دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

caramela · 09-12-2011, 07:59 AM

اهلين كروشات ..
اخباركم ؟؟ واخبار البنبينو ؟؟ واهلكم
كوين واميرة الله يسهل علينا يارب وعلى كل الكروشات .. وشكلي حروح الربوة إن شاء الله ..
جامعية ياقلبو مايوحشك غالي يارب .. كيفك وكيف بنوتتك ؟؟

جامعية · 09-12-2011, 09:29 AM

الحمدلله انتي اخبارك كراميلا؟؟

بنتي صايرة دلوووعة ومتعلقة فيني بزيادة كانها حاسة انو في بيبي جاي بالطريق

وع قولة كوين متعلقة اكثر فابوها زي بنوتتها

الورد2 · 09-12-2011, 10:47 AM

انا ان شاء الله ابغى اخلي زوجي يدخل معايا وقت الولاده

عشان احس بالامان كدا اكثر

الله يسهل ولادتنا يااارب

وانتو تبغو ازواجكم يدخلو ولا لا؟

Queen DadoOo · 09-12-2011, 12:21 PM

صباح الخيير كروشات
كيفكم وكيف نوناتكم ؟؟
رحمة الله الواسعة الله يرزقك الحمل السليم المعافى عاجلا غير اجلا
كرميلا يلا تعالي الربوة نتقابل ونفحححط مع بعض ونشوف مين تولد قبل ههههههههههههه
جامعية ايوا والله مررة متعلقة بأبوها اكثر مني الله يعينني على زنها اذا رحت لاهلي في النفاس بتجنني دايما لما اروح احسها بس طفشانة ومعصبة وتبكي
بنات خوفتوني انا اخوات زوجي يستخدموها وقالولي عليها وطلبتها تقريبأ ب400
هي في صندوق اعشاب واشياء تبيض خلاص بتوكل على الله واجربها
الوردة انا يدخل معايا الولادة لاا اما الانتظار حياه الله

ام سيلا · 09-12-2011, 12:34 PM

اخباركم كروشات انا صايره لما يطلب مني زوجي النوم اتعذر كثير له عشان يتعبني مره بس انا في الشهر السادس وش اسوي اخاف يزعل مني

الورد2 · 09-12-2011, 01:37 PM

ام سيلا انتي معايا انا بداية السادس

وعلى سؤالك انا والله زيك ما يوجعني بس النفسي مو مره

انتي اسألي الدكتوره الي تتابعي عندها

Joana · 09-12-2011, 02:07 PM

مساء الخير...كيفكم بنات.....

انا ليا كم يوم احس بضغط شديد من اسفل...و الالام زي الدوره ان شاءالله اكون قربت...

انجي...استخيري...انا زيك كنت محتاره....بعد تجربتين في الولاده... و استخرت

و ان شاءالله اولد في التونسي....و قلتوا ان الزوج يدخلوه...مع اني سمعت وحده

في المنتدى تقول ما يدخلوا..كذا حلو..و انا أيد دخول الزوج...دعم معنوي و نفسي...و هوا

ماحيجلس تحتك ..حايكون جنبك...

اميره...ما اعرف شي عن منى...لسه جديده على التونسي...

و على المراجعه...افضل الوحده تتابع في مستوصف...و بعدين في الشهر

الشهر او الشهرين الاخيره...تتابع في المستشفى اللي بتولد فيه...عشان تنفك

من الزحمه و المواعيد...

كوين....استخيري قبل ما تشربي اي شي من اشياء النفاس...

الورد2...الله يسهلك...و بعد ما اولد ان شاءالله في التونسي...اقولكم...ايش صار..

انتي تقولي انك في الشهر السادس....بس شريطك يقول انك في الثاني...شكله

واقف ما يتحرك....

أميرة الوجود · 09-12-2011, 03:36 PM

جامعية ياقلبي والله انك حاسة فيني.انا لما قالت لي عصمت انه ولد ماصدقت وما قدرت اقول لاحد لان زوجي كمان حبطني قاللي لا يعلم مافي الارحام الا الله لا تتسرعي وتقولي لأحد .وما ادري ليش لما قالت تهاني بنت صدقناها سبحان الله هههههه عموما انا انتظر رجوع دكتور الاشعة من اجازته علشان اكشف عنده. اما سؤالي عن منى فهو لوحدة صديقتي ما عندها نت وقالتلي أسألها عن منى.

كوين يعني انتي تعرفي ناس جربوها ومدحوها لك. اممممم احسب انك ما تدري عنها. الله يعطيك خيرها ويكفيك شرها
جوانا ربي يفرجها عليك بسرعة يارب انتي وكوين وكراميلا وكل الحوامل يارب .كل ما حسيتي بمغص اتحركي امشي لا تقعدي علشان لو كان طلق يحمى .هم كذا يقولوا. انا عن نفسي اصير ثقييلة حتى لما امشي بره خطواتي بطييييئة وكثيرين يقولوا اتحركي بسرعة كذا ما ينفع
الله يعطيكم ساعة السلامة يارب
ام سيلا اتوقع كل الحوامل كذا مايبغوا ذا الشي ويستاهلوا الرجال موهم يقولوا احملي احملي.جات على راسهم ههههههههههه.*

شعاع الشمس الدافئ · 09-12-2011, 03:37 PM

هااااااااي كروشات كيفكم وكيف الحمل معاكم يارب يتمم لكم على خير يارب ويسهل ولاداتكم اللهم امين
بالنسبة للتونسي اذاا يدخلون احد انا في البداية جاني خووووف فضيع من الولادة وجلست ابكي فلما شافتني الممرضة قالتلي تيغين احد يدخل معاك فانا قلتلها لا مع انة على الباب في قسم الولادة مكتوب ممنوع
وانا ولدت عند تهاني والله مرة طيبة وصبوورة وطلبت خياطة تجميلية بس للحين ما طاحت مرة متعبتني
وعلى طول انا دخلوني غرفة الولادة على نفس سرير الولادة بعدين يغيروون الوضعية على شكل كرسي
بس اللى ماعجبني يطلعونك غرفة التنويم وانت بالباس الاخضر حق الولادة قلتلها ابغى اغير هنا قالت لافوق غيري ملابس
بس بصراااحة انا اهم شي كان عند الدكتورة المستشفى مو مهم يووم طالعة
والحمد لله لحظات صعبة عدت على خير يارب لك الحمد كما ينبغي لجلال وجهك وعظيم سلطانك
وعقبال الجميع يارب نفرح بسلامتكم وسلامة البيبي اللهم امين

أميرة الوجود · 09-12-2011, 03:41 PM

اما عن زوجي ابغاه يدخل شوييييية يسمع الصراخ ويخرج ،عشان يتأدب ههههههههههههه

وانا ولدي ما يحبني في ذا الحمل وبنتي يووووووووه انواع الحب والدلع