تجمع حوامل الأشهر الأخيره(السابع,الثامن,التاسع)

ام سهاري · 12-26-2012, 04:06 AM

السلام عليكم و رحمة الله و بركاته

أنا دخلت السابع و لله الحمد
الله يسهل علينا يآآآآآرب

أنا جاتني كحه مو طبيعيه أحس بطني تشقق و كليتي أحسهآ ورمت منهآ مآ أدري ليش !!
في أحد صارله نفسي ؟ و الله تعبت منهآآ ..

بنوتات أنا أبي أتعرف على بنات تكون ولادتهم معي بنفس الفتره أو قريبه منهآ
أنا تاريخ 6/5 هجري أخلص التاسع على كلام الدكتوره
لأني أبي أعمل معهم جدول عنايه بالنفاس نعتني بأكلنآ و بشرتنآ
نبي نحمس بعض , طبعاً أنا من الآن مسويه جدول بس إلى الآن مآ كملته
و أبي أحد يساعدني و يحمسني ,
كثير تكلمت و قلت أبي نعتني ب بشرتنا لكن ما في أحد يحمس أللي تقول أنا معك و تختفي و أللي و أللي .......

أنا أبي بنات يحمسوووون .. أبي نطلع من النفاس الكل ينبهر و يقول ايش مسوين .. نبي نصير عرايس جدد
و الله هذي فرصتنا الوحييييييييده .. منها نكون بعيد عن أزواجنا و حتى اللي بنفاسها تكون في بيتها مراح تنام مع زوجها
يعني بتاخذ راحتهااا ع الآخر .. الحمل تعب بشرتي و كمان نفسيتي و الله زوجي كل ما يشوفني يقول يارب تولدين و نرتاح خخخ
أنا صراحه هدفي الوحيد زوجي أبي أفاجأه أبي أرجع له بعد النفاس أنسانه ثانيه ~

طبعاً أنا هذي ثاني ولاده لي الله يسهلها يااااارب .. و حملي هذا ما كنت مخططه له بس الحمد الله على كل حال
عشان كذا أحاول أنسي نفسي الآلام و التعب و أفكر أني بعد الولاده بغير حياتي و ان شاءالله مايصير العكس

المهم انا طولت السالفه وهي قصيره
أللي تبي تمشي معي بنظامي الله يحييها بس بشرط تمشي معي لحد ما تخلص نفاسها و تبلغنا بالنتايج
مو تاخذ النظام و تختفي .. و كل وحده و ظميرهاااا ..
و على فكرا النظام أو الجدول اللي مسويته و الله تعبت عليه جداً و مآ سويته إلا بعد مآ قريت تجارب كثير عنه "وهو جدول متكامل"
لكن بسييط و مو معقد و كل الخلطات طبيعيه و سهله ..
بنات تكفوووون طلبتكم لا تخيبون ظني فيكم أبي أحد يعبرني لو بدعوه ..

Miss popcorn · 12-26-2012, 05:46 AM

صباح الخير كروشات
حبيت اخبركم اني ولدت أمس تاريخ 25/12/2012
الفال حق جميع الحوامل

ام عمر .. · 12-26-2012, 06:40 AM

صباااااح الخيرات
أختي جرررة عسل اتمنى انك ماتفهميني غلط انا ما قلت الاولاد افضل من البنات
بس طبيعي اللي عنده بنات بيفرح لما يرزق بولد والعكس يعني اللي معاها ثلاث اولاد
هل فرحتها لما تجيب بنوته نفس فرحتها لما تجيب الولد الرابع اكيد لا وهذي فطره طبيعي
فزوجي طبيعي بيفرح بالولد اللي بيجيه ان شاء الله بعد بنوتات والله يتمم يا رب فرحته
مثل لو تجبه بنت رابعه أكيد الفرحه بتكون اكبر وبعدين انا ما اعترضت على خلق الله
بالعكس انتي والأخت عفتي اللي قلتو نحب البنات اكثر والبنات أحسن من الأولاد
رجعي لردي انا ما قلت شي مثل كذا واذا على كلمتي الولد يدق عيون الحساااد. فهذي حقيقه
والله سبحانه ذكر في القران (وليس الذكر كالانثى)
والرسول عليه السلام قال بشرو به ولو كان ميتا
وانا ارجع أعيد كلامي الذريه كلها نعمممممممه من الله
اهم شي تمام الخلق ولخلقه

جرة عسل · 12-26-2012, 07:18 AM

اقتباس:

المشاركة الأصلية كتبت بواسطة االقادم اجمل

مرحبا ياحلوات كيفكم شو مسوين مع الحمل الله يفرجلكم
زمان عنكم شتقتلكم مين ولدت بعد غيبتي
نفسي ادخل كل يوم مثل قبل بس مره منشغله مع حمودي الله يصلحه
بسألكم ياحلوات
ابغى حاجه تنشف الحليب بلييييز

كادي انصحك ماتولدي عملية الا بحال انك ماقدرتي تولدي طبيعي لسبب او انك ماراح تجيبي اكثر من اربع اطفال

هلا وغلا والله لك فقده
اخبارك وكيف حمودي شكلك عجزتي ترضعيه طبيعي الله يعينك
احنا لسى ع حطه يدك مافي احد ولد اجنتنا يتدفون ههههه
في حبوب تنشف الحليب يعطونها للي اولادهم يموتون اطلبيها من دكتورتك ماعرف اسمها صراحه
واذا تشربي اعشاب خففي منها لانها تكثر الدرة

جرة عسل · 12-26-2012, 07:23 AM

اقتباس:

المشاركة الأصلية كتبت بواسطة miss popcorn

صباح الخير كروشات
حبيت اخبركم اني ولدت أمس تاريخ 25/12/2012
الفال حق جميع الحوامل

مبروك ياقلبي الله يخليه لك ويرزقك برة
والحمد لله ع السلامه
عقبالنا يارب

جرة عسل · 12-26-2012, 07:24 AM

ام سهارى حلو تفكيرك بس انا ع وشك ولاده
اكيد راح تلاقي بنات ولادتهم معاك
الله يفرج على الجميع يارب

االقادم اجمل · 12-26-2012, 07:30 AM

اقتباس:

المشاركة الأصلية كتبت بواسطة جرة عسل

هلا وغلا والله لك فقده
اخبارك وكيف حمودي شكلك عجزتي ترضعيه طبيعي الله يعينك
احنا لسى ع حطه يدك مافي احد ولد اجنتنا يتدفون ههههه
في حبوب تنشف الحليب يعطونها للي اولادهم يموتون اطلبيها من دكتورتك ماعرف اسمها صراحه
واذا تشربي اعشاب خففي منها لانها تكثر الدرة

هلا فيك جرة عسل ياحبنيلك والله
لا هو صار يرضع بس يمسك طرف حلمة الصدر حتى جرحها وصارت تألمني
بعدين مدة رضاعته 10 دقايق ويتركه وينام ويصحى بعد نصف ساعه جايع جنني مااقدر انام منه وتعبت نفسيتي وصرت بس اصيح منه يمكن لو انا عند امي كان عادي بس نفاس وغربه وكأبه مررره تعب الله يكتب لي الاجر
فقررت اني انشف الحليب وشتري صحتي
ودي بس اشكي

ماابي اقول لامي يضيق صدرها علي وهي خلقه قلقانه علي
احس كلامي مخربط وكثرت كلام
دعواتك لي الله يفرجلك ويسعدك ويقر عينك بشوفت ولدك وانتي وهو بصحه وعافيه

االقادم اجمل · 12-26-2012, 07:35 AM

برجع اكمل تشكي هههههه
الحين اتخذت القرار وكل شويه اشوف حمودي ورحمه ورجع اصيح وغير رأيي وش الحل معي
والله نفسي احد يتخذ القرار بدل مني ويسويه بدل مني بعد ههههه
:(

Nonyta · 12-26-2012, 08:19 AM

القادم اجمل انا سمعت انه مايصير تحرمي الطفل رزقه

يعني لاتنشفي الحليب اللي بصدرك

واسالي شيخ افضل

صمتي شوق · 12-26-2012, 08:30 AM

صبااح الخير

كيفكم بناااات

حمودي
الف مبررروك عقبال التاسع

ام سهاري

هلافيك خيتووو وحيااك الله منورة

انتي معي وفي بناات كثير معناوانا بصير معك

miss popcorn

الف مبرووك والحمدلله على سلامتك

القادم اجمل

يااقلبي عليك الله يكون في عونك

اختي اول الولادة صار فيها كذا بعدين صار البيبي متعلق في

صدرها كثيروان شالله حمودي كذا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ألم الحوض في الأشهر الأخيره من الحمل	سماسم	إستفسارات حوامل من الشهر السابع إلى الشهر التاسع	42	09-09-2014 05:45 PM
دوالي الساقين لدى الحامل في الأشهر الأخيره	سماسم	إستفسارات حوامل من الشهر السابع إلى الشهر التاسع	9	07-06-2014 07:31 AM
تجمع حوامل الأشهر الوسطى(الرابع,الخامس,السادس)	سماسم	إستفسارات حوامل من الشهر الرابع إلى الشهر السادس	28122	06-15-2013 08:36 AM
الإفرازات الدمويه في الأشهر الأخيره من الحمل	سماسم	إستفسارات حوامل من الشهر السابع إلى الشهر التاسع	12	05-17-2012 05:38 PM