ديوانية البحرين - دردشة حوامل البحرين - البحرينيات

[قمر بنت راشد]

الله يسهل لكم كلكم يارب

وبنت الاياويد كلمي الدكاتره ورفعي تظلم ان شاءالله اكييييييد بساعدونج قولي له حالتج واكييد بساعدج ويسهل لج كل شي يارب

[فلونة]

بنات احد فيكم عنده خبرة او سمع عن حبة البركة سمعت انها تساعد علا فتح الرحم و ام حمني الله يذكرها بالخير نصحتني فيها احطها ويا الحليب الساخن والعسل بس انا خواافة ما ادري اذا يصير اشربها ويا الحليب من احين او انطر،،، بحثت في قوقل وناس وايد مدحوها ويا الماي المغلي بس ما يندرا اي حزة بالضبط تنفع وبعد استفسار ثاني يصير اشتري زيت الخروع واشرب منه او المفروض وقت الطلق ما يصير احين ؟؟؟

[بنت الأياويد]

ان شاءالله يساعدوني ياربي الله يسمع منكم، فلونه مانصحج في الخروع اخاف اييج الم ورحمج مو مفتوح مايسوى عليج انا ماشربت شي غير اني كلت رطب ومشيت واااايد

[قمر بنت راشد]

اتذكر يوم بنت خالتي وديناها واختي قالو لهم لا تشربين دارسين وماي ورد وهالاشيا

قالت لها امي عادي نعطيها بيض وثوم ههههههههه قالت لي عادي لان يحمي الطلق

[بنت الأياويد]

اي انا بعد سألوني في المستشفى قبل لايجيكوني جم انفتحت ، قمر قصدج بيض وفلفل اسود؟ تاكلينه بدون خبز ولا روتي يحمي الطلق ، انا احس هالاشيا ماتسوي شي اكثر من المشي اهو الي يسهل وكل شي بيد الله سبحانه وتعالى

[قمر بنت راشد]

الله يعييني للحين دربي طويل توني بدايه الثالث

بقووولج بنت الاياويد سمعتي عن تمارين الحوامل اللي في السلمانيه سمعت ان في في جناح 410

اذا صج شلون يسجلون وبجم ومن اي شهر؟؟؟؟

[بنت الأياويد]

لا والله ماسمعت ، شلج في هالسوالف على المشي ماميش وانا ماولدت اساسا في السلمانيه لان سمعت ان كان في جرثومة وسكروه وخفت بعد ههههههههههههه

[قمر بنت راشد]

ايييي انا يوم رحت حق الطوارى يوم كان نزل علي دم نقط كان مسكر قسم الولاده من جذي بسرعه خلصت في اقل من نص ساعه

بس ماعجبتني الدكتوره قالت لي في دم قلت لها لا وقت الصبح قالت لي عيل اخذي فولك اسيد ولا تيين الا اذا نزل عليج دم قطع بدال ماتطمني خرعتني قلت فال الله ولا فالها

[بنت الأياويد]

اي عادي اخذي وخلي
الحين انا استاذن بروح اشوف برنامج طارق العلي وهيا الشعيبي في ام بي سي
مع السلامة

[قمر بنت راشد]

الله يسلمج حبيبتي