دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[فليك]

كوين - الله يسلم عمرك يارب
مساؤكم فل .

[انتظار الفرج]

المشاركة الأصلية كتبت بواسطة queen dadooo

مساء الخير كيفكم ان شاء الله تكونو بخير؟؟

انتظار الله يسهلك ويسهل لنا ولجميع الحوامل ياارب
المستشفى ماعندي فكرة عنها كلها يمدحوها وان شاء الله البنات يفيدوكي اكثر
ارواب الولادة في الحجاز والضيافة وفي باوارث اسعارها حلوة عندة وفي العتيبية
شنطة المستشفى انا جهزت للبيبي طقمين وبامبرز
وليا اخذت روب استقبال وملابس داخلية وشراريب وكريم مرطب وسائل ديتول للاستحمام وفرشة ومعجون للاسنان واولويز وكريم شعر ومشط ومزيل عرق وحفاظات للصدر ومنشفة
وكل مااتذكر شيء اروح احطة في الشنطة
يابنات شوفو اذا ناقصني شيء قولولي
والله يسهلها يااارب
دعوااااااااااااااااتكم

الله يجزاكِ خير وفي ميزان حسناتكِ يارب

مشكورة ما قصرتي

[انتظار الفرج]

المشاركة الأصلية كتبت بواسطة انتظار الفرج

مبرووووووووووك للاخوات اللي ولدوا بالسلامة

شعاع الشمس الدافيء ومنال 2010
وعقبال الباقيات على خير ياااارب

يااخوات زوجي قالي عندكِ حراء والنور تروحي تولدي بواحد فيهم

وأنا إلى الان ما فتحت ملف لا بحراء ولا النور ومحتارة

اسمع ناس تقول النور احسن وناس تقول لا حراء مررره حيروني

من تجاربكم يا اخوات وش تنصحون فيه؟

وبعدين انا توني بكرية واسمع عن شنطة المستشفى وش احط بهالشنطة بالضبط؟

ومن متى ابدأ اجهز؟

انا للحين ما شريت سرير للنونو ممكن تدلوني على اماكن جيدة واسعارها طيبة بمكة لأني جديد ساكنة بمكة وما اعرف فيها شيء؟

وارواب النفاس من وين اشتريها دلوني على محلات حلوة؟

يابنات اي وحدة عندها معلومة عن مستشفى النور او حراء لا تبخل بها علي واجرها على الله

[caramela]

وعليكم السلام ..
كيفكم يابطبوطات ..
وكيف حال اهلكم والبنبينو ؟؟
ربنا يسعدك فلك بجد فكرتك حلو حتى ماما تقولي في المستشفى يعطوكي زي كدا وافكر اسوي ..
وجهزة كل حاجه الحمدلله باقي ارتب الديكور في صالون الضيوف ..
واستنى فرج ربنا يارب ياكريم ..
انتظار الفرج .. عن مستشفى النور صراحه معرف حاجه .. بس علشان الشهرين الاخيرة فكرت في حراء وإمكن اولد فيها جبت دي المعلومات .. انو لازم يكون عندك ملف علشان تولدي وإذا ماعندك عادي تدخلي طوارئ بس ممكن ياخدو منك فلوس رمزي 300 او 500 وانا روحت هناك طوارئ اجرب ماشاء الله يسولك كل حاجه لازمه حتى لو ماتحتاجي بس حسيت الممرضات مو مره والله اعلم دي زياره وحده بس ودخلوني عادي اخدو مني كرت العيلة ودخلني طوارئ << دي كل تجربتي مع حراء
بس تقريبا يمدحو اكتر الدكاتره إلي فيها وربنا يسهلها علينا يارب من ولادة ويسخر لنا افضل
دكاتره وممرضات

[بنت الشريف]

صباح الخير ياكروشات مكه فلك عند مين سويتى المكياج فى ملاك وتسريحه عندمين عندى فرح يوم الاربعاء واول مرة اروح ملاك

[أميرة الوجود]

صباح الرضا والسرور
فلك طريقتك حلوة .كوين انتبهي من اولويز تسبب حساسية من طول فترة الاستخدام
يا بنات فيه فوط اسمها لوتس كبيرة ومريحة وناعمة ما تحسي فيها ابدا .وفيه كمان فوط اسمها فام ريلاكس كمان تجيك كبيرة مرة وناعمة انا استخدمها

كوين لاتنسي تاخذي معاك حليب للرضع ورضاعة صغيرة وموية الاطفال اللي في الصيدلية علشان اذا حليب الصدر ما نزل .ومرهم ميبو. وعباية احتياط.
كمان وهذا مهم يابنات خلي معاك قارورة موية صغيرة تحطي فيها قطعتين مرة ولما تخلصي ولادة على طول اشربي منها كذا مرة في اليوم وهاذي فايدتها ان الخياطة ما تلتهب ان شاء الله
وانا لاني ما احب اكل المستشفى اخذ.معاي معمول بر. لاني في الولادتين السابقة مأحد اهتم فيني. اهلي يستنوا زوجي يجيبلي اكل .وزوجي يقول ليش امك ما تجيب لك اكل وكلهم يعاندوا بعض فيني .وانا اللي اروح فيها .فخلاص الله يساعدني ولا يحوجني إلا لوجهه الكريم
وما تتخيلوا عندي غلاية صغيرة قد الكوب الكبير اخذها معايا واغلي موية واسويلي حليب .لا تضحكوا عليا بس والله مرة افضل كذا
وربي ييسرها على الجميع

اللي فيكم يجيها طلق على طول تروح تشرب كف مريم لانه يفتح الرحم بسرعة ان شاء الله

[Queen DadoOo]

اهلين اميرة صباح الفل
كيفك وكيف النونو جهزتي والا لسا
انا استعمل الويز للبشرة الحساسة
والرضاعه المستشفى يعطو البيبي حليب ورضاعات ويجيبولي اكل على طول بعد الولادة وموية حارة وحليب ليا وشاهي ونسكافية واذا اكلهم ماعجبني اجيب من برى
بالنسبة لاكلك زوجك هو المسؤول عنك مو اهلك اتصلي عليه وخليه يجيبلك
وامرة خايفة تنشف الخياطة وتطيح بسرعه جربتها ببنتي كنت اشربها واغسل فيها طاحت الخياطة بدري بعد اسبوع
زوجي صاير كل دقيقة ها فيه الم هههههههههه

[أميرة الوجود]

كوين انا الولادتين اللي ولدتها كلها كانت عند اهلي في مستشفى ينبع في الهيئة الملكية علشان كذا كان زوجي يقول انا توني جاي من السفر والمفروض امك تكون مجهزتلك اكل مناسب .وهو معذور لانه لما ادخل المستشفى هو يستأذن ويجيني من مكة فيكون طاير يبغى يشوف النونو يجي يلقاني لوحدي واهلي في البيت وهو ما يدل في ينبع مطاعم بس يعرف طريق السوبر .وبيني وبينك انا علشان كذا قررت هاذي المرة اولد اولد عند زوجي هو يعتني فيني.بس والله جاتني عقدة لا تلوميني . والمستشفى في ينبع كل اكلهم بارد والله حتى الحليب يجيبوا حليب السعودية من الثلاجة وععععع. استغفر الله العظيم .واذا طلبتهم شاي جابوا موية يادوب دافية وكيس شاي وسكر .وتعرفي الوحدة يصيبها برد وتبغى تدفى. والله احسب ان المستشفيات الحكومية كلها زيهم.
الله يسامحك بعيت كل اللي عندي ههههههههه

[أميرة الوجود]

اقولك شئ يمكن ما تصدقيه
المستشفى مرة يمدحوه طيب اقصد اللي في ينبع طبعا بس انا ما شفت شي طيب عندهم تخيلي بعد ما ولدت بنتي وخلاص خيطوني لسه اصرخ من الألم قمت انادي عليهم في الآخر انتبهت وانتبهوا هم ان ابرة الطلق الصناعي اللي تنحط في الوريد ماشالوها من يدي .قاموا بسرعة شالوها وهم مرتبكين
وتمنيت اني جيبت بطانية ثقيلة جاتني نفضة برد والله اسناني تصكك في بعض وهم ما عندهم الا لحااف خفيف مرة.
والله يا كوين اني شردت شردة من عندهم مو خرجت من قلة الاهتمام.وما ادري ليش انطبع في بالي ان كل الولادات تعب وارهاق .وما حطيت في بالي ان المستشفيات مو زي بعض

كل اللي افكر فيه النونو يطلع بخير

[شعاع الشمس الدافئ]

كيفكم كروشات مكة الله يسهل على الجميع يارب
وبالنسبة لمستشفى حرا ءانا والده فيها قيل 3 سنوات والله تمام الحمد لله في الولادة والرعاية وكل شئ بيدرب العالمين الله يسهل على الجميع يارب