دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[أميرة الوجود]

انا بروح انام .وبكرة ان شاء الله اكمل شغل البيت

حبيت اقول شئ للفنانة فيكم اللي تحب القراءة . . . .

اللي تحب القراءة . . . تطير على مكتبة جرير . . . . .وتشتري كتاب اسمه

مائة طريقة لتحفيز نفسك

واو كتاب رائع بمعنى الكلمة واو واو واو
إبداع


وإذا مو فنانات وما تحبوا القراءة. وتبغوا تستفيدوا .أكتب لكم مقتطفات لخصتها في دفتر صغير علشان أبغى أهديه لأختى في ثانية متوسط.

ما تلاحظوا كلامي كثير ? باين اني طفشانة صح . يالله سي يووووو

[حبي]

ياسلااااااااااااااااااااااااااااااام المطر اليوم كان ماشاءالله حلو
وتمنيت امشي في المطر وانا ساكنة في الشوقية
وبس كنت اطالع مع الشباك انا وولدي وناااااااااااااسة
يارب كل يوم يجي مطر والله احساس جميييييييييييييل يااااااااااااااارب

["نسيم"]

المشاركة الأصلية كتبت بواسطة نغم الحياة

تسلميلي حبيبتي نسيم بس سفرتي بالطياره مو بالسياره أنا ف حملي الاول سافرت ف التالت قالتلي الدكتورة عادي بس مني عارفه التاني كيف

هلا نغم
ايوه انا قصدي بالسيارة بس الطياره ماعندي خبر اسالي الدكتوره
على العموم احس الثلاث شهور الاولى زي بعض
ان شاء الله مايحصل الا كل خير
ولاتتركي ابو الشباب يروح لحاله .. : )

["نسيم"]

المشاركة الأصلية كتبت بواسطة أميرة الوجود

نسيم يا حلوة انا في الشرايع. ولدي وبنتي قعدوا قدام باب البيت مع ابوهم الله يحفظهم وانا قعدت وراهم من فتحة الباب أطالع كان نفسي امشي في المطر ياسلام شئ خرافي.

أقولكم شئ يا بنات. أحس الحوامل لا دخلوا التاسع يصير كل واي شئ برا البيت يفرحهم حتى لو كان بنغالي حق البقالة



احس البيت قمة الطفش والضيقة. غير شغل البيت اللي يتكوم .كل ما اقوم ارتب واجهز البيت على اساس لما أجي أولد يكون مرتب .والله يرجع يتوسخ ويحوس كل شئ سويته اليوم بالذات اللي يدخل بيتي يقول والله لي شهر ما نظفته .وانا منظفته من وإلى يوم الأربعاء علشان أهل زوجي كانوا عندي وطبيعي انو لازم يكون قدامهم كل شئ مرتب. أففففففف



علشان كذا ودي في الخروج عشان أهرب من الالتزامات .وعشان أحس ان الوحدة من يوم تولد خلاصءما عاد في طلعة إلا بعد الاربعين
والله ما تتخيلوا صايرة اترجي زوجي إني أخرج معاه لين يهزأني بعض أحيان

طيب يااموره ان شاء الله اليوم يجي علينا يارب.. : (
اما عن الطفش والله انك صادقه
انا اخذت اجازة من عملي وعيالي كلهم يروحوا المدرسة وانا لحالي بالبيت احس وحده فضيعة ماني متعوده عليها .. بس الله يخلي لي النوم مسليني ..
وانا اقلك فكره عشان تطلعي قولي لزوجك انا في التاسع لازم امشي كثير على كلام الدكتوره وهاتي ياخروووج...
اما صحيح ماعندك شغاله حتى انا طيب كيف نسوي في النفاس؟
انا بولد في بيتي وافكر اجيب حبشية شهر بس والله يااكرهم كره ..
وانا لي فتره ماعندي شغالة واقول يارب شغل البيت يحسن لياقة جسمي واولد بسهوله مو زي النايمين على طول ..
والله تعب الشغل مع الحمل بس الله ياجرنا..

[نغم الحياة]

ههههههه أكيييييييد يانسيم مح أسيبو يروح لحاله أفا عليكي لا توصي حريص ومشكوووووورة حبيبتي...

[أم لمآر]

السلام عليكم ..

كيفكم يآكروشآت .؟؟

كيف المطر معآكم .؟

الله يجعله سقيا رحمه ..

الجو أمس جنآن مآشآء الله بس خسآره أنآ بالنوآريه مآفي غير الغبررررررره ..

بس مآقدرت أمسك نفسي من شوفت المطر طيرآن أتصلت على زوجي وخرجت قلت على الاقل أشم ريحتو ..

["نسيم"]

ام لمار ماشاء الله احنا جيران
فين انت من النوارية انا في النوارية الغربية :)
صادقة امس ماجانا الا الغبار
بس الله كريم

[أم لمآر]

يآقمر ولله لو تسألي لبكره عن مكه مآأعرفهآ أنآ من جده وتزوجت وجيت هنآ قد مآألف وأدور بمكه مآأعرفهآ ..

أنآ بالنوآريه اللي بجهة الدفآع المدني بمخطط زمزم أذا تعرفيه >>كيف الوصف ..

أجل حيآك عندي بس جيبي القهوه والشآي معآك ..

[العاااالي مستواها]

تعالي عزيزتي الغااليه شاركينا

في مسابقتنا الرائعه والغريبه في قسم الغرائب والعجائب

هذا رابط المسابقه

http://forum.hwaml.com/t74927.html

[نغم الحياة]

مساء الخير عليكم ..
كيفكم إنشاءالله مبسوطين عندي سؤال للي عندها خلفيه أو تجربه
أنا ف ولادتي لبنوتتي قعدت ف غرفة الولاده من الساعه 7 ونص المغرب ماولدت غير الساعه 2 الليل مره وقت طويل فا دحين جاراتي نصحوني بالطلق الصناعي "الوريدي" وأنا ومني عارفه يقولولي أريح بدال ماأقعدبالساعات ف غرفة الولاده ولانص ساعه وأنا والده ومني عارفه ....
ساعدوني بخبراتكم ياحلوين