¤ô§ô ~أحلى تجمع حوامل التوأم 2011~ ô§ô

[دموع الشوق]

ههههههههههه ضحكتيني الياه الله يتمم علينا وعلى الجميع يارب
ماء المسك تدخل متاخره احيانا ماادري وش صار لولدها انشاء الله بخير يارب

[ام جومانة]

مساء النور والسرورو والصحه والعافيه على احلى كروشات اللي ياربي ياربي يرزقهم بولاده سهله يارب واطفال معافين من كل شر يارب

[ام جومانة]

دموع الشوق.. الياة.. كيري.. ام سولي ... عشمانة...كيفكم ياقمرات ان شاءالله اموركم تمام؟

[دموع الشوق]

مساء النور ام جومانه الله يسلمك ويسهل عليكي يارب على هالدعوه الحلوه
الا ماقلتي بطنك كبير او لا؟

[ام جومانة]

دموع اه بطني كبير كاني بسابع مو بالخامس الله يعين على الشهور الاخيرة

[الياه]

دموع الشوق
من الدنيا وش اللي ماخذينا ، خلنا نضحك
وننسى أشياء تكدرنا
حتى في دوامي أحاول أكوووون كووووول ولا أضيق بعمري
عشان ما يتعبوني التوينز ويكونون فرفوووشيين

أم جمانه
يا هلا والله ، اسفرت وأنورت واستهلت وأمطرت
يسرج الحال أخبارج عساج بخير
وشخبارها جمانه، بسم الله عليها صغنونه
أن شاءالله ما متعبتنج في حملج

[ماء زير]

مرحبا صديقات مشوار التوينز..جيت من موعدي وتطمنت على التوينز

وكان واحد منهم يرافس ويسجد ويتقلب ماشاء الله والثاني اقل منه حركه

واحد طوله 5 سم والثاني 6سم بس الحمد لله كل شي زين

والمشيمه سوت لي المره الاولى اشاعه بس صغيره وقالت مشيمتين

وسوت لي المره الثانيه باشاعه اكبروقالت ماوضحت الا مشيمه وحده

وقالت بعد عشره ايام او اسبوعين راح يبين الجنس

تقول تقريبا في الاسبوع 14

بس مادري وش فيها ماقالت لي انتي تستعملين مثبتات او اسبرين

ولا اعطتني صوره من الاشاعه ونسيت اذكرها

وقالت بعد شهر بتسوي لي ثلاثيه الابعاد

[كروشه كووول]

كيفيكم كروشات 00الياه00 ام جومانه00 دموع الشوق 00 والله حتى انا بطنى كبير شكلى حامل في السادس قبل كم يوم روحت عند صحبتى وبنتها عمرها 10 سنين طالعت فيه وفى بطنى وشوي تقولى شكلك حامل بتوائم انا انفجعت انا ماقولت لاحد وجلست اضحك وقلتلها ليش حبيبتى بطنى كبير قالت ايوه عاد انا اتفشلت

[ام جومانة]

الياة.. هلا والله كلامك الحلو يشرح الخاطر .
انا الحمدلله تمام الله سلمج ويسلملج غاليج يالغالية وان شاءالله ماافيكي الي العافية ويارب مايطلع عندك سكر الحمل وسلامات ماتشوفين شر ياغالية.

وإن شااء الله تولدين بسلامه وتشلينهم وتلاعبينهم بعد ياا رب العالمين

[الياه]

ماء الزير

حمدلله أنج أطمنتي على البيبي وأن شاءالله الله يبلغج فيهم وهم في أتم صحه وعافية
حبايبي ذكرتيني بأجنتي في هالفتره
وكل ما كبروا صعبة تميزينهم في التصوير

كروووشة كوووول

يا مرحبا الساع، الله يعينج على عيون وفضول الناس
سبحان الله هذي ياهل وميزت ماشاءالله
الله يحفظج من أعين الأنس وأنفس الجن
وكل كروشاتنا يارب العالمين
مره وحده كانت عندنا في الدوام وانتقلت
يت تسلم علينا
وأول شي قالته لي شخبارج أجنتك؟؟؟؟؟!!!
بطلت عيوني وتروعت
وحده من زميلاتي انتبهت لها وقالت: بسم الله عليج الله يحفظج
مع العلم محد يعرف أني حامل بتوينز غير ريلي
وبس