ديوانية البحرين - دردشة حوامل البحرين - البحرينيات

[Roze]

المشاركة الأصلية كتبت بواسطة فلونة

الله كريم يختج اكرم والطف وما بيضيع تعبنا ان شالله انا والله مهمومة حدي ونفسيتي تعبلنة من سالفة التوظيف و خبرج الواو مشتغلة في كل مكان في الديرة من زود التفكير طلع لي شيب ،، ان شالله نتوظف بتعبنا بدوون واسطات

ههههههه ولاتهمين قلبش
تيجي نولد ونكبر عيالنه ونجوزهم ونطمن عليهم وبعدين نفكر نتوظف علا اقل من مهلنه هههههههه

[فلونة]

حبيبة انا علا حسبة الدورة المفروض دشيت التاسع وكله احس بنوع التشنج تحت بطني اذا انبطح ماقدر اقوم واليوم رحت امشي رجعت امشي جني بطريق كله اوسوس خايفة يكون ااحوض ضيق علا البيبي لانه شي غرريب هالالم ،، و يلا كلها جم يوم انشالله و بتشررف فطووم

رووز وانتي من اهله حبووبة نوم العووافي

طفلوو وين غاطة انتي

[فلونة]

رووز والله ضحكتبني وانا ما لي بارض لوووووووول الله كرررريم والله يعطيج علا قد نيتج يلا احلام وردية

[حبيبة حسوني]

لا عادي لاتحاتين حبيبتي قلت ليش هذا لانه البيبي راسه تحت
ويضغط بقوه عليش منجدي تحسين بتشنج على قولتش ولانه عضلات الحوض تتهيأ حق تلين وتسهل الولاده ويتوسع الرحم منجدي نحس بهالالام اني بعد من اقعد واقوم يعورني من تحت الحوض بشكل مو طبيعي يالله الله يسهلها علينا يارب

[طفلي حياتي]

فلونه يعني هذا الشي يزعلش اذا قلت تعرفين وخاشه عيل اذا ماقلت هالحجي شلون اقهرش انزين اخر مره اقول بشوف لي حجه ثانيه

[فلونة]

انا غربلني هالتلفون ادري اكتب كلمات كله غلط،، طمنتيني حبيبة الله يريح هل سالفة احاتيها لانه متعقدة من الولادة القيصرية الله يبعد الشر عن الجميع وايد من الاهل سوو لهم عملية بسبت الحوض يكون ضيق،،، و زين تسوين تشربين زعتر والحليب الساخن ويا العسل جربيه بعد ،، جهزتي شنطتج حق الدختر و وين ناوية تولدين السلمانية او جدحفص

[فلونة]

بييي طفلوو صح النووم وانا ما زعل منج اخذج علا قد عقلج ههههههههه بس هالسالفة وايد ناس تحن عليها اهني وبيت خالتي وامي واختي وانا كله احللم من جذي ابي اتناساها يا منال العالم

انا جارجي شوي ويخلص

[فلونة]

انا عطشانة وغرشة الكولر خلصت مافيها ماي شاسوي طفلووو

[حبيبة حسوني]

اي حبيبتي جهزتها من اول مادخلت التاسع وحمد لله خلصت كل اغراضي
باقي بس نور عيوني فطامي تشرف
ولاتخافين من هالسالفه قلت ليش لاتنظرين للامور بشكل سلبي دائما اتفائلي
من وحده لوحده يختلف الوضع واني ان شالله بولد في جد حفص

[فلونة]

حبيبة الله يسهل عليج،،، جدحفص غرفة الولادة جنه اسرة بينهم ستاير بس وكل وحدة تسمع معاناة الي يمها السلمانية فيها خصوصية اكثر بس ماعندهم اهتماام مولية ان شاالله نولد ويا ممرضات يساعدوونه ويتحملوناا شوي وما يخلونه بروحنه نطلق ونولد