¤ô§ô ~أحلى تجمع حوامل التوأم 2011~ ô§ô

[كاسبر]

هلا قلبو أحلى توينز
الله يبارك ف عمرك ويتمم علينا وعليكم بخير يارب

النور نورك حبيبتي ديم الوفا
يسلمو

كبس النووووووووم تصبحون على خير حبيباتي
أخليكم ف وداعة الباري

[دمعة اشتياق]

الله يتمم حملكم على خير ويعينكم على التعب والثقل
انا توني والده بتؤام بنات لي 20 يوم

[ميرة الورد]

مساء الخير والاحساس والطيبة كيفكم صبايا وكيف الحمل معاكم تخيلوا اليوم اكتشفت امي اني حامل بتوام لاني كنت داسة الخبر عن الجميع بس الكرشة فضحتني انا في الاسبوع 30 من مثلي

[الياه]

مســـــاكم خير وورد

شخباركم حبايبي، عساكم بخير وصحه وعافية
أنتم وكل من يعز عليكم
وشخبار حبايبنا التوينز


أشكر كل من سأل عني سألت عنكم العافية
لا آراكم الله مكرووه في غالي

الحمدلله يسركم الحال، وصحتي أحسن من قبل
راحت الحمى وبقى الزكام وشوية بلاعيم
والله يعيني على التهاب الجيوب الأنفية
وعانيت من "عصبه = شد عضلي" من تحت كتفي
لين نص ظهري لدرجة أني مب قادرة ارقد ولا ايلس
ارتاح بس إذا وقفت، بس حطيت مطارة ماي دافي
واحس عمري احسن
والحمدلله

يومي اليوم طويـــــــل
وكله آكشنات
نشيت الصبح وكشخت بنتي عندها حفلة عيد الأم
ورسمت على ويها

وأخوها غار منها وطلب ارسم له
وتأخرت في الطلعة
وعندنا امتحانات ومافيني اتأخر وعلى حشرة الأدارة
المهم طلعت وأول شي أوصل ولدي الحضانة
وولد أخوي بس الحمدلله اليوم كان ولد أخوي غايب
وعقب بنتي وعقب أوصل الدوام
واسوق وما عرف كم كانت سرعتي
بس الأكيد كنت طايرة
ما انتبهت انه في سيارات واقفة
وماشية على الخط السريع
واتفجأة بوجود حرمه كبيرة تقطع الشارع
مسكت بريك من قوة البريك كان الصوت فظيع
والحمدلله عيالي رابطين الحزام
ومادريت الا ولدي يصيح
وماعرفت شو صار، عقب انتبهت أنه الكرسي
اللي عداله تسكر من قوة البريك
الحمدلله ما تسكر عليه

كان بيني وبين الحرمه شعره
الله كتب لها عمر جديد
والله موقف كل ما اذكره ما عرف شو يصير فيني
وماقدرت اخبر حد باللي صار
عشان ما انهزب لأني أستهال الهزبه
ومصادرة السويج والليسن
في ذمتي عيالي الأثنين والأرواح اللي في بطني
بس ابليس استغفر الله ما اتوب عن السرعة
اسبوع اسوق بالهداوة وعقب انسى عمري
وداومت وكان عندي مراقبة واستأذنت عشان حفلة بنتي
الساعة 11م " ما استانست لأنه بداية يومي كانت صعبة"
وعقب خذتها وسرت يبت ولدي من الحضانة
وصلت البيت، والله العالم كيف كانت حالتي
واتفجأة بوجود افرازات لونها على بني محمر
واشتغل ابليس بالوساوس
وبديت احسن بمغص، وما عرفت شو اسوي
احترت وتعوذت من بليس، قلت بريح شوي وبشوف اذا
استمرت الأفرازات للمسا بسير المستشفى
والحمدلله اختفت الظاهر كان هالشي بسبب خوفي من موقف
الصبح، ما ادري أوهم عمري بها الشي بس عشان ماخاف

وسلامتكم طولت عليكم
والسموحه

[الياه]

ماشاءالله تبارك الرحمن

أشوف ويوووه جديدة، حياكم الله في التجمع
والله يتمم لكم على خير لين التاسع
ويفرحكم بشوفة التوينز
ويا مرحبا بكم

دموع الشوق

شخبارج، طمنيني عليج وعلى التوينز
والله يسهل أمرج ويعينج على الثقل
وان شاءالله تخطف الأيام وتنسين هالتعب كله بضمة عيالج لصدرج

أم جمانة

أخبارج؟؟؟ أنتم السابقون ونحن اللاحقون
شو مسوية ويا الثقل؟؟

ميرة الورد

يا مرحبابج بينا، والله يعطيج العافية
والثقل شي طبيعي، حوالي تغيرين طريقتج في النوم
وريحي نفسج بالمخاد وان شاءالله تلقين طريقة تريحج
وكله بأجره


آخبار كل المتواجدين بدون تحديد

بسير أقرأ اللي طافني ولي عودة
بإذن الله تعالى

[ام جومانة]

مساء الخير على الحلوات

[ام جومانة]

دمعة اشتياق
الف مبروك يتربو في عزك وعز ابوهم

[ميرة الورد]

اووووووف طفشت كل مادخلت ما الاقي احد موجود متى تدخلون ابي اسولف

[دموع الشوق]

هلا وغلا ام جومانه كيفك ياعسوله؟
اهلين ميره الورد حياكي انا قريبه منك

[الياه]

أول غــــرام

حبيبتي شخبارج عساج بخير، اليوم كان عندج موعد
شو صار عليج طمنيني
الله يسهل أمرج ويهون عليج الطلق ويرزقج ولادة سهلة
ويفرحج بسلامتج وسلامة التوينز


عــــذب، بنكي بنكي

أنتم على رأس القائمة، هالله هالله بعمراكم وبصحتكم
لا تجهدون نفسكم، وان شاءالله الله يكتب لكم الولادة السهلة
ويهون الطلق وتبشورنا بسلامتكم


رضاك ربي، أحلى توينز، أم دحوم، مجرد انسانة
الأمــــل، محبة رسول الله

وكل من سأل عني مشكورات حبايبي
على السؤال والله يعافيكم من كل شر


لموري

لاحول ولا قوة إلا بالله
الله يرحمهم وييلهم كم الصبر والسلوان
قدر الله وماشاء فعل وكل شي عنده بمقدار
وان شاءالله يشفعون لج ولوادهم
رددي دوما
اللهم أجرني في مصيبتي ، واخلف لي خيرا منها
والله بيعوضج خير أن شاءالله

maha8181

سلامتج ألف سلامة، ما تشوفين شر
جربي العسل مع ملعقة صغيرة كركم، ماله طعم أبد بس مفعولة
سريع مع الكحه استخدمته في حملي والحمدلله راحت الكحه
ما تشوفين شر الغالية
ومبروووك دخولج الثامن وعقبال التاسع
ومبروووك الأجازة وعقبالنا


تعبت وأنا أحاول الحق اللي طافني في الصفحات
وصلت 1015 جدامي درب طويل :(