¤ô§ô ~أحلى تجمع حوامل التوأم 2011~ ô§ô

*كوين* · 03-22-2011, 10:12 PM

مساء الخير كرووشاااات

الياه
الحمد الله ع سلامتك يالغلا
منوورة التجمع

عشمانة
ياارب تكوني بخير
طمنينا عنك
الله يتمم حملك وتقومي بالسلامة انتي وتوئمك

الياه · 03-22-2011, 10:18 PM

كـــوين

مساج نور وسرور، وهلا فيج الغالية
منور بهلة الطيبين
أخبارج؟ وين هالغيبة تغلي؟؟؟
شخبار الثقل وياج؟؟ والتوينز طمنينا عليهم
هانت باقي لج أسبوع وبتنورين الثامن
الله يتمم لج على خير
ومبروووك مقدما

الياه · 03-22-2011, 10:37 PM

بنكي بنكي

اقتباس:

السلام عليكم يا امهات بسالكم اذا تعرفون علاج حق حكه البطن والجروح اللي تطلع في بشره البطن من الشد خبروني عن كريم او اي شي تعرفون عنه لا تقولون لي زيت زيتون ولا فازلين لانه ما ياب نتيجه

وعليكم السلام والرحمه
شخبارج ويا الحكة، الله يعينج أنا توني في السابع
ومضايقة من الحكة، وين الثامن والتاسع
أن شاءالله مأجورين الغالية
سألتي عن زيت غير الزيتون والفازلين
جربي Bio oil

تستطيع أن ترى الصورة بحجمها الطبيعي بعد الضغط عليها

تمدحه أختي وايد بتلقينه في
الصيدلية، وإن شاءالله إييب نتيجة وياااج

كــــاسبر

سألتي عن حبوب للتثبيت، أنا أستخدمت حبوب
دفاستون 3 مرات في اليوم لين نهاية الخامس
وبيبي اسبرين، غير الحديد والفيتامين
والفولك في بداية الحمل
وسألي دكتورتج وإكيد ما بتقصر وياج

روعة ن

لا تحاتين الانتفاخ، هذا طبيعي بسبب الثقل
رفعي ريولج فوق مخدة وارتاحي
بس في موعدج الياي سألي الدكتور عشان تطمنين أكثر
لأنه البعض يكون عنده زلال في البول وأنت بكرامة
هو اللي يسبب الانتفاخ، وأن شاءالله ما فيج إلا العافية

الياه · 03-22-2011, 10:59 PM

قطرة ندى

شخبار دلوعتنا آخر العنقود، وعسى الوحام خف عنج
كثري شرب ماي، وفي حبوب تخفف الوحام
سألي دكتورتج عنها

رضاك ربي

شخبارج وأخبار الماماه
والتوينز أن شاءالله أمورج كلها طيبة
الحمدلله أنج ما قمتي تسوقين، لو في حد يوصلني
دوامي ودوام عيالي جان مافكرت اسوق
الله كريم وتفرج مع الأيام إن شاالله

أم القمرين

هلا فيج بينا، تحسين بحركة التوينز
على آخر الرابع وبداية الخامس، تكون في البداية الحركة خفيفه وتزيد مع التقدم في الحمل
الله يتمم لج على خير

رباه فرج همي

أسأل الله العظيم رب العرش العظيم أن يرزقك الذرية
الصالحة عاجلا غير آجل
تسلمين على الصور الحلوة

ماء المسك

شخبارج يا عسل، القرار لكم إذا بتفتحون تجمع ثاني
بس لازم أول الصفحات تكون موثقة بمرابي 2010 لأنه لهم الفضل بفكرة فتح التجمع، وهم أساس تجمعنا
وإذا عزمتوا تفتحون تجمع ثاني
أقترح تسمونه
أحلى تجمع حوامل التوأم 2011م الجزء الثاني
وإذا فتحتوا غيرة بيكون الجزء الثالث .....ألخ

والله يسر لكم اللي فيه خير للجميع

مع أنه غرووووومه في كلامها صادقة
أنه التجمع توه جديد ما صار له شهرين ونص
بس حسيت الكل متضايق من كثر الصفحات
والقرار يعود لكم حبايبي

وعلى الأسماء

عجبني ، ميرا أو ميره، نوف ، ريم ، ديم
أسيل

الياه · 03-22-2011, 11:12 PM

مايا 2010

اقتباس:

اهلين بنات كيفكم؟ كيف تونزاتكم؟
بنات انا احس بثقل وانا لسه في البداية وخاصة وقت النوم ماادري في الشهور الاخيرة ايش حسوي على فكرة بنات اللي في الشهور الاخيرة كيف طريقة مشيكم؟؟ هههههه انا دحين امشي احيانا مايلة شكلي يضحك ههههه

لا تحاتين الثقل شي طبيعي، وبتكون أخف الشهور
الشهر الخامس والسادس
والأفضل أنج تجهزين نفسج والتوينز فيهم
وعن المشية حدث ولا حرج ميلان على مشية البطة
والحمدلله أن شاءالله بشوفة التوينز
تنسين كل التعب
شدي حيلج توج في بداية المشوااار

همس الموج

اقتباس:

هلا اخواتي الكروشات
انتوا ماتعرفوني<<واثقه من نفسها الاخت
بس انا متابعتكم من بداية التجمع القديم وللحين وعايشه حالة وحده وحده مااتواصل معاكم لكن اعيش تجاربكم
وعارفه انكم ماراح تفتقدوني لاني مو موجوده بالتجمع معاكم مو منكم من تأثير كروشاتكم<<<شكلها هالبنت بتتكفخ^_^
والتعب اليي انتو تقاسونه
بس راح ارجع لما الله يكتب اليي الحمل السليم المعافى
اول غرام راح افتقدك بجد<<يقال انا اول غرام راح تتونس الحين
والياه ويا رمستش الحلوة<<ماتعرف تقلد ابد سيري بس
وباقي الكروشات ولا انسى ماء المسك ماقصرت معاي

الى لقاء قريب اخواتي وربي يسهل عليكم ويفرحكم بشوفة احلى توأم يارب

اترككم في رعايه الرحمن

هلا والله بالقراءة الصامته، شخبارج
الله يكتب لج الحمل السليم المعافى
عاجلا غير آجل، ويرزقج الذرية الصالحة
وكل من تتلهف لسماع كلمة ماما
عادي حبيبتي حياج بينا أحنا نرحب بالكل
وكنت في أول حمل اتابع بصمت
بس حبيت اشارك واتفاعل ويا الكل
وأن شاءالله تنورين التجمع بتوينز
عاجلا غير آجل

أول غرام

صراحه بس غابت يوم ولها وحشه
وين باقي الأيام
الله يسرلها الخير وين ما تكوووون
بس بنفتقدج صدق<<<< ويه زعلان وعيووووون كلها دمووووع

maha8181

شخبارج يا عسل
شو مسوية ويا الكحه ؟؟ استمري على الكركم والعسل
3 ايام ةأن شاءالله ما فيج إلا العافية

رباه فرج همي · 03-23-2011, 07:32 AM

اقتباس:

المشاركة الأصلية كتبت بواسطة الياه

رباه فرج همي

أسأل الله العظيم رب العرش العظيم أن يرزقك الذرية
الصالحة عاجلا غير آجل
تسلمين على الصور الحلوة

هلا بالغلااااا كلهـ

اللهم آمين مشكوووورهـ يالغلا ولك بالمثل يارب

وجودك الاحلى بينآآآآ

يسعد الله ك ايامك وليآآآاليك

قطرة ندى* · 03-23-2011, 08:01 PM

اقتباس:

المشاركة الأصلية كتبت بواسطة الياه

قطرة ندى

شخبار دلوعتنا آخر العنقود، وعسى الوحام خف عنج
كثري شرب ماي، وفي حبوب تخفف الوحام
سألي دكتورتج عنها

الحمدلله بخير والوحام ماخف لساته والحبوب مجربته قبل مايسوي شي
وموعدي الأسبوع الجاي بسأل الدكتورة عنه وبشوف
انت شخبارك وشخبار عيالك بعد الحادث

noon2006 · 03-22-2011, 11:08 PM

ك

يفكم يااااااااااا حلوااااااااااااااات

يااااااااااااكروشاااااااااااات

اسأل الله الكريم رب العرش العظيم
ان يتمم عليكن جميعااااااااا
ويعوض صبركن خيراااااااا

ان شاء الله
الياه
كيفك اليوم عسااااااااك بخير

أحلى توينز2011
مساااااااااائك سعيد

روعة ن
الله يتمملك اللي باقي عليك هااااااااااااانت حيااااااتي

اول غرام
وينك لاااااااا تكوني عملتيهاااااااا وولدت

ميرة الورد
الله يعوضك خير واحتسبي الاجر دائماااااااااا وان شاء الله تقر عينك هذه المره

ولاتنسي ان اله سبحانة بشر الصابرين بالخير

noon2006 · 03-22-2011, 11:22 PM

افاااااااااااااا حبيبتي انا وياااااااااااك
لان هذا وقتي
نومت بناتي وحلصت شغل البيت
والحين بااااااقي شغل المدرسة

الياه · 03-22-2011, 11:25 PM

ماشاءالله أنت مدرسة؟؟
الله يبارك لج في بناتج
وتفرحين فيهم عرايس
أنت من وين؟؟؟
كنت ناوية اسير ارقد، وطليتي علي
قلت بيلس شوي اسولف وياج

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أزياء حوامل 2011 , أفخم الموديلات و آخر موضة ملابس حوامل لعام 2011	ايلاف	الموضة و الجمال	13	10-06-2014 09:07 PM
أزياء حوامل 2011	غلا الشوق	الموضة و الجمال	4	02-08-2012 02:47 AM
ازياء حوامل 2011؟	الحبوبه	الموضة و الجمال	10	02-16-2011 04:07 AM
ازياء حوامل 2011 ملابس حوامل صور حوامل ملابس افضل الملابس للحامل	غلا الشوق	الموضة و الجمال	13	01-02-2011 10:02 PM
أحلى ملاااابس للحاااامل 2011	Mقمة البرااااائهM	الموضة و الجمال	4	04-24-2010 04:38 PM