اهلا باهل الجود والكرم **اهلا بسيدات ليبيا**

هدية الخالق · 03-17-2014, 11:31 PM

اهلين سوسو الله يسلمك تمام كلنا شن اخباركم أنتم
ليييك وحشه حتي انتي والله

هدية الخالق · 03-17-2014, 11:33 PM

أمين يا سوسو ربي يسمع منك والله قلبي تقطع عليها وصامتتني صمت ربي يفرج عليها

هدية الخالق · 03-18-2014, 12:15 AM

جيجي ليك وحشه يا غاليه إن شاء الله تدخلي وطمنينا عليك إنتي والحلوات

أثري في مدادي · 03-18-2014, 01:05 AM

السلام عليكم ورحمة الله وبركاته
خشيت ،،،،،،،،،
ويدي علي قلبي ،،،،،،،، قلت أكيد الجماعة حولــــــــــــــــــــــــوا ؟؟؟

مش مدتنا 100 صفحة وبعدين مع الســـــــــــــــــــــــــــلامة !!!

هيا وتولنا حويش جديـــــــــــــــــــــــــــد ،،،،

كيف حالك هدهد ؟؟؟
وعظم الله اجركم وجبر كسركم ،،،
سبحان الله
لكم يشعر المرء بقيمة النعم حينما
يرى من قد فقدها
فأنسنا بأزواجنا وذرارينا
لهي من أعظم النعم

ولكن.....................
المؤمن مبتلى وواجب عليه الصبر
والحمد لله على كل حال

هي الآن محتاجة إلى دعم معنوي قوي جدااااااااااااااااااااااااا
فهي
مبتلية بفقد زوج وصحـــــــــــــــــــة وغياب """ مرد ومرجع """""
فالله يصبرها
وأسأل الله أن تكون في طيات هذه المحنة منــــــــــــــــــــح من عند الله
هداية واستقامة لها
فكم من إنسان عاد لربه تائبا
عقب المصائب والرزايا
ولو بقي بعافيته لزاد انهماكا بالدنيا وانشغالا عن الآخرة

اللهم نسألك حسن الخاتمة

هدية الخالق · 03-18-2014, 02:20 AM

السلام عليكم اهلين أتري كيف الحال
أجرنا واجرك إن شاء الله بارك الله فيك وان شاء الله ربي يسمع منك ويصبرها ويعوضها بالأحسن
يا بنات خوله مغطسه إن شاء الله خير ابصر شن صار فيها اكيد جابت

هدية الخالق · 03-18-2014, 02:21 AM

إن شاء الله تكون جابت طبيعي وافتكت من العمليه يارب

خوله 2014 · 03-18-2014, 02:38 AM

السلام عليكم ورحمة الله وبركاته
الله يبارك فيك يا اختي هدية عالسؤال والاهتمام وربي يحفضك لعويلتك يااا رب
والله قاعدة يا بنات انراجي في رحمة ربي اخر موعد مع الدكتوره قالتلي قاعد راصه فووق ولازم انلفوهالك والا مطرين انديرو عمليه واني ما نبيش العملية ياااارب سخرلي الحال ياااارب انجيب طبيعي ونفتكه من العمليه واليوم اني اول يوم في الاسبوع 39 والمفروض يوم الجمعه الي فاتت نمشي للمستشفي باش ايتلفهلي الدكتوره ولكن للاسف ما حصلتليش فلهدا قالتلي استني تليفون مني
واني حايره وانراااجي علي احر من الجمر

خوله 2014 · 03-18-2014, 02:46 AM

عظم الله اجرك يا هديه الله قديش مؤتره حالتها بنت عم امك ربي يفرج عليها ان شاءالله ويصبرها وربي يرحم ويغفر لزوجها ويدخله جنات النعيم يا روحي توفي وهو يجري علي الصغار ان شاااءالله ربي يعوضه الجنه يااارب

هدية الخالق · 03-18-2014, 04:18 AM

اهلين بخوله كيف حالك وحال عويلتك ربي يسهل عليك والله توقعتك جبتي
توكلي علي ربي واللي فيه الخير ربي يجيبه وسلمك حبيبه لا شكر علي واجب
وبارك الله فيك أجرنا واجرك إن شاء الله ربي يرحمه برحمته الواسعة ويلطف بيها

هدية الخالق · 03-18-2014, 04:24 AM

أتري بالله منسالك عادي لو درت عزومة عشي لشباب عزابه أو حد محتاج نوعا ما ونويتها صدقه لميت ؟هل تجوز وتنقبل والا لا ؟
ومشكورة مقدماااا
أمس كانت عندي عزومة لسته شباب مش عرب لكن مسلمين درتلهم كسكسي بالبصلة وطاجين ومبطن وسلة حارة والحمد لله عجبهم العشي والصواني جوني فاضيات وحصلت دعوات منهم وقالو لزوجي قول لزوجتك بارك الله فيك وجزاك خيرا فرحت الحق واني في بالي ناويتها صدقه لميت باذن الله بعدين فكرت قلت بالك حرام وما يجوزش خلي نسأل ونستفسر قبل

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اهلا وسهلا	قيثاره النور	ملتقى عضوات حوامل	4	12-15-2012 10:08 AM
اهلا	الورد الفايح	ملتقى عضوات حوامل	7	11-03-2012 09:24 AM
اهلا	امال ام ياسر	ملتقى عضوات حوامل	6	06-02-2012 03:55 AM
اهلا اهلا بالعيد 2013، فرحة ولادنا بلبس العيد 2013، ملابس الاطفال في العيد2013	ملكة العرب	الموضة و الجمال	2	05-09-2012 07:57 PM