشوربه المغليه ونتركها لتنضج على نار هادئه * البطاطس * نقشر البطاطس ونقعها 3 اقسام (او اثنان لو البطاطس صغيره) وتغسل ونزيل اللب الداخلى بحرص ثم تسلق فى شوربه( انا سلقتها فى شوربه دجاج كنت بسلقه) وللحشو ناخد جزء من اللحم المفروم بعد اضافه الطماطم اليه ونحشو به البطاطس وتوضع بالفرن لتتحمر من اعلى وتقدم الانواع كلها مع الدجاج المحمر

somia · 10-18-2010, 09:52 PM

ههههههههه.. دودو الله يسترك بلاش المحشي بالصور لحسن انا بتوحم على محشي كرنب ومش عارفة اكله

د×و · 10-18-2010, 09:54 PM

سميه انتى هنا يا جميل

ازيك عامله ايه؟؟

د×و · 10-18-2010, 09:55 PM

ليه كده يا سميه مش عارفه تاكليه

خايفه يتعبك عشا تقيل

يا ستى اعمليه ومتكتريش من نفسك يعنى

somia · 10-18-2010, 10:05 PM

دودو حراااااااااااااااااااااااااااااااااااااااااااام كده حرام انا نفسي فمحشي كرنب تقومي مورياني صورته حرام عليكي.. اهئ اهئ اهئ

somia · 10-18-2010, 10:07 PM

دودو انا ولا طايقة ريحة لا الفراخ ولا اللحمة واي مجهود بعمله يتعب جدا ظهري بيصرخ عليا غير كده الصراحة مبعرفش اسوية انا بعرف اعمله زي الفل وباقي على السوا ببوظ كل اللي عملته.. هههههههههههه

د×و · 10-18-2010, 10:09 PM

لالالالا متعيطيش مكنتش اعرف ان الموضوع مؤثر معاكى اوى كده

هههههههههههههههه

اتكلى على الله واعملى حله صغننه

د×و · 10-18-2010, 10:11 PM

اه والله انتى هتقوليلى على القرفه انا الفراخ لاااازم اجيب اللى فى معدتى بعد ما انظفها :((

ربنا يعديها على خير

بس التسويه بتاعه المحشي سهله والله انتى بس لما تنوى قوليلى وانا اقولك على اسرار الطبخه ههههههه

somia · 10-18-2010, 10:13 PM

ههههههه.. طب اعمله شوربة ايه ااكنت لاطايقة ريحة الفراخ ولا اللحمة ولا هما مستويين ولا هما نيين.. أعمل إيه؟؟