¤ô§ô ~أحلى تجمع حوامل التوأم 2011~ ô§ô

اول غرام · 03-19-2011, 11:40 AM

البنات الي يبون يفتحون تجمع جديد
التجمع دوبنا فاتحينووو من شهرين ... هع هع

الياه · 03-19-2011, 11:43 AM

مساكم خير كرووووشات

أمـــــــل ، ورضاك ربي

سألت عنكم العافية انتم الوحيدين اللي افتقدتوني
الحمدلله على كل حال
أن شاءالله أمووووركم طيبة

يوم الأربعاء سرت عن دكتورتي في الخاص
وطلع عندي اتهابات نسائية فظيعة
والتهاب في البوم وانتم بكرامه
وهو سبب التقلصات اللي احس فيها
عطتني كريم وتحميلة وحبوب
بس احس الوضع على ما هو عليه من 3 ايام
واليوم رشح على زكام وشوية بلاعيم
وحرارة مفتته جسمي مب قادرة لا انام ولا ايلس
حتى الأكل مب مشتهيتنة أبد
توني خذت بندول
واذا ماياب نتيجة للعصر بمر المستشفى
ان شاءالله
والله يعافي الجميع من كل شر
ويديم الصحة والعافية على الجميع

أول غراااام

أخبااااارج الله يقويج ويبلغج شوفة التوينز
وأنتم بصحه وعافية
بقولج عن تجربتي لزيت الخروع وتجربة أختي
وانت حكمي
بس عطيني دقايق

رضاك ربي · 03-19-2011, 11:59 AM

اول غرام ربي ييسر امرك ويقوي عزيمتك ويحفظلك التونز

عذاري اسعدتينا باخبارك ربي يكرمك ضمتهم وهم بوافر الصحة والعافية

الياااااااااااااااااااااااااااه نورتي الغالية اجر وعافية يارب حتى انا الزكام زعجني بنومتي ليلا بس سبق الدكتور اعطاني فيتامين سي فوار وجيد انك اخدتي بندول واذا على علاج الانف اعطاني Otrivin Drops نقط انف للبالغين اسألي طبيبك عنهم جدا ريحوني بالزكام

الياه · 03-19-2011, 12:01 PM

أول غرام

والله اني تعبانة بس دخلت عشان عيونج
لأنج طول الوقت على بالي وأحاتييج الله يسهل أمرج
ويهون طلقج ويرزقج ساعة ولادة محد درابها

الحمدلله أنا من النوع اللي مايحب يجرب أي شي
وواثقة متى ما الله كتب للعيال أنهم يشوفون الدنيا
بينولدون
بس سبحان الله الواحد بعد يااااخذ بالأسباااااب

في بنتي ما جربت أبد اي شي
وربيت بعد ما خلصت التاسع بــ9 ايام
وكانو محددين لي يوم عشان يولدوني بالطلق الصناعي
بس الحمدلله شرفت غناتي للدنيا بعد ما طلعت روحي

وعقب فترة اختي في شهرها نصحوها بالخروع وجربته
مب مثلي جبانه هههههههه
المهم يابت غرشة كاملة وحطتها في كوب عصير مانجو
وشربته وما هي اللي ساعه وياها الطلق متسارع ونزل عليها الماي غير الأسهال وانتم بكرامة
وتيسر أمرها وربت في اليوم الثاني

وفي ولدي كنت على وشك أني اخلص التاسع وخذتها قاعدة
أني ما اربي الا يوم اخلص الأربعين اسبوع
مع اني اول ما دخلت التاسع شافتني دكتورة
وقالت لي الراس خلاص تحت بالكثير اسبوع وتربين
وللأسف طافت الاسابيع وما ربيت
عقب دكتورتي في الخاص
قالت لي آخذ بس ملعقة زيت خروع
عقب ما ارد من المشي
وكنت امشي بين عشرين ألى نص ساعة وما يكون فيني حيل
وكان الطلق يرووح ويرد علي
وسبحان الله في ليلة خذت ملعقة الخروع
ورقدت رقدةولا احلى منها ماحسيت بشي
ألا ويه الفجر بداية نزول الدم عندي والويع مب قوي
خذت لي نص ساعة في البانيو مع ماي دافي
لأنه الماي الدافي يفتح النفس اسرع
وعقب قلت لريلي وخظفت على اختي وصلت المستشفى والنفس
عندي 7 ماشاءالله وكنت حاسة اني بولد في اي لحظه
وما انفتح عندي الماي
وماحب يفتحونه عشان مايسرع عندي الطلق
واستغربوا كيف اني قدرت اتحمل الويع!!!
وما هي الا ساعة وشرف ولدي فديته

الخلاصة أنا ماخذت الخروع الا بعد ماطلبت مني الدكتورة، وماشربت الغرشة كلها
لأنه صدق بحلني حل
خذي الخروع اذا كنتي مفكره فيه بعتدال

والحمدلله ما شفت مشاكل من خذته بس تسهلت ولادتي
بعد 5 ايام من يوم خلص التاسع

والقرار لج
والله يسهل ولادتج اليوم قبل باجر

pinkypinky · 03-19-2011, 12:03 PM

السلام عليكم حبيباتي شو مسويااات واشحال التعب وياااااكم ؟؟؟؟
عني حاااااسه بتعب ودوووووخه وااااايد
الله يعييين وييسر من عنده

pinkypinky · 03-19-2011, 12:04 PM

غرومه بشريني عسى بتربيين طبيعي شو قالت لج دكتورتج ؟؟؟؟؟؟

اول غرام · 03-19-2011, 12:05 PM

الياه
ياعمري والله فاقدينك ...
وانا زيك عندي التهابات خفيفه وشكلها تسببلي تقلصات
ووصفتلي الدكتوره تحاميل مهبليه بس ماشي فايده ... << ترمس اماراتي
والزكام يومني بالشهر السابع وصفتلي الدكتوره علاج لمدة 3 ايام بس من اول يوم حسيت بتحسن ..
انتي وش وصفولك ...؟
وبانتظار تجارب زيت الخروع ...

رضاك ربي · 03-19-2011, 12:07 PM

تهنئة من القلب للسعوديين ربي يحفظها حكومة وشعبا ويحفظ بلاد المسلمين جميعا ويبعد عن بلاد المسلمين الفتنة والفساد ويصلح شأنهم ويوحد كلمتهم وينشر الامن والامان ببلاد المسلمين

ويصلح شأن البحرين ربي اجعل هذا البلد امنا مطمئنا سخاء رخاءا وسائر بلاد المسلمين

اول غرام · 03-19-2011, 12:10 PM

بنكي بنكي
هلا وغلا فيك ... اخبارك وش مسويه ..؟
والله ياعمري مدري ...
آخر مره بالحكومي طلعت على مسؤليتي على انه الاول مقعدي والثاني فوق
وقالوا لي بنولدك باذن الله طبيعي لان الوزن صغير وبنقدر نسحبه ان شاء الله
وانا حاسه ان شكلهم بيلعبون فيني وبيتعبوني والله المستعان

وبعدها رجعت لدكتورتي الخاصه .. وشافت بالسونار واحد منهم راسه تحت والثاني فوق ..
قلت لها لازم ينزلون الراسين لـ تحت
قالت تولدين قيصريه ... على اني الي خابرته ... ان افضل الاوضاع تكون الروس جايه تحت
والعلم عند الله ... مدري هالدخاتره وش قصتهم ...

ام سولي · 03-19-2011, 12:12 PM

ما شاء الله بارك الله ملكنا عبد الله والدنا ومحبوب وكلنا نموت فيه يارب توفقه وتشافيه
سألتي زود عن المكرمة اقولك:
رواتبنا شهرين دبل
وبيصير عندنا تشديد رقابي على الغش التجاري والغش الإداري
والرجال ترقو القطاع العسكري (باركو لزوجي صار رقيب اول ما شاء الله)
والبطالة تصرف السنة عام 1433/1/1
والبنك العقاري صار التسليف 500000 الف ريال
والطلاب الجامعيين وما فوق الجامعيين تصرف لهم دبل مكافاأة
وبدل معيشة لكل موظف 15 بالمية
وتوظيف بالألوف ماتحضرني الحين وبناء الوف المساكن للفقراء لا وبسرعة بالتنسيق وبإجتماع عاجل وزير العمل ووزير الشؤن القروية
وعقوبة كل من تجرأ او سب العلماء جاء يومكم يا العلمانيين
وبناء وترميم مساجد وفتح جمعيات خيرية للأمر بالمعروف والنهي عن المنكر وتشديد على كل من تطاول عليهم
وامرببناء مستشفى اورام بمدينة الملك فهد الطبية
وما عاد باقي الا يشيلنا بيده عسى الله يوفقه يارب العالمين
صحيح في ناس بيقولون بس بس انقشو صبة والله القرارات اللي صدرت مو بسيطة وبتكلف الدول وايد وايد ويبيلها طولة بال عاد حساد السعودية كثير بيقولون وبيقولون وحنا نقول لو ماعطانا الملك اي هبة يكفينا انه شايلنا بقلبه وشايلينه بقلوبنا له محبة غير ابو متعب عسى الله يسدد خطاه ويوفقه
وفي اشياء ناسيتها
قولو امين

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أزياء حوامل 2011 , أفخم الموديلات و آخر موضة ملابس حوامل لعام 2011	ايلاف	الموضة و الجمال	13	10-06-2014 09:07 PM
أزياء حوامل 2011	غلا الشوق	الموضة و الجمال	4	02-08-2012 02:47 AM
ازياء حوامل 2011؟	الحبوبه	الموضة و الجمال	10	02-16-2011 04:07 AM
ازياء حوامل 2011 ملابس حوامل صور حوامل ملابس افضل الملابس للحامل	غلا الشوق	الموضة و الجمال	13	01-02-2011 10:02 PM
أحلى ملاااابس للحاااامل 2011	Mقمة البرااااائهM	الموضة و الجمال	4	04-24-2010 04:38 PM