تجمع حوامل العراق واتمنى اكو احد موجود

[توتايه]

هلاو بنات

اهلا بالعراقيات الجدد الف هلا ومرحبا بيكم

اني اسمي اية ومواليد 90 وعندي ولد واحد عمره شهر

امونه حبيبتي الحمدلله على السلامه

رحوبه مشتاقتلج هوايه

ميوسه حبيبتي نامي ورفعي رجلج بنت خالتي جانت هيج وهيج سووت

باقي البنات مشتاقتلكم كومات كومات

وئام بالي يمها الله يكومها بالسلامه

اني بعدني نفس الشي معاناتي وية صدري

هسه واحد ياخذه واللاخ معكد من الحليب ومدينزل منه حليب حتى بالشفاطه مال الحليب مدينزل الله كريم

[ام شمس]

حبيبتي توتايه الله يكون بعونج اصبري بلكت ياخذه اني هسه عندي 3 اطفال وكلهم بس تك يرضعون الله كريم بلكت ابنج ياخذ الثاني

[توتايه]

الحمدلله على كل شي ام شموسه حبيبتي انتي منين من بغداد

[نعومه التميمي]

مرحبا بنات شلونكم
اخباركم كلكم
اعذروني لان مكدرت اقراء الصفحات واعرف منو موجود بس شلونكم كلكم
اني الحمدالله بخير وجبت ديمه بسلامه بس بعد معانت طويله
جبت يوم 15\7ساعه الرابعه والرابع صباحا
راح اسوالفلكم كملت 41اسبوع وخمس تيام رحت يو الاربعاء للمستشفى وكلتلهم حركت الطفل جاي تقل سويلي فحص للحركه مال الطفل طولت تقريبا ساعه ونطوني عصير بارد وانتظرو ماتحرك فحولوني على قسم الولاده للفحص
فحصوني وهنا الصدمه ماعندي توسع اطلاقنا كالو مامعقوله مكمله الفتره مال الحمل بس نهيائه ماداخله مرحله الولاده وطفل حركته قليله
انطوني جرع جل مال طلق صناعي يوم الاربعاء لعصر وانتظرو للصباح فحصو لكو يادوب واحد توسع
وانطوني جرع الخ يوم الخميس وهم لنتظرو اجو لكو صايرات 2 بس مو كافي للفتح ماي الراس لان جانو يردون يطكون مي الراس على مود صير الولاده
همزين جانت اكو دكتوره عراقيه نقهرات عليه كالت بس نبقه وراهم يروح من الطفل وانتي لا سامح الله
خلتهم يطلعون وهي طكت مي الراس ساعه 8 بليل
وبده عندي الوجاع انطوني ابرة الظهر بعد ما احس الحد الساعه 12بليل ارتفعت درجت حرارتي اكثر من 45 درجه وكعد يحولون وياي الحد ساعه الرابعه وبعدين دزو على الدكتوره العراقيه اجت كالت لو اصطناعي لو عمليه
وثنينهم خطرين على حياتج العمليه لان مرتفعه درجة حرارتج وطفله بل حوض والاصطناعي يكون راس الطفله رقيق جربو الاصطناعي والحمدالله طلعت ديمه سالمه معافه بس من اذكر الموقف وهسه اني اكتب ابجي لان غريبه وحدي هنا صح صديقاتي وكفو وياي
ومن طلعت ديمه خطيه طلعت درجة حراره مرتفعه بقينه بلل مستشفى 5 ايام منا الحد ماصرنه زينات
هاي اخباري وشكرا كل من سئال عليه

[فيونكه بلون الفراوله]

يا حبيبتي يا ديمه الف الحمد لله على سلامتج والله انقهرت عليج بس فرررررررررررررررررحت هووووووووووووووووووووووووايه لانكم طلعتوا بالسلامه الف الف الف الف مليوووووووووووووووون ترليون مبروك يا قمر

[نعومه التميمي]

شكرا حبيبتي ميس ياربي يوم نفرح بشوفت فطومه

[ام شمس]

حبي توتايه اني من منطقة حي تونس انتي منين

[ام شمس]

نعومه الف الف الحمد لله على سلامتج تتربى بعزج يارب

[مجنونة بحبها]

السلام عليكم شلونكم بنات وشخباركم هسه قريت موضوع بالولاده المبكره والله انقهرت وبجيت غنى والده ولاده مبكره وميت ابنها انا لله وانا اليه راجعون مسكينه والله حرقت قلبي

اسفه جبتلكم الاخبار المو حلوه

الف الف الف مبروك وئام على ديمه ويارب تتربى بعزكم ونزلي صورتها خل انشوفها

ايه الله يسلمج ويحفظ يوسف وابويوسف

فيونكه اخبارج مو حلوه ليش المشيمه نازله وانتي وين راح ترجعين للعراق لو لسوريا اذا لسوريا فسوريا تخبل صح كانها العراق من حيث البناء والاماكن بس جوها حلو لاحار ولا بارد ربيعي واسعارها رخيصه بشكل وعلى فكره الحدود بين العراق وسوريا انسدت يارب تشوفين احلى فطومه بالدنيا ااااااااامين رب العالمين

تعالوا كولولي يسرى جابت طبيعي لو عمليه لاني يوم 2/7 كنت ادعي يارب سهل على يسرى العمليه فما اعرف اخبارها ولا عندي مجال اقراء الصفحات السابقه طالعه روحي بس شغل وترتيب يارب يعنين

ام شمس اهلا وسهلا بيج نورتي

[ام ارجواااااان]

كل عام وانتم بخير وبصحة وسعاده وعافيه
شهر كريم والله يحقق لكل وحده فيكم اللي تتمناه
دعواتكم لي وللمسلمات
الله يسعد ايامكم يارب
وكل عام وانت بألف خير