السلام عليكم
شخباركم جميعا
جمعه مباركه ع الجميع ان شاء الله
اني الحمدلله بخير بس زنوب متعبتني كله بطنها ولا تنام هلكتني البارحه قمت اصرخ والم السيم حده قوي ماعرف اقعد :(
المهم بقول ليكم قصة ولادتي
كنت يوم الاحد تاريخ 27\3 على النت قاعده ولاحظت الم مثل الدوره وقلت يمكن امساك فيني وبروح الحمام عزكم اله وبخف .. قمت الحمام والالم ماتغير لا ومنتظم قمت كتبت هنا واني اكلم البنات احس بألم منتظم ليكون طلققق ... المهم الالم زااد شوي شوي والانتظام يقرب كل 10 دقايق ومرات كل خمس يعني هو منتظم وهو متخربط سألت احلام ام وام خليل قالو احتمال ريح استقبال على قولة احلام بروفات ..المهم عند الساعه تقريبا وحده وشوي رحت بنام ولاقدرت من الالم وحسيت شي نزل رحت الحمام الا بني نازل سألت وحده من البنات اونلاين قالت اي هذي ولاده وانعفس من الخوف لا برزت شنطه ولا استعديت نفسيا ولا مخيا للولاده ويش اسوي في عمري .. بس خلاص ولاده ولاده واقعد ارجف واعدل شنطه فيها خرابيط حقي وحق زنوب ... وتميت انتظر وقعدت زوجي قال الحين ماقدر اطلع الوطع خطير ولبنيه اوردي قايله لي لاتروحين تو الناس لانش بجر
المهم انتظر لأذان الصبح والالم لايطاق وقعدت زوجي صلى ومشينا عند الساعه 5 ونص
رحت وخلو عليي الجهاز اتضح انه في طلق عقبها الساعه تقريبا 6 وشوي الدكتوره شافتني متوسعه 2 سانتي خلوني تقريبا لسبع ودخلوني قسم الولاده وهناك وحده تولد المستشفى قديم والبنات ويى بعض كل ثنتين مع بعض والفاصل ستاره يعني تسمعين كلللللللل شي
واني اتوسل وانتخي وادعي وطلبت ابره تخدير عطوني اياها مادري الساعه جم (هالابره زينه وشينه تدوخ لكن وقت الالم تحسين بالالم ) يعني وش خانتها مادري
وتميت اسكر في غياب واقعد وقت الالم اصرخ هههههههههه يقولون لي خذي نفس وقت الالم لا تصرخين بتتعبين قلت انزين صايره الولد المطيع
عند الساعه 9 يابو صوبي وحده ولاده وما شاء الله متوسعه 6 سانتي ما اخذت وقت وولدت وشفت وسمعت كل شي اهيء اهيء اهيء وكلما هي صرخت وهم وياها وحواليها اني اصرخ تعالو لاتخلوني بروحي ليش تخلوني بمووت ههههه من ينوني اقول يهم تعالو في دفع هيهيهيهيهي وتييني الممرضه ركيض ويطلع دفع بسيط وهم يدرون اشلخ مو مال ولاده وكل شوي يزيد الالم ويزيد وتالي يوني وجهزوني على اساس ولاده وقالو من تحسين بألم ادفعي واني من خوفي ما ادفع هببببببببله والشي الثاني تغفي عيوني واغط في سكره مو نوم لكن الابر شكلها غلطه وارد اطلب ابر تبنج تحت هههههههه قالو مايصير المهم ويات الساعه 11 قالو يلا عصري عصري عصري .... واني تعبت قلت ماقدر اشفطوها بشي ياعلي مقتل اذا اتذكر عمايلي ولو مطاوعتنهم والله العظيم جان تسهلت انصحكم بنات اللي على وشك ولاده اسمعو كل كلمه تنقال ادفعي ادفعي تنفسي تنفسي واتذكر هناك ام خليل وافاهق على قولتهاااا هههههه تالي صارت 11:25 اللحظه الحاسمه وطلعت فرحة شبابي ((زينب))يوم الثلاثه تاريخ 28\3\2011 والحمدلله على النعمه وربي يحفظها ويقوم كل حامل بالسلامه ان شاء الله ويى طفلها
اطول قصة ولاده جنها موو؟؟؟؟؟؟؟؟؟
04-01-2011, 05:19 AM
رد: دردشة حوامل القطيف- تجمع بنات القطيف
توت برى 
جديد منتدى إستفسارات حوامل من الشهر السابع إلى الشهر التاسع
العرض العادي
