دردشة حوامل أهل جدة - دردشة بنات جدة - تجمع حوامل مدينة جدة

[&&جلنار&&]

رورو..خلي عنك الكسل واسألي في قوقل ><
سألتلك عنها في موضوعين كملي الباقي
الي قرأته انها مره طيوبة وأخلاق وفي القيصري ممتازه جدًا
أسألي كمان انتي وابحثي اكثر عشان تطمني

[دالياا]

اهلين كروشات كيفكم؟
مصرقعه اختفت فينهااااا ؟؟طمنينا عليكي اذا متابعه...
بنات مين تعرف شغالات بالشهر بجدة؟؟؟؟ يمكن احتاجها برمضان

[ولووفه]

مسااااءالخير بنات انا ان ارادالله راح اجي جده نهايه الاسبوع عشان اقضي للبيبي ولي من عندكم
الله يسعدكم اذا تعرفو محلات تخفيضات او نزلت التخفيضات بسنتر بوينت وستي ماكس علموني
الله يسعدكم لان باقي وادخل التاسع 5 ايام وتعرفون صعبه وكمان ضغط اني اقضي لي وللبيبي بصيف وزواجات.
يعني ماني حابه ازودها على ابو الشباب
عشان كذا بدور اذا نزلت التخفيظات ومشاااءالله الاسواق عندكم كثيره مو حابه اضيع وقت من غير فايده عشان كذا عم بسئلكم
عارفه في قسم لهذا الموضوع بس مافي تفاعل واللي بتدخل تعلم عن التخفيظات مابتعلم شو مدينتها
ياليت ماتبخلو علي
ربي يفرج همكم ويقومنا كلنا بسلامه

[سوسهs]

تفضلي شاركينا

http://forum.hwaml.com/t113581.html



تقبلو مروري سوسه

[رورو ام لولو]

ي عمري ي جلنار الله يسعدك دورت بعد ماقلتيلي بس لقيت انها تستعجل على عمليه وانا خاااايفه تعرفي انا ابغاها لانها الوحيده الاستشاريه اللي ع التامين الباقي كلهم كاش اختي ك انت تولد عند فاطمه العتيبي تمدحها بس تاخذ شغل يدها 3الاف قلت انا اولى فيها اذافيه البديل المناسب وبالنسبه للي تسال عن التخفيضات الاسبوع اللي فات رحت ستي ماكس لقيته منزل تخفيض بس الباقي مدري والله

[&&جلنار&&]

داليا..والله ما اعرف احد لكن بحاول اشوفلك
ولووفه..مسا النور..ستي ماكس و رد تاغ واتش آند ام عندهم تخفيضات ما اعرف غيرهم..قبل فتره نكست كان عندهم تخفيض
وفي محل شو اكسبرس محل جزم الله يعزك وشنط بس مدري حيفيدك او لا انا شفت عندهم شنط كبيرة حق مناسبات تقدري تحطي فيها غيارات البيبي لمن تخرجي وحلوه اشكالها واسعارها
اتوقع لو رحتي ولفيتي في مول عالمحلات تحصلي محلات منزله تخفيضات
الله يسهلك يالغلا =)

[هشاميه]

كيفكم كروشات ان شاء الله بخير

[رورو ام لولو]

اهلين وسهلين هشاميه ادعولي عندي اختبار بكرا واحس اني مو مذاكره شي ومتوتره مممممرا

[&&جلنار&&]

رورو..^^ ايه قرأت انها تستعجل بس بعدها شفت مواضيع ثانيه انها ماتستعجل..مشكله هالتأمين ><
الله يسهلك الإختبارات يارب..

[نكهة القهوة]

أهلين حبيبتي جلنورة والشر مايجيك يارررب انا أستخدم بخاخين اللي هي فينتولين وسيمبيكورت والكتمة الله المستعان ماهي راضية تخف بالعكس كل مالها تزيد كنت مرتاحة منها بالشهور الأولى اسأل الله ان يهون علينا ويتمم لنا على خير .

ايوه يا قلبي أضغطي على نفسك وكملي الأربعين والله بتحوسين بالبيت لحالك وبكرية كمان اما انا أحتمال أجلس أسبوعين وأرجع وجالسة أفكر أجيب شغالة تساعدني بالنفاس وما أروح لأمي عشانها تعبانه وما أبغى أغلبها بس أمي ماهي راضية تقول تعالي عندي ولو أسبوعين تريحين شوي

والمشي الآن خذي نفسك شوي شوي ولاجيتي جدة بالسلامة ذيك الساعة أنطلقي بحرية هههههههه والله يسهل لي ولك ولجميع الكروشات ياكريم.