تجمع حوامل ليبيا

[ام قصى محمد]

مشاء الله على عيون بازين غلبتينى يسلم ايديك
انا عن نفسى لما امى ادير غداها بازين تعزمنى لان راجلى يحبه وانا مانعرفش انديره واهلى يحبوه فانمشى منها تغدايا عن هلى ومنها راجلى ياكل بازين
ايه شكلك شطوره وحره مشاء الله وصفتك ساهله راح نقولها الى امى ورح تدعيلك
بس ايه انتى حامل صح وعندك وليد عمر عمرك وانتى من وين سامحينى قله تركيز
توباز شرفتينا ونورتيى قعدت الليبيات
انشاء الله تكونى حامل وتعوضى الشهور الى ماضيه
والله يحفظ راجلك بس استنى لعند ما يهلب موعد الدوره وبعدها اعملى تحليل الحمل فى واحد زى الجهاز مش غالى 3 دينار يجنن ونتيجته احسن من بتاع الشريط هذا اجلك الله مش تنوضى فى الصبح وتخشى تبى تتخففى قعمزى واعمليها عليه يعنى (البول) وسكرى المغطه بتاعه واستنى شى كم دقيقه وراح تطلع النتيجه بس راكى تنسينا من الحلاوه

[ام قصى محمد]

هاتو انتى المرحله الى انتى بيها توا انا كنت زيك حامل وبنتى نومه معكوس والله ديما مرهقه وحسيت انى انا غلط بس بعدين سكرت راسى وقت الى نبى نرقد ترقد معاى حتى لو مش نعسانه نطفى ضوايا الحوش كلهم و ونحطها تالى فى المرقد وندير روحى راقده تعرفى تجرب توعينى تجرب تبكى ولا على بالى والله تمت ترقد وتنظم نومها وانا ارتحت

[ام قصى محمد]

يالا انا باى شكلى لى ساعه ندوى بروحى
المهم الضى والميه والغاز مشاكلهم كتالى :
الضى كان كان ينقطع علينا بس توا الحمدلله من مده وهو ماينقطع بكل
الماء انا منطقتى من قبل الثوره بسنين تجينا يوم وتنقطع علينا شهورلذالك المياه نشرو فيها سيارات الميه واذا نبى نغسل فرش نشيله الى اهلى الميه متوفره عندهم
الغاز عندنا بدرنه الحمدلله معقول يعنى مش متوفر بكل بس فى يجى بس تقعد عليه زحمه واصلا نحن من قبل الثوره وهو زحمه وكان اغلى توا ارخص
البنزين لا الحمدلله متوفره ومافى مشكله فيها

[ام قصى محمد]

مع السلامه

[hatoo]

اختي توباز ان شاء الله ربي يفك اسر ولاد عمك وبالنسبه للاختبار انسب وقت اول ماتنوضي من النوم

[ام روفيدة]

المشاركة الأصلية كتبت بواسطة ام قصى محمد

السلام عليكم
مشكورين الى سال عليا
انا كنت مشغوله برجوع ابى من الحبهه سرت مصاب فى ايديه اليمين بطلق نارى من قناص
وسيب وراه خوتى الاثنين الله ينصرهم ويرجعهم سالمين
تصدقوا يحكيلنا على المعارك تقول فيلم اكشن الرصاص والقذائف الله اكبر
ولما تتفرجى على صور اصحابه ويقولك هذا استشهد صعبه صعبه الحمدلله تصدقوا قالنا اندير العمليه ونرجع
قلت له انشاء الله تتحرر الليله وماتضطر ترجع
الاصابه جت بين اصابه والدى سلاحه اربى جى
والقناص اوكرانى تصدقوا فى المعركه هذى استشهد 13 واحد مع ابى نجوته كبيره
قال مشكلتنا فى القناصه

ام قصي ألف لابأس على والدك وطهور إن شاء الله وربي يحفظ خوتك ويردهم سالمين غانمين ويرد كل غائب لأهله سالم غانم اللهم امين
بالله طمنينا على بنتك كيف حالها الايام هدي من الحساسية أسأل الله العظيم رب العرش العظيم أن يشفيها اللهم امين

[hatoo]

والله خذيت بنصيحتك ياام قصي وطفيت الضوايا والحمدلله رقدت

[ميراس]

السلام عليكم ورحمة الله وبركاته

[ميراس]

ام قصى الحمد على سلامة بوك انشاالله اصابته بسيطة وانشاالله يرجعوا خوتك بالسلامة ياربى وانشاالله ياربى كل المجاهدين يرجعوا بالسلامة

[ام قصى محمد]

السلام عليكم
الله يسلمك ام رويفده الحمدلله بنتى بخير والحمدلله قالولى على العرعار نطبخه لها مع حليب الصبح مشاء الله خفت على طول الكحه
والوالد بخير حوله اليوم الى بن غازى عشان لازم ايدير عمليه على ايديه لان الرصاصه مطلعه اللحم وماقدروش يخيطوها له وقالوه لازم يشيل اللحم الى طالع عشان الجرح يلم هو اليوم ماشى مع امى واخوتى لبنغازى

هاتو الحمدلله النصيحه نفعت بس ابدى التزمى بيها وانتى انشاء الله ترتاحى ما باحبيبتى حمل وسهر صعبه عليك

ميراس مشكوره حبيبتى انتى طمنينا عنك شن صار معاك طمنينا اسال الله العظيم رب العرش العظيم ان يشفيك