تجمع للبنات إللي يحاولون الحمل بتوأم أولاد بإذن الله وتوفيقه.

[ماما حياتي]

اووووف عصبيه وبس
اصرخ على عيال اختي
لين احس شد في بطني من تحت

مو طاقة نفسي
وبنتي امتحانات

كلمت مدرسه تجي تراجع معاها
ماستحمل اسألة اليهال خصوصا اول ابتدائي
ليه ! وليه؟ وليه؟ وليه؟

احس ببكي من القهر
هففف

خاصرتي تعورني وايد

ماعرف ليه اشرب ماي وايد وايد
ولا فيه فايده اعصر معاه ليمونه عشان طعم الماي كريييه
ومنقرفه :(


احس شد عضلي في العضله الي فوق الخاصره
قلت لدكتوره تقول عشانه (نمى نمى) هي اجنبيه وتوها عارفه معنى كلمة نمى = كبر = ينمو
ف كل ماقلت شي قالت ( هبيبي بيبي نمى نمى )
(لازم كل جسمي يجي كابير نمى نمى)

مو داخله ف مخي سالفة هل ( نمى نمى )
اذا حطيت شي على العضله نفسها ونمت عليها اضغط بقوه ارتاح يخف الالم

:'(

هففف خاطري اضربني مقهوره من نفسي احس سايره قبيحه ومهما اسوي قبيحه :'(
ماستحمل كذا

ابي الايام تمشي بسرعه واولد وارجع اهتم بنفسي

تصدقون من الاكتأب حتى شعري ما اسرحه ولا امشطه
اخذ شاور واللفه ف الفوطه واجلس بالروب والسلبر
بس

سار لي اسبوع مامشطته كارهته :'(

[أسيرة زوجي]

مساء الخير بنات

كيفكم إن شاء الله بخير

حبيبة قلبي ماما ليش هذا الزعل و الاكتئاب

لالا حبيبتي أنا ما أعرفك هيك

شوفي يا الغالية انسي الحمل و أمور الحمل و اهتمي بنفسك و بنتك لا تحسسيها من الحين إنك راح تبتعدي عنها درسيلها إنت شو تجيبيلها مدرس و هي توها في الابتدئي

لازم تصبري و تكثري من الاستغفار و الدعاء إنه يكون في بطنك ولد إن شاء الله
و تحنني على بنتك و تزيلي الطرحة إلي على شعرك و تريحي نفسك
و تطلعي تزوري أهلك و تنبسطي

حبيبتي الحمل مانو هم بل لازم تكوني قوية صحيح إنه في أشياء بتضايقك لكن القلق الكثير مو منيح لبيبي حبيبتي

لا تؤاخذيني في كلامي لكن يعلم الله إنه طالع من قلبي

[22MISS F0F0]

ماما حياتي
ياقلبي اقري ع نفسك واستخدمي زيت زيتون مقري فيه
وايضا خلي لك وقت بالبانيو وماي دافي وجو هادي استرخي طلعي كل شي من مخك كذا اننتي ترتاحين نفسيا كثيرررر
مثل ماقالت الاخت كثري استغفار ولاعصبتي وتضايقتي اقري قرآن تهدي اعصابك ووالله صدقيني بتتغيرين ان شاء الله

[ماما حياتي]

اه بنات متضايقه حييييييل
ونفسيتي كلش
وتهاوشت مع زوجي
اناني اقوله خاطري في عصير رمان
يقول تعبان اطلع بكره
وفي نفس اللحظه قال اوف خاطري في كباب
وطلع راح جاب له
وقال تعالي حياك ليفوتك
قهرني قهرني
بكيت لين تعبت

انا سار لي ١٠ ايام اقوله ابي عصير رمان
وهو يتعذر ب اعذار بايخه

ويوم جا في نفسه كباب علاطول قام وراح جاب
وهو يشوف كيف انا ماشتهي ولا اكل اللهم خيار كأني بطه :(
لا وبعد هالويك اند عنده دوره بيسافر وبيروح ينبسط ويهيص وانا بجلس محترق قلبي ومقهوره

بنات امانه من الغلط
انا كرهت نفسي
وعضلاتي توجعني ورجلي الثنتين منمله اخاف تكون انتكاسه
ضربتين ف الراس توجع والله


الحمد لله على كل حال

[أسيرة زوجي]

حبيبتي لا تلاقي اعذار عشان تعصبي و بس

اطلعي بروحك و جيبي عصير رمان

و الراجل مهما يكون راح يزهق من المرأة لما تكون عصبية كثير

لا تتعبيه من الحين و تتعبي حالك

الظاهر التعب بدأ يظهر عليك من الحين

اكثري من قراءة القرأن و الاستغفار و الدعاء
الله يخفف عليك و يريح قلبك يات رب
عن زوجك خليه يسافر يمكن لما يبعد شوي تهدا أعصابك

[أحمد حبيبي]

مساكن ورد

فوفووو ، هلا والله نورتي الغالية ، الله يوفقج يارب في كل امورج ويكتبلج كل خير ، والله يشافيج ان شاء الله غلط تكبين كاز وتقعدين فالبيت ريحته وايد قوية

ماما ، حبيبتي الله يساعدج فديتج ، لازم تهدين عمرج شوي ، استرخي واهدي ، شغلي قرآن استجمي اطلعي ، وترى كل الرياييل جذه انانيين هههه فلاتزعلين عمرج ، مري الجمعية خذيلج العصير او دقي على اي كافتيريا ، المهم هددددددي شوية ترى العصبية تأثر وانا اقولج هالشي من تجربة ، الله يحفظلج جنينج ويحفظج يارب

تحياتي للكل

[أحمد حبيبي]

صباح الخير

وين العرب ؟!

بسئلكن عن الكلوميد ؟! كم يكبر البويضة اذا حجمها ١٥ ؟!

فكرت اشرب واكل اشيا طبيعية بس خفت يصير تبويض زايد عن الحد هههه

الله يسخرلنا الحمل السليم بذرية سليمة تامة الخلقة دون زيادة او نقصان

تحياتي

[جنون الحب]

مس فوفو/

يا هلآ ويآغلآ ومرحبا
منوره أد الوشسمه ^..^

وينك مختفيه لا حس ولا خبر

لك وحشه..=)

حبيبتي القرحه مره خفيفه قالتلي تروح بالعلاج والله واخذتهم ونزل اوساخ الله يكرمكم كثيره وماء وسالفه والم وحاله وما امداني اتابع ايام التبويض صارت خربطه بس ربكم كريم يارب
حاليا رجولي احس رايحه فيها عظامي تألمني مدري وش السبب خفت انو نقص كالسيوم احس حوظي بيتفكك ><
اليوم الصباح اخذت حبة كالسيوم وخفت مرررره رجولي الحمدلله وآخر ظهري لكن الحوض احس مره مؤلم كأنه بينفك !!

قلت متى ما فظيت بروح اشيك عن الالتهابات يمكن تكون جايه جديده بعد ><

مـآمـآ/

هدي هدي هدي

وش فييييك كذا مره وحده انخبصتي :(

صلي ع النبي واذكري الل كل ما حسيتي انك معصبه او بتصرخي قومي توضي ولا استغفري

مو زين عليك تعصبي وتتزاعلي لا مع زوجك ولا غيره

ارتاحي وهدي ريلاكس ربي يكتب لك الخير

دايم استغفري لا تتركي الاستغفار

واذا ع العصير معلييييه مرده بيجيبه لك ولا ان رحتي لأهلك قولي لأحد اخوانك ويجيبه لك !!

لا تنرفزي حالك ترا كل شي يأثر ع البيبي ^_^

أم أحمد /

والله ماعندي خبر حبيبتي

اتمنى اللي استخدموه يفيدوونك فيه

واللي اعرفه انو البويضات لو صارت اكبر من الطبيعي هم بعد مرض يا كافي الشر ومايصير حمل ويبيله علاج وحاله

:)

الله يكتب لك الحمل هالشهر انتي وشموخي وانا ياكريم بتوأم زي القمر

بنات خلونا ندعي لبعض بالثلث الاخير من الليل يمكن وحده مننا تكون دعوتها مجابا بذاك الوقت وبظهر الغيب

وربي يرزقنا ويفرح قلوبنا :)

[أسيرة زوجي]

مساء الخير

منورة أحمد حبيببي إن شاء الله أحوالك تمام

حبيبتي الكلوميد يمكن يكبرها غلى غاية 20 و يمكن أقل و يمكن أكثر

الله يجيب إلي فيه الخير يا الغالية

جنون الله معاك و يشفيك يا قادر يا كريم

ماما يا ترى كيف أحوالك؟؟

جنون فكرة رووعة إن شاء الله راح ندعي لبعض

الله يتقبل منا حبيبتي

[22MISS F0F0]

اف ياجنون الالتهابات ذبحتني قسم بالله انا اذا ببدأ علاج اخلي زوجي ياخذ اجازه عشرين يوم بعدين اروح ع راحتي لان اجازته الاسبوعيه بس يوم مانستفيد ومتقلب عشان كذا ماينفع والمستشفيات العدله بعيده
الله يعين ننتظر انا يابنات بنتظر اذا قبلوني بدرس واذا ماقبلوني بخربها وبحمل كيفي ابي اتسلي ههههههههه
ادعو لي يالحلوات ربي ييسر امورنا ويكتب لنا الحمل بتوائم ذكور صالحين


ام حمودي
ياقلبي والله ماعندي علم بس انصحك جربي الطبيعي قبل الكلوميد ترا الكلوميد له مضار كثير فاالجئ للطبيعي قبل الضار وشوفي النتيجه وتابعي بستمرار اذا مانفع خلاص استخدمي الكلوميد وان شاء الله ماتضطرين تاخذينه


ماما حياتي
ياقلبي انتي هدي اعصابك لاتخلين التعب يسيطر عليك لاتخلين افكارك تسيطر عليك (تعبانه مالي خلق اسوي شي وخرو عني طفشانه مابي ) لا طلعيها من مخك ترا فاهمتك لان انا كذا وقت الحمل وولدي مسكين حملت عليه وهو صغير ودايم مالي خلق عليه واف وحالتي حاله الين عرفت كيف اسيطر ع نفسي بمثل ماقلت لك غيرت تفكيري م السلبي الي التفائل والسعاده
كنت من كثر ما اتهاوش مع زوجي بتطلق الين الله هداه وفهم انه هذا تغيرات هرمونيه
بخصوص العصير مايبي يشتري ولا يتناسي عطيه اسلوب عشان يجيبه لك وهو يضحك ولا روحي انتي اشتريه ماعليك منه انا ولدي كان خاطري بتكه دجاج ووالله طلعت التكه كلها بيد ولدي مسكين بس ا لزين انها ماتبين ههههههه


هدي اعصابك وتزيني وتدلعي دلعي نفسك وقت الحممل ربي ييسر امورك ويهديك ان شاء الله