ديوانية البحرين - دردشة حوامل البحرين - البحرينيات

[Roze]

رحت ليهم من الزهقه من الشهر الثاني
وكل شهر اروح اتابع وياخدون كل شهر 25 دينار
بس الشهر الي راح اخر مرة يعني افتت الدكتورة اتقولي عندش التهاب وسيده كتبت صواريخ بدون ماتتاكد انه عندي الالتها واخذت خزعه وقالت بتصل اذا في شي ولا اتصلت ليومش من قبل اسبوعين رايحه وضاربيني ابره مالت التطعيم وغير جدي طحنو جبدي من الشهر الرايع وهم يلعون لي علا اشعه لازم اسويها قلت لهم مابي اشعه كفايه كل شهر هذا الالتراساوند قالت لا ام الابداع دكتورتهم حتا اصابع البيبي يراوونش قلنه امرنه لله وبنسويه وطلعنه من هالموعد الاقشر رحنه انحاسب الا ماخدين عليه 73 دينار قيمة الاشعه والخزعه والادوية والابر وشلخهم وتالي مارحنه حق هالاشعه الا نفس جهاز الالتراساوند مال كل شهر قلت ليهم تعالو الا نفس الجهاز ليش تاخدون 31 دينار عليه انا كل شهر اسويه 10 دينار قالو الدكتورة خبيره الي بتسوي لش ههههههههههه تالي جت ام الخبره تحوس وتحوس وساااااكته بدون ولا كلمة احنه نتسال فيها مادري متملله من حياتها ماادري غبرة زمن هههه وبس هذا الامريكي*

[فلونة]

عليكم السلام طفلووو..

هههههههههههههههههههههههههههههههههههه انتي ما تيوزين عن حركاتج .. وينج البارحة شكلج كفختي روحج وطلع لج حرار كله بسبت النت لووووول

وان شاء الله باجر باروح ويا زوجي والله يسر امووري واموركم يارب

[Roze]

طفلو لا قولي ليعا ريلي مسؤول كبير في الصحه يقدر يقشعش انتين باهلش يرجعش بنغلادش وبنسوي لش فونش حتا الاكل بتاكلش هذولة الهنود مايمشون الا جدي

[فلونة]

روووز ... الله يعيينج انتي عيل للحين ما جهزتي حق بنتج ولا شريتي شي والميزانية كلها راحت حق هل دختر وعلى قولتج شقتج اللي للحين ما خلصتووها .. عيل الوحدة ليش تكرف 4 سنين وتبي تشتغل .. << ردينا على هالموضوع :p
الحمدلله اهم شي تطمنتي على بنووتج وكل شي يتعووض اهم شي السلامة.. والدكاترة كله ضايق خلقهم وما لهم نفس يشتغلوون انا نفس الشي اقولها ابي اجووف البيبي تقول لي الجهااز قديم المهم اقيس كل شي لج وخلااص
هههههههههههههههههههههههه بس ليش من الشهر الثاني رحتي انا اول موعد لي كنت في الشهر الرابع .. امتى كانت آخر دورة لج؟

[طفلي حياتي]

تطنزي فلونو اني محاسبه لنفسيتش مابغي اراويش لا تصيحين
بقوم اصلي احسن ليي وباكل لي شي وبايي مو تقومون يالكريهين
روز اني عقب ماحملت من علاجي في الامريكي رحت اول شهر لان من اول شهر الوسواس ضارب ورايحه بشوف بالسونار فيه جنين لو لا وفيه نبض لولا من اول شهر ابغي نبض توه 4 اسابيع حتى الدكتوره حسيتها تقول في خاطرها اني هبله اني ماقلت ابغي نبض بس ابغي اتطمن فيه حمل لولا تصدقين اخذت السونار وراوتني كيس الحمل ولو قالت وقتها انه بس كيس جان طحت مغمى عليي وطلعت من عندهم ويزيد الهم عليي ونياح وصياح وصرت مينونه قلت لزوجي تعال اقرا عليي احس روحي بمووت احس فيني شي يعني بلاوي صادتني
بس الامريكي قلت ما بتابع وياهم ولا شي ليش الخساير رحت المركز وتميت اتابع ولو ان متابعتهم خرطي لكن رحت السلمانيه اخذت موعد وتطمنت على روحي وتميت ويى المركز وبس
والحين هالمركز مرهم مر اني اطلب الفحوصات والتلفزيون وهم غافيه عيونهم كتبت وايد تعبت اففففف
بقوم اصلي يا الله برب

[فلونة]

اشفييييييييج على الهنوود رووز هههههههههههههههههههههههههه .. اختي ما كان لها سرير في السلمانية الا امي تقول لهم لو ياية لكم هندية حصلتوا لها سرير

جنننه وااااااااااااايد برررد ... البارحة احتررقت الدفاية على قولة ريلي يقول 24 ساعة تشتغل ووين ما تحترق

[فلونة]

طفلوو توج عارفة انج هبلة :p .. نسألكم الدعااء ،، تدرين انا ما قدرت اميز النبض بوضوح الاا في الشهر الخامس :s وانتي حضرتج من اول اسبوع تحاتين النبض
انا وراي غدى وباغسل مواعين العشى مال البارحة .. ماحب اغسل موواعين :(
باروح اسوي شغلي وباطل عليكم كل شوي .. اذا رجع سي السيد والشقة مقلوووبة جذي بيعفسني ما يحب اللوية

[Roze]

هدا قمت انشر الفياب وتوي يايه

اي يختش خسااير بس استغفر الله

من الشهر الثاني لو يروحون لهم قبل الولاده مايقولون لا ههههه
اخر دورة كانت 7/ اغسطس
واحين بقوم اتغدا وبرجع

[أحلام أم]

هلا وغلا بكل أمهات الدبيب وإللي ماعندهم دبيب
ماعندي وقت عليي أسوي تقرير لعلاوي وأراجع وياه رياضيات وبنتي عليها دين الله يعيني
لامسكيين ريلي كسر خااطري ،هو يدري أني أتزهق وتعباان ويايي والله مابيسامحني على التفلة ولايروح مخكم بعيد مي تفلة نفس الناس إلا بالكلام أقوله تف أول مرة أسويها حتى هو قاام يضحك ويقول تتفليين عليي ،مسكيين يحسب ألف حساب لين دخل عليي المطبخ وأني أشتغل لويش يتحرس بعد أنزهق يقول إن إلى الله وإنا إليه راجعون
فلونة
ترى أني بعد ريلي زاامات وتصدقين لين يروح أخر ليل أقفل كل البيبان حتى بيان الحمامات والدرايش والدرايش عليهم سفتي وأعلق ليتات بره وساعات أحط كم نعال على باب الصالة
الأول موجدية قلبي قوييي درازيييية ،بس من تحولت في هالفريق ودروى بعض الناس أناام بروحي وزوجي زاماات ماشفت روحي إلا أخااف مع إنه فريقنه ليتات شوارع على طولة والشارع إللي قدام بيتنه يربط مدخليين الفريق ماتعبط السيارات من المرور علية طول اليوم
باقوم إنجاان أكمل تقرير علاااوي ويمكن أمر على ماتم الوالدة العصر

[طفلي حياتي]

فلونه اني مراعيه لش وساكته لا تخليني اقلب عليش ترا بتتعبين صدقيني
تصدقين ريلي اذا ارتب واعدل المكان واتعب عدل لان يعفسه عفاس يقعد يتصيد لكن هذا ماسويتينه ويبط جبدي عدل اقول له تركت كل شي وقاعد تتصيد
توني اول امس مرتبه الشقه كامل ترتيب مابعده ترتيب والحين تعالي شوفي منظر الحجره والله العظيم عفسه منه كانه ياهل ثيابه مقططه والكتب والاوراق وكل شي يستخدمه يقطه يبط جبدي اذا علق على شي الحين يبغي لي اتنفس عشان اقوم اقفض عفسته الله يهديه بس