【ツ】أحلى تجمع لأحلى حوامل التوائم 【ツ】 ‏الجزء الثالث

[الياه]

الفراشة الجميلة

هانت كلها ايام وبإذن الله تقومين بالسلامة
ولعله خير ولادتج قيصرية
عني مثلج كل ولاداتي طبيعي وخايفة من القيصري
بس متفآلة خير بأنه الله يسر أمري واربي طبيعي
واستخيري، والله بيسر لج الخير طبيعي أو قيصري
إذا الروس فوق طولي في السجود
وإن شاءالله الله بيغير وضعهم
ولو الله كتب لج الخير بالقيصري
اختاري بنج نصفي، لأنه مضاعفاته أقل من الكلي
ولا تخافين أنج تتوترين خلي الاستغفار على لسانج
طول الوقت وذكري الرحمن
واستودعي نفسج وأجنتج عند الذي لا تضيع ودائعة
أنا افكر في ابرة الظهر سواء طبيعي أو قيصري
وأن شاءالله بستخير
توكلي على الله ومن توكل على الله كفاه
ولا تنسيى الاستغفار
وكلها اسبوع وان شاءالله تبشرينا بسلامتج أنت والتوينز

الوردة النرجسية

حمدلله على سلامتج، والله يبارك لج في التوينز
ومأجورة من التعب الغالية
شخبارج ويا السهر والتوينز أن شاءالله مب متعبينج

أم جمانة

سلامات وأجر وعافية ، الله يهون عليج ويتمم لج على خير
وتوصلين التاسع وتفرحين بالتوينز

رضاك ربي

شخبارج عساج بخير، ومبرووووك البنوته، والله يرزقج
باللي في خاطرج، وحلو اسم رواااسي
غريب بس جذبني

أم منذر

راجعي المستشفى، والله يعافيج وأن شاءالله مافيج التهاب
وكثري من شرب الماااااي، لا تنسين اطمنينا عليج


هيـــــــونة

ههههههههههه ضحكت من الخاطر، مبروووووك وصول عمتج
والله يعطيج خيرها ويكفيج شرها
ذكرتيني أول مرة يبت شغالة عندي كان شعوري غير
ما عرفت استانس ولا كيف اتعامل وياها
بس تبين الصدق، بيشيب شعرج قبل لا يشيبووونه التوينز
كيف بتعاملين وياها وهي ما تعرف عربي
لو تخلينها ع الأقل عند أهلج يعلمونها عشان
ما يشيب شعر هههههههههه

أول مره يبت خدامة كانت واصلة عقب ماربيت ببنتي
وكنت في الأربعين في بيت هلي قلت فرصة تعلم
هي من اندونيسيا وماتعرف عربي
أول يوم بت في بيتي
كنت سهرانه ويا بنتي طول الليل
إلا الظهر ريلي متصل علي، ويقولي وين شغالتج قلت له تحت
قالي : لا شردت وسارت بيت هلج؟؟؟
انصدمت كيف دلت الطريق
أوين سمعت صوت يقولها شششششششش سكتي ولا كلمة وتروعت ههههههه
على طول رديتها المكتب هاي من أولها شردات

بس ان شاءالله تكون شغالتج ابرك وارحم من اللي شفتهم
اقري دوووم في عيونها
اللهم اجعل الخير بين عينيها والشر تحت قدميها

[الياه]

بنكي بنكي

الحمدلله أنه وصل على الولادة أهم شي يكون الأب
موجود لأنها لحظه مهمه في حياتكم
الله يسعدكم دنيا وآخره

وعاااشت الأسامي كلها حلوه وبإذن الله
إذا الله كتب لي السلامة والتوينز بيكون اسم ولدي
مثل واحد من عيالج
لا تنسين تحصنين نفسج وعيالج في كل وقت

مهاااا

شخبارج يا عسل، سلامتج الف سلامة من الكحه
ماراجعتي دكتورة عشان تعطيج شي وترتاحين
دام كل الخلطات ما فادت!!!

[الياه]

أم سارة وسابلاء

الله يبارك لج في العروستين وتفرحين فهم
يبت لج اسماءوأختاري اللي يعجبج
سميرة، سمر، سما أو سماء، أو سمى
سجى، سحر، سوسن، سوار،سناء،سلوى، سندس
وعليج الأختيار

عشمانة في ربنا

توكلي على الله ، وإذا الله كاتب لج الطبيعي
لا تخافين، وان شاءالله الله يكتب لج ولادة سهلة ميسرة
بالعكس الطبيعي لو تتعبين ساعة ولكن مالها إي مضاعفات
مثل القيصري
واستخيري

محبة رسول الله

الله يديم المحبة علينا، وصدق التجمع غيـــر
الحمدلله تحسين كلنا على قلب واحد والكل يحس في الثاني
ونرتاح يوم نسولف ونقول كل اللي بخاطرنا

[الياه]

أحلى توينز 2011

أنا رحت ع موعدي الخميس الي طاف وقالت لي الدكتورة بالحكومي
اني الازم اولد بعمليه واذا كانت الرؤوس تحت انا قلت ليها آن شاء الله ع جدام اذا نزلت الروس مااحتاج عمليه وعصبت علي وقالت

كيف تربين طبيعي والتوينز بمشيمة وحدة هذا خطر واحنا نخاف وان شاء الله آخرشهر5 أو بدايه شهر 6 بتكون العمليه انا استغربت ولادتي ع اخر شهر 6 ووهي تقول يتسوي العملية ع نهايه شهر خمسه او بدايه شهر 6 اكيييييد البيبيات بيحتاجوا حضانة علشان بيكونوا ماكملوا المدة وهم بالتاسع وخبرت زوجي وقال بينقلي لمستشفى حكومي ثاني وآن شاء الله خيييييييييييير.

هلا والله شخبارج عساج بخير،الله يكتب لج الخير ان شاءالله

سمعي كلام ريلج ، وشوفي مستشفى ثاني، أنتى كنت معزمة تربين في مستشفى في الفجيرة ولا وين؟؟؟
بالعكس في حوامل بكيس ومشيمة وحده والله كتب لهم الولادة الطبيعية، وكيف تحدد لج من الحين، دكتورتي تقول بعطيج الأكيد
قيصرية أو طبيعي على آخر الثامن أو أول التاسع
لأنه الأجنة أوضاعهم تنغير
ما بتخسيرن شي شوفي راي ثاني
وأهم شي تستخيرين والله ان شاءالله بيسر لج اللي فيه الخير
وطمنينا عليج

[pinkypinky]

تسلمييين حبيبتي آلياه
الله يتمم لج علا خييير
وتفرحيين بتونزاتج قولي أمييين
وكل بنااات المنتدا
الله يسعدنا جميعا ويسر أمورنا
في غير عسر بنااات الله ييسر
ولادتكم يا رب ونحن اللي ربينا
الله يعينا علا تربيه غيالنا
والله يا آلياه اين إحاتي
يوم بيرد يسافر ويخلينا
الله يساعدني

[الياه]

بنكي بنكي

هونيها وتهون، تراه رزقه وهو يسوي كل هذا عشانكم
أن شاءالله التوينز يكبرون ولو طول في سفره
ليش ما تروحين وياه

بسألج حبيبتي شو كانت ردت فعل أهلج
يوم ربيتي؟؟ ولا كانوا يعرفون أنهم توينز

لأني مب مخبره حد غير أمي وثنتين من خواتي
وخايفة من ردة اللي حولي

[الياه]

كرووووووشات و رشيـــــقات

مب ملاحظين أني منورة التجمع اليوم<<<<ههههههه مادح نفسة
يبالة دزه هههههه
بالرغم أنه نص الأسبوع
السالفة ومافيها ياحبايبي
أني ما بداوم باجر لأنه عندي موعد غدة وحوامل
المهم سرت بالأحد عشان تحليل الدم للغدة
اتفجأة بأنهم يبوني أسوي تحليل سكر للمرة الثالثة
استغربت ليش؟؟؟
وأنا قبل مسوية واتصلت في المختبر وقالوا لي
مافيني الحمدلله شي
ويوم سرت عند الدكتورة ماعلقت ولا قالت شي على التحليل
وعلى اساس أنه مافيني شي ماسألتها
ألا اللي في المختبر يقولي عندج السكر مرتفع
عشان جذي يبوني أسوي تحليلّّّ!!!!!!
انصعقت من كلامه معقولة فيني سكر
وأنا ماخذه راحتي في الحلو جلكسي وخوانه
صح أني وااايد اعطش بس ماتوقعت يكون من السكر
علي بالي لأنهم توينز يخلون الأم تعطش أكثر<<<< شو هالفكرة الخطيره ههههه
والحين أنا في حيرة من أمري فيني سكر ولا لا
وباجر بسأل، وبكون دكتورة نفسي وبسألهم على كل اللي في خاطري


صح بنات في شي محيرني، وأبى رايكم
أنا بنية جسمي وااايد صغيرة وهالحمل غير مازدت إلا 3 كيلو للحين!!
مع أنه الحمل الأول 20 كيلو والثاني 15
بس هذا غير
المهم احس أنة التوينز مايضربوني في ضلوعي
مثل حملي اللي قبل
بالعكس أحس بهم فوق الضلوع، والله شي غريب واحساس
يخوف، معقولة ماتوسع القفص الصدري عندي وتوسع الرحم وطلعوا فوق الضلوع تقريبا احس بهم فوق 4 ضلوع!!!!

والله أعرف أنها فكرة جنونية
بس هذا الواقع، واخاف هالشي يأثر على التوينز

طمنوني أذا هالشي طبيعي

والحين أستأذنكم لأني ما رقدت طول اليوم
بس اشتقت لكم

استودعكم الله الذي لاتضيع ودائعه

تصبحوووون على خير وزهر

[pinkypinky]

آلياه وين أسير وياه وأنا نفاس
مأما ما بتخليني اتحرك
أا بالنسبه للتونز فكانت
صدمه لهم ما شا الله
وعاد جوفي ردود الفعل
في اللي بيفرح وبيضيح وفي اللي
بتحسينه بعده مصدوم وفي اللي
أعود بالله. ما بي اقوول شو
بس أانا أكثر شيء غور قلبي
أبوي كان يحاتيني بالذات يوم ترقدت
بمجرد ما قالت له أمي اني خلاص ولدت
تم يضيئيئيئيئيئييح مسكين يوم
سمعت صوته حسيت اني أتمناه يمي
أحضنه. وأنا كل يوم
اقووول الحمد الله اللي ربي غوضني
عن بكري اللي توفى وتعبنا معاه في فتره علاجه
اللهم لك الحمد و الشكر

[maha8181]

اي والله منوره يالياه حبيبتي وبقولج رحت الدكتوره عطتني حبوب الحساسيه اسمها زرتك بس ماودي اخذ ادويه قلت الوصفات الطببيعيه احسن وربك كريم نستحمل شنسوي بعد

الياه من جدك مازدتي الا 3 كيلو
طيب كم وزنك قبل الحمال
وان شاء الله يطلع مافيك سكر دايما يخرعونا بسالفة السكر وبالاخير يطلع ماعندهم سالفه ولا فيك شي ان شاء الله بس طمنينا عنك

[ماء زير]

الياه
والله منوره مو اليوم بس الا دايما ضحكتيني يوم قلتي ان التوينز طالعين فوق الضلع الرابع اتخيل شكلك

الفراشه الجميله
انا جربت قيصري وطبيعي
بس كان القيصري بنج كامل وفعلا تعبت وكنت اتمنى النصفي بس رفض دكتور البنج قال اني ما اتحمله بس ما ادري ليه وتعبت من صدري لان البنج كاتم على صدري واستخيري وادعي ربك يكتب الي فيه خيره لك ولاجنتك

مها
انصحك بـ الحلبه بـ اليوم مرتين اشربيلك كاس جربتها اول ما حملت تقريبا كان لي اربع شهور جتني كحه شديده ولا نفع معها بخار ولا علاجات ولا اعشاب غير الحلبه والحمدلله ما جاني ولاده ولا شي بـ العكس تقوي صدرك وتقوي الجنين وتكبره وبعد استعملتها في حملي الي قبل كان لي شهرين جتني كحه شديده ولـ درجه ما اقدر من وجع بطني احس كاني ابولد واستمريك عليها لين خفت الكحه وان شاء الله ناويه استعملها الاسبوع الجاي عشان تكبر التوينز وقت الولاده ولا يجتجون حضانه وحسيت الحمدلله ان ظهري تحسن مع الحلبه

بنكي بنكي
عطي ولدك قليل من الحلبه مع الاعشاب مثل اليانسون والبابونج والكراويا ما شاء الله تكبر الطفل واستعملي مريسه التمره مع الماء حتى توخر العطش وتكبر الطفل بس اول ما تعطينه خليها تكون خفيفه وبـ التدريج مع الايام ثقليها ولا تستعجلين الطفل مايكبر الا بعد العشرين او الشهر وبعضهم على تمام الاربعين بنتي ولدتها 2,300 كيلو جرام وحسيت انها تحستن صحتها في خلال الشهر